Read SEBR SÕNGO, 1998 Vẽnegre 15 Bible Online

Vẽnegre 15 - SEBR SÕNGO, 1998 bible

Vẽnegre 15

¹Dẽ poore, mam yãnda bãnd a to arzãn sẽn yaa kãseng n sek gesgo. Yaa malegs a yopoe sẽn da zãad tood a yopoe, yaoolem dãmbã. Bala yaa ne to-kãens la Wẽnnaam sũ-puugrã na n pidsi.

²La mam yãnda bũmb sẽn yaa wa ko-kãseng sẽn yaa nen-gɛtga, n kalem ne bugum. La mam yãnda neb nins sẽn tõog rũngã ne a bõn-naandgã la a yʋʋrã geel-bilã sẽn yɛs yĩngri, nen-gɛtgã sẽn wẽnd ko-kãsengã zugu. Bãmb da zãada Wẽnnaam pendse.

³Bãmb yɩɩnda Wẽnnaam tʋmtʋmd a Moyiis yɩɩllã, la pe-bilã yɩɩlle: Zu-soab a Wẽnnaam Sẽn‑Tõe‑Fãa, yãmb tʋʋmã yaa kãsemse la b bee neere! Soolem dãmbã rĩmã, yãmb tʋʋmã zemsame la b yaa sɩda.

⁴Zu-soaba, ãndã n ka na n zoe yãmba, la a ka na n waoog yãmb yʋʋrã? Bala, yãmb y yembr tãa n welg toore. La soolem dãmbã fãa na n wa wõgemda yãmb taoore, yãmb tɩrlmã sẽn pukã yĩnga.

⁵Rẽ poore, mam gesame, la b paka kaset fu-roogã yɩlgr zĩigã arzãn pʋga.

⁶Malegs nins sẽn da zãad tood a yopoe wã yii yɩlgr doogẽ wã. Bãmb dag n yera peen‑neer sẽn yaa pɛɛlg falll... fut sẽn yãgda. La b rag n sẽba b yãad ne sãnem sẽbdse.

⁷Ned a yembr bõn-vɩɩs a naasã sʋk kõo malegs a yopoe wã sãnem laas a yopoe sẽn pid ne Wẽnnaam sẽn vɩ zamaan woo zamaanã sũ-puugri.

⁸La yɩlgr doogã pida ne bug-zõose, Wẽnnaam ziirã ne b pãngã yĩnga, la ned baa a yembr da ka tõe n kẽ yɩlgr doogẽ wã ye, hal tɩ toodã malegs a yopoe wã sẽn zãadã sɛ.