Read SEBR SÕNGO, 1998 A Luk koe‑noogo 19 Bible Online

A Luk koe‑noogo 19 - SEBR SÕNGO, 1998 bible

A Luk koe‑noogo 19

²la rao a ye n da be be t'a yʋʋr boond t'a Zaase, a yaa arzɛk soaba, n yaa yaood dɛɛgdbã naaba.

³Yẽnda rag n baood n yãnda a Zeezi n bãng b sẽn yaa a soaba, la neb kʋʋngã yĩnga, a rag n ka tõe n yãnd-b ye, bala yẽnda yaa rao-koɛɛga.

⁴Dẽ, yẽnda wudgame n kẽng taoor n tɩ rʋ wom-sɛɛg n na n ges a Zeezi, bala b rag n tog n tũu beenẽ n looge.

⁵La a Zeezi sẽn ta zĩ-kãngã, bãmb nak n gesame n yeel a Zaase yaa: Zaase, sig tao-tao, bala mam tog n siga fo yirã rũndã.

⁶A Zaase siga tao-tao n deeg a Zeezi ne sũ-noogo.

⁷Nebã sẽn yã rẽ, bãmb fãa yẽgmame n yetẽ t'a Zeezi tɩ siga yel-wẽn-maand yiri.

⁸La a Zaase yalsa Zu-soabã taoor n yeel-b yaa: Ade, Zu-soaba, mam na n yãka m paoongã pʋɩ-sʋk n kõ naong rãmba. La mam sã n dag n zãmba ned n deeg a bũmbu, m na n lebsa yẽnda naoor a naase.

⁹A Zeezi yeela yẽnda yaa: «Fãagr waa yi-kãngã pʋg rũndã. Bala, nin-kãngã me yaa a Abrahaam yagenga.

¹⁰Bala Ninsaal Bi-riblã waame n na n bao la fãag bũmb nins sẽn dag n menemã.

¹¹La nebã sẽn kelg gom-kãense, a Zeezi leb n wẽe bãmb yel-bũndi, bala, bãmb da kolga Zeruzalɛm. La nebã rag n tagsdame tɩ Wẽnnaam soolmã na n puka wakat-kãng bala.

¹²Dẽ, a Zeezi yeelame yaa: «Na-biig a yembr n da yi n kẽng tẽng sẽn zãr n na n tɩ reeg naam la a wa.

¹³Yẽnda boola a tʋmtʋmdb piig n kõ-b mind piig n yeel-b tɩ b yõdg n leeb n paam yõod hal tɩ yẽnda lebg n wa.

¹⁴La a soolmã nebã rag n kisa yẽnda, la b tʋma neb tɩ b pʋgl-a n tɩ yeel yaa: ‹Tõnd ka rat tɩ rao-kãngã soog tõnd ye.›

¹⁵La yẽnda sẽn deeg naamã n lebg n wa, a kɩtame tɩ b bool tʋmtʋmdb nins yẽnda sẽn da kõ ligdã tɩ b wa, tɩ yẽnda bãng ned kam fãa sẽn leeb n paam yõod to-to.

¹⁶Pipi soabã waa n yeelame yaa: ‹Zu-soaba yãmb minnã paama yõod min piiga.›

¹⁷A yeela yẽnda yaa: ‹Be neere, tʋmtʋmd-sõngo, fo sẽn maan sɩd ne bũmb bilfã yĩnga, bɩ f soog tẽms piiga.›

¹⁸La yiib soabã waame n yeele: ‹Zu-soaba, yãmb minnã doga min a nu.›

¹⁹A yeela yẽnda yaa: ‹Fo me soog tẽms a nu.›

²⁰A to n waa n yeele: ‹Zu-soaba, ad yãmb minnã! Mam dag n vil-a-la ne peend n bĩngi,

²¹bala, mam dag n zoeta yãmba, yãmb sẽn yaa nin-toaagã yĩnga. Yãmb dɩkda bũmb ning y sẽn ka rɩgle, la y tigsd bũmb ning yãmb sẽn ka bʋd ye.›

²²Naabã yeela tʋmtʋmd‑kãng yaa: ‹Tʋmtʋmd-wẽnga, mam na n dɩka fo mengã goam n kao fo bʋʋdo. Fo rag n miime tɩ mam yaa nin-toaaga, tɩ mam dɩkda bũmb ning mam sẽn ka rɩgle, la m tigsd bũmb ning mam sẽn ka bʋd ye,

²³dẽ, bõe yĩng tɩ fo ka bĩng mam ligdã bãnkẽ[3] tɩ mam sã n lebg n wa bɩ m deeg-a ne yõodo?›

²⁴La a yeela neb nins sẽn da be be wã tɩ b reeg min a yembrã a sẽn tarã n kõ ned ning sẽn tar-a min piigã.

