Read SEBR SÕNGO, 1998 A Zowɛlle 3 Bible Online

A Zowɛlle 3 - SEBR SÕNGO, 1998 bible

A Zowɛlle 3

¹Rẽ zugẽ, mam na n sika m Sɩɩgã ninsaalbã buud fãa zugu: yãmb kom-dibli la y kom-pugli na n yɩɩ no-rɛɛsdba, yãmb nin-kẽembã na n paama zãmsdo, tɩ yãmb kom-bɩɩsã paam vẽnegre.

²Wakat-kãnga, mam na n sika m Sɩɩgã baa ne yem-daadã ne yem-pogsã zutu.

³Mam na n kɩtame tɩ bãn puk yĩngr ne tẽngã zugu: na n yɩɩ zɩɩm ne bugum, la bug-zõose.

⁴Wĩndgã na n tekame n lebg lika, tɩ kiuugã tek n lebg zɩɩm, tɩ Sẽn-Ka-Saab daarã sẽn yaa ra-kãseng sẽn sek yɛɛsgã yaool n wa.

⁵ La yaa neb nins fãa sẽn na n bool Sẽn-Ka-Saab yʋʋrã bal n na n põse. Bala, Sɩyõ tãngã zugu, ne Zeruzalɛm, neb kẽer n na n põs wa Sẽn-Ka-Saab sẽn dag n yeelã, la nin-bãmb yaa Sẽn-Ka-Saab sẽn bool-b rãmbã.