Read SEBR SÕNGO, 1998 A Ezekɩyɛlle 15 Bible Online

A Ezekɩyɛlle 15 - SEBR SÕNGO, 1998 bible

A Ezekɩyɛlle 15

¹Sẽn-Ka-Saab goma ne maam n yeele:

²«Ninsaala, dẽ yĩnga, reezẽ tɩɩg raoog sãoo tɩɩs a taabã raad ne bõe? Yẽnda wilã tara yõod n yɩɩd weoogã tɩɩs a taabã wil bɩ?

³B tõe n dɩka a raadã n pees bũmb bɩ? Ned tõe n dɩka a raadã n pees baaf sẽn tõe n yagl bũmb bɩ?

⁴Ayo, b ningd-a-la bugmẽ, tɩ bugmã rɩ-a. La bugmã sã n wa rɩ a kɩrems a yiibã tɩ tẽn-sʋkã ket n dɩt bugum, b tõe n leb n dɩk-a lame n maan bũmb bɩ?

⁵Ade, a sẽn wa n ket n yaa mumdã, b rag n ka tõe n dɩk-a n pees bũmb tɩ b ka sokd bugum sẽn dɩ-a ye.»

⁶Beneere! Maam a Zu-soab a Sẽn-Ka-Saab yetame: «B sẽn naagd reezẽ tɩɩs raad ne tɩɩsã taabã raad n yõogd bugum to-to wã, mam na n maana Zeruzalɛm nebã me a woto.

⁷Mam na n wẽnemdame n zab ne bãmba. Baa bãmb sã n põs n yi bugmẽ wã, bugmã na n dɩ-b lame. Mam sã n wa wẽnemd n zab ne bãmba, yãmb na bãng tɩ mam yaa Zu-soab a Sẽn-Ka-Saabo.

⁸Mam na n kɩtame tɩ tẽngã lebg zĩ-vɩʋʋgo, bãmb sẽn maan sẽn kisã yĩnga. Maam a Zu-soab a Sẽn-Ka-Saab n yeele.»