Read SEBR SÕNGO, 1998 A Zozoe 19 Bible Online

A Zozoe 19 - SEBR SÕNGO, 1998 bible

A Zozoe 19

¹B maana poeerã naoor a yiibẽ soaba, n yãk a Sɩmyõ yagensã pʋɩɩr wa sẽn zems b buudã sõore. Bãmb soolmã rag n bee Zʋʋda yagensã pʋɩɩr tẽn-sʋka.

²Bãmb pʋɩɩrã pʋga, b paama Bɛɛr-Seba, Seba, Molaada,

³Hatsaar-Suwalle, Bala, Atsɛm,

⁴Ɛltolaade, Betulli, Horma,

⁵Siklage, Bɛt-markabote, Hatsaar-Suwa,

⁶Bɛt-Lebaot ne Saruhɛn. Yaa tẽms piig la a tãab ne b tẽn-kɩremse.

⁷Ayin, Rimon, Etɛɛre, ne Aaza. Yaa tẽms a naas ne b tẽn-kɩremse,

⁸n paas ne tẽn-bãmb tẽn-bãooneg nins fãa sẽn gilgã, n tɩ tãag Baalat-Bɛɛre, sẽn yaa Ramat sẽn be goabgã. A Sɩmyõ buudã yagensã pʋɩɩr yɩɩ woto, wa sẽn zems b rotã sõore.

⁹Yaa Zʋʋda buudã yagens soolmã pʋga, la b kẽ n yãk a Sɩmyõ buudã pʋɩɩr n kõ-ba. Bala, Zʋʋda buudã soolmã rag n yaa kãseng ne-ba. Dẽ, b yãka pʋɩɩr bãmb soolmã pʋg n kõ a Sɩmyõ buudã yagense.

¹⁰Poeerã yãka zĩig a tãabẽ soabã n kõ a Zabulõ buudã yagense, wa sẽn zems b rotã sõore. Bãmb soolmã toadg tall n tɩ tãaga Sariidi.

¹¹Toadgã yii be n tees n dabd nin-taoore, la a tees n dabd Mareyala, n tɩ teeg Dabesɛt ne ko-soog ning sẽn pɩʋʋgd Yokneyam neng taoorã.

¹²Toadgã yii Sariid n gõdg n dabd yaanga, wĩntoogã sẽn pukdẽ wã, Kislot-Taboor toadgẽ wã, n tɩ tãag Dabrat n kell n kẽng n tãag Yafiya.

¹³Toadgã yii beenẽ n kẽng yaanga, n kell n tũ Gita-Hefɛɛre, ne Ita-Katsin, n tɩ tãag Rimon, n gõdg n tɩ tãag Neya.

¹⁴Toadgã kell n gõdga Hanaton rɩtg n tɩ yek Yifta-Ɛll bokã.

¹⁵Tẽms nins sẽn paase, yaa Katate, Nahalalle, Simron, la Yideyala ne Betlehɛm. Yaa tẽms piig la a yiib ne b tẽn-kɩremse.

¹⁶Tẽn-bãmb ne b tẽn-kɩremsã n yɩ a Zabulõ buudã yagens pʋɩɩre, wa sẽn zems b rotã sõore.

¹⁷Poeerã yãka zĩig a naasẽ soabã n kõ Isakaar buudã yagense, wa sẽn zems b buudã rot sõore.

¹⁸Bãmb toadgã tãagda Yizreyɛlle, Kesulote, Sunem,

¹⁹Hafa-rayim, Sɩyõ, Anaharate,

²⁰Rabite, Kisiyõ, Abɛɛse,

²¹Remete, Ɛn-Ganim, Ɛn-Hada ne Bɛt-Pasɛɛse,

²²toadgã tɩ teega Taboor ne Sahatsima, ne Bɛt-Semeese, n tɩ yek Zʋrdẽ kʋɩlgã. Yaa tẽms piig la a yoobe, ne b tẽn-kɩremse.

²³Tẽn-bãmb ne b tẽn-kɩremsã n yaa Isakaar buudã yagens pʋɩɩre, wa sẽn zems b buudã rot sõore.

²⁴Poeerã yãka zĩig a nu soabã n kõ a Asɛɛr buudã yagense, wa sẽn zems b buudã rot sõore.

²⁵Bãmb tẽngã tods yaa Helkate, Hali, Betɛn, Aksafe,

²⁶Alamelɛke, Ameyaad ne Miseyalle, bãmb toadgã rag n tɩ tãaga nin-taoore, Karmell ne Sihoor-Libnat sẽnẽ.

