Read SEBR SÕNGO, 1998 A Habakuki 1 Bible Online

A Habakuki 1 - SEBR SÕNGO, 1998 bible

A Habakuki 1

¹Ad sɩbgr koɛɛg Wẽnnaam no-rɛɛs a Habakuk sẽn deeg vẽnegr pʋgẽ.

²B yeelame: «Sẽn-Ka-Saabo, mam na n kelem n boola yãmb n kos sõngr tɩ ta dabʋre, tɩ y yaool n kelg-ma? Mam na n kelem n boola yãmb tɩ y fãag-d ne wõr-taabã tɩ ta dabʋre, tɩ y yaool n fãag-do?

³Bõe yĩng tɩ yãmb bas tɩ m yãt tʋʋm-wẽnsã, bõe yĩng tɩ y get tõnd tɩ d be namsg pʋga? Sãoong ne wõr-taabã gũbga maam. Lebga zab taaba, tɩ nokoɛɛmã rãamd zẽkdẽ.

⁴Rẽ kɩtame, tɩ ned ba a yembr ka leb n sakd tõogã ye. Bʋ-tɩrg ka tol n leb n beẽ ye, bala, nin-wẽnsã gũbga nin-tɩrga. Rẽ kɩtame, tɩ bʋ-kɛgã reeg bʋ-tɩrsã zĩiga.»

⁵Sẽn-Ka-Saab yeela b nebã yaa: «Ges-y bu-zẽmsã sʋka, ges-y tɩ y pɛleng yɩke, tɩ yɩ lingr ne-yã. Bala, bũmb n maand yãmb wakate, la b sã n dag n yeel yãmba, yãmb ka na n tẽ ye.

⁶Ade, mam na n kɩtame tɩ Kalde rãmbã sẽn yaa nin-toose, la nin-wẽnsã paam pãnga. Bãmb pɩʋʋgda soolem-kãsemse, n deesd zĩis n soogdẽ, tɩ yaool n ka bãmb dẽnd ye.

⁷Bu-kãng yaa bu-toaaga, la b seka zoeese. Yẽnda viginda a meng tɩrlem ne a naam.

⁸Yẽnda wiidã zoees tʋʋlem yɩɩda ãbga, bãmb zabdame n yɩɩd zaab-noor kata. Bãmb wed-rʋʋdbã yita zĩ-zãrgẽ n fõt n watẽ, b yɩgda wa pa-nand-tugr sẽn fõt n wat n na n dɩk a rɩɩbo.

⁹Kalde rãmbã fãa watame n dat n wõre. Bãmb naka b neng n tees tɩrg bala. Bãmb yõga neb sẽn yaa wʋsg wa bĩisr n maan yembse.

¹⁰Bu-kãng toog ka be ne rĩm-dãmba, la b laada nanambse. Bãmb ka yɛɛsd tẽms sẽn gũbg ne lals ye. Bãmb zamda tãnd n dʋʋd n deesd tẽn-bãmba.

¹¹Bãmb pɩʋʋgd n loogda wa sob-raoogo, b maanda wẽnga, la bãmb pãngã n yaa b Wẽnnaam!»

¹²Mam Wẽnnaam Sẽn-Ka-Saabo, m Pʋ-Peelem-Soaba, ka yãmb n sɩng n be hal kʋdem-wẽndẽ la? Tõnd ka na n ki ye! Sẽn-Ka-Saabo, yãmb n yãk Babilond nebã tɩ b kao tõnd bʋʋdo. Sẽn-Ka-Saab sẽn yaa m Pĩig Kugri, yãmb n yãk bãmb tɩ b sɩbg tõndo.

¹³Yãmb ninã yaa yɩlem wʋsgo, n ka tõe n ges wẽng ye. Yãmb ka tõe n sak n getẽ tɩ b maand wẽngã ye. La yaa bõe yĩng tɩ y sĩnd n get zãmb dãmbã? Bõe yĩng tɩ yãmb sĩnd n getẽ tɩ nin-wẽng sãamd sẽn yaa-a tɩrg n yɩɩd yẽnda wã?

¹⁴Yãmb maanda ninsaalbã wa ko-kãsengã pʋgẽ zĩma, y maand-b-la wa bõn-kẽndsã sẽn ka tar soaalã!

¹⁵Babilond nebã yõgda bãmb fãa wa b sẽn yõgd zĩm ne lɛooga. B vuuga bãmb ne gãmbr n yiisi, n yãgsd bãmb n ningd zũnunsẽ, n maand sũ-noog n kɩdemdẽ.

¹⁶Rẽ kɩtame, tɩ b maand maand b gãmba wã yĩnga, la b yõogd wisd n kõt b zũnunsã. B yetame tɩ yaa bãmb yĩng la b paam naare, bãmb yĩng la b paam rɩ-nood n dɩtẽ.

¹⁷Rẽ yĩnga, b na n tara b gãmba wã zukri, la b tar buud a taabã n sãamdẽ tɩ nimbãan-zoeer ka beẽ?