²⁵Bãmb yeela yẽnda yaa: ‹Zu-soaba, yẽnda tara min piiga.›

²⁶Mam yeta yãmb tɩ b na kõo ned ning sẽn tarã, la ned ning sẽn ka tarã, b na n deega baa bũmb bilf ning yẽnda sẽn tarã.

²⁷La sẽn keta, tall-y mam bɛɛbã sẽn da ka rat tɩ mam soog-bã n wa ne ka. Kood-y-b mam nifẽ ka.»

²⁸A Zeezi sẽn gom a woto n sɛ, bãmb lʋɩɩ nebã taoor tɩ b rabd Zeruzalɛm.

²⁹La bãmb sẽn kolg Bɛtfaaze ne Betani sẽn be tãng ning sẽn boond tɩ oliiv tɩɩs tãngã sẽnẽ, a Zeezi tʋma b karen-biis a yiib,

³⁰n yeel-b yaa: Kẽng-y tẽng ning sẽn be taoorã, y sã n ta be, y na n yãnda bõn-bil b sẽn loe, tɩ ned nan ka zomb-a ye. Lok-y-yã-a, n wa ne ka.

³¹Ned sã n sok yãmb tɩ bõe yĩng tɩ y lokd-a, bɩ y yeel-a tɩ yaa Zu-soabã n dat-a.

³²Neb nins b sẽn da tʋmã kẽngame n tɩ mik tɩ yaa wa a Zeezi sẽn da yeel bãmbã bala.

³³La bãmb sẽn lokd bõn-bilã, a soaadbã soka bãmb tɩ yaa bõe tɩ b lokd bõn-bilã.

³⁴B leokame tɩ Zu-soabã dat-a lame.

³⁵La b talla bõn-bilã n wa a Zeezi nengẽ, n paal b fut a poorã n kɩt t'a Zeezi zombe.

³⁶La bãmb sã n kẽngdẽ, nebã yɛɛta b futã sorã zugu.

³⁷Bãmb sẽn kolgd Zeruzalɛm, oliiv tɩɩs tãngã sigdg sẽnẽ, bãmb karen-bi-kʋʋngã fãa sɩngame n zẽk b koees n pẽg Wẽnnaam ne sũ-noogo, bõn-bãnã fãa bãmb sẽn yã wã yĩnga.

³⁸Nebã da yetame tɩ yaa: Wẽnd na bark rĩm ning sẽn wat ne Zu-soabã yʋʋrã! Laafɩ bee arzãna, la ziir bee hal yĩngri.

³⁹Fariizẽ-dãmbã kẽer sẽn dag n be neb kʋʋngã sʋk yeela a Zeezi tɩ b leng b karen-biisã tɩ b sĩndi.

⁴⁰A Zeezi leokame yaa: Mam yeta yãmb tɩ b sã n sĩndi, kugã na n kelmame!

⁴¹Bãmb sẽn kolg Zeruzalɛm, a Zeezi sẽn yã tẽngã, b yãba a yĩng n yeele:

⁴²Fo me sã n da bãngẽ bũmb ning sẽn wat ne fo laafɩ wã rũndã! La moasã b solga ne foom.

⁴³Wakat n wat tɩ fo bɛɛba na n me bõn-yood n gilg foom. B na n gũbga foom n dɩdg-f zĩiga fãa.

⁴⁴B na n sarma foom ne f kambã sẽn be fo pʋgẽ wã, la b kõn bas kugr baa yembr kugr a to zug fo pʋgẽ ye, fo sẽn ka bãng wakat ning fo fãagrã sẽn wa wã yĩnga.

⁴⁵A Zeezi kẽe wẽnd doogẽ wã n sɩng n dig koaasdbã,

⁴⁶n yeel-b yaa: A gʋlsame tɩ: «Mam doogã na n yɩɩ pʋʋsg roogo, la yãmba, y maan-a lame t'a lebg wagda geongo.»

⁴⁷A Zeezi da zãmsda nebã daar fãa wẽnd doogã pʋgẽ. La maan-kʋʋdbã kãsem-dãmba ne gʋlsdbã la tẽngã kãsem-dãmb dag n baood n na n kʋʋ bãmba.

⁴⁸La bãmb da ka mi b sẽn na n maan to-to ye, tɩ bõe nebã fãa rag n yong n kelgda a Zeezi.