Read Morisien 2 Ko 13 Bible Online

2 Ko 13 - Morisien bible

2 Ko 13

¹Sa pou fer trwaziem fwa ki mo vinn vizit zot. “Ninport ki akizasion bizin gagn sipor de ou trwa temwin pou kapav regle.”

²Mo ena enn avertisman pou donn seki finn pese dan lepase, e osi ar tou lezot; mo ti deza dir sa dan mo deziem vizit, me mo pe dir li ankor pandan mo labsans: prosenn fwa ki mo vinn kot zot, mo pa pou les personn sape.

³Zot pou gagn tou prev neseser pou prouve ki Lekris koz par mwa. Lekris pa feb pou zot, me li manifeste so pwisans parmi zot.

⁴Letan ti krisifie li, li ti dan febles, me asterla li vivan par pwisans Bondie. Dan Lekris nou osi nou feb, me par pwisans Bondie nou pou vivan avek li pou zot.

⁵Examinn zotmem pou verifie si zot pe viv dan lafwa. Teste zotmem. Eski zot pa realize ki Lekris dan zot? Amwin ki lexamin ki zot fer montre ki zot finn fel.

⁶Mo espere ki zot dekouver ki nou finn pas nou leprev, nou.

⁷Nou priye Bondie pouki zot pa fer nanye mal, pa pouki sa montre nou sikse, me montre ki zot pratik seki bien, mem si li paret ki nou pa finn pas leprev.

⁸Nou pa kapav fer nanye kont laverite Bondie, nou nek bizin azir pou li.

⁹Nou dan lazwa kan nou, nou feb, me zot, zot for. Dan nou lapriyer, nou demann ki zot vinn parfe.

¹⁰Akoz sa mo ekrir tousala kouma mo lwin ar zot, pouki letan mo vini mo pa bizin pran bann aksion sever par lotorite ki Lesegner finn donn mwa pou edifie, e non pou detrir.

¹¹Finalman, bann frer ek bann ser, viv dan lazwa, fer zefor pou vinn parfe, ankouraz zot kamarad, res dakor ant zot, viv dan lape, e Bondie ki lamour ek lape pou avek zot.

¹²Anbras zot kamarad dan lamitie Lesegner. Tou bann krwayan avoy zot salitasion.

¹³Ki lagras Lesegner Zezi Kris, lamour Bondie e lakominion Lespri Sin res avek zot.