²⁷Dẽ, toadgã wẽnemdame n teesd wĩndgã sẽn pukdẽ wã sẽnẽ, Bɛt-Dagõ, n tɩ yek Zabulõ rãmbã soolem ne Yifta-Ɛll longã n kell n dabd rɩtgo, Bɛt-Emek ne Neyiyɛll sẽnẽ, n tɩ tãag Kabull sẽn be goabgã,

²⁸la Ebrõ, Rehoobe, Hamon ne Kana, hal n tãag Sɩdõ-kãsengẽ wã.

²⁹Dẽ, toadgã wẽnemdame n teesd Rama sẽnẽ, n tɩ tãag Tɩɩr tẽngã sẽn tar pãngã, la sẽn dabd Ooza sẽnẽ, n na n tũ Akziib soolmã n tɩ yek ko-kãsengã.

³⁰Tẽms sẽn paas yaa Huma, Afɛke ne Rehoobe. Yaa tẽms pisi la a yiib ne b tẽn-kɩremse.

³¹Tẽn-bãmbã ne b tẽn-kɩremsã yaa Asɛɛr buudã soolem wa sẽn zems b buudã rot sõore.

³²Poeerã yãka zĩig a yoobẽ soabã n kõ Neftali buudã, wa sẽn zems b buudã rot sõore.

³³Neftali buudã toadg sɩnga hal Helɛfe, ne hal Elõ, n pɩʋʋgd Sanaanim, Adami-Nekɛɛb ne Yabneyɛlle, hal n tãag Lakum, n tɩ yek Zʋrdẽ kʋɩlgã.

³⁴Toadgã gõdg n teesa yaanga, Aaznot-Taboor sẽnẽ, n yi beenẽ n dabd Ukoke. Toadgã tɩ yeka Zabulõ nebã soolem nug-goabga, ne Asɛɛr nebã soolem yaanga ne Zʋʋda. Zʋrdẽ kʋɩlgã rag n bee wĩntoogã sẽn pukdẽ wã.

³⁵Tẽms nins sẽn dag n tar pãngã yaa: Sidim, Sɛɛre, Hamate, Rakate, Kinerɛte,

³⁶Ãdma, Rama, Hasoore,

³⁷Kedɛɛse, Ederyi, Ɛn-Hasoore,

³⁸Yireyon, Migdall-Ɛlle, Horɛm, Bɛt-hanat ne Bɛt-Semeese. Yaa tẽms piig la a wɛ ne b tẽn-kɩremse.

³⁹Tẽn-bãmb ne b tẽn-kɩremsã yaa Neftali buudã pʋɩɩr wa sẽn zems b buudã rot sõore.

⁴⁰Poeerã yãka zĩig a yopoe soabã n kõ Dan buudã, wa sẽn zems b buudã rot sõore.

⁴¹Bãmb soolmã toadg sɩngda Soreya, Ɛstaolle, Ir-Semeese,

⁴²Saalabin, Ayalõ, la Yitala,

⁴³Elõ, Timnata, Ekrõ,

⁴⁴Ɛlteke, Gibetõ, Baalate,

⁴⁵Yehuude, Bene-Berake, Kat-Rimon.

⁴⁶Leb n paasa Yarkõ ko-bundsã ne Rakõn, la soolem ning sẽn be Zafa neng taoorã.

⁴⁷B rag n yõka Dan buudã n deeg b soolmã. Dẽ, Dan nebã boba b zab-teed n tɩ zab ne Lesɛm nebã. Dan nebã tõoga bãmb n kʋ-b ne zabr sʋʋga, n deeg tẽngã n sooge, n pʋd-a yʋʋr tɩ Dan, wa a Dan sẽn yaa bãmb yaabã yʋʋrã.

⁴⁸Tẽn-bãmbã ne b tẽn-kɩremsã yaa Dan buudã soolem wa sẽn zems b buudã rot sõore.

⁴⁹Israyɛll nebã sẽn pʋɩ tẽngã n sɛ, n yãgs tẽngã todsã fãa, Israyɛll nebã yãka zĩig sʋkã n kõ a Nun biig a Zozoe.

⁵⁰Bãmb kõ a Zozoe tẽng ning a sẽn date, wa sẽn zems Sẽn-Ka-Saab sẽn dag n yeel tɩ b maan to-to wã. Yaa Timnat-Seera sẽn be Efrayiim tãngã zugã. A Zozoe lebsa tẽngã n me n kẽ.

⁵¹Tẽn-bãmbã fãa yaa tẽms nins maan-kʋʋd a Eleyazaar ne a Nun biig a Zozoe, la Israyɛll buudã rot kãsem-dãmb sẽn pʋɩ wa sẽn zems poeerã b sẽn maan sɛk roogã noor Sẽn-Ka-Saab taoor Sɩlo wã. Dẽ, bãmb pʋɩɩ tẽngã n sɛ.