Read Morisien 1 Tim 2 Bible Online

1 Tim 2 - Morisien bible

1 Tim 2

¹Mo fer enn lapel pouki, avan tou, zot fer lapriyer, zot sipliy Bondie ek zot fer aksiondegras pou tou dimoun,

²pou bann lerwa, tou bann ki ena lotorite, pouki lape ek trankilite regne e ki nou kapav viv dan lapiete ek dan dignite.

³Sa li enn gran zafer e li agreab pou Bondie nou Sover

⁴ki oule sov tou dimoun pouki zot arive konn laverite.

⁵Kouma ena enn sel Bondie, ena osi enn sel mediater ant Bondie ek limanite, Zezi Kris limem enn imin

⁶ki finn met so lavi angaz pou liber tou dimoun. Bondie pe rann so temwagnaz dan ler ki ti fixe.

⁷Li finn swazir mwa pou proklam so mesaz e li avoy mwa kouma enn apot pou pran sarz ek pou instrir tou bann ki pa Zwif dan lafwa ek laverite; seki mo pe dir li vre.

⁸Ala kifer, mo pe demande ki dimoun priye partou e touletan, ki zot lev zot lame lao dan lesiel, san fer koler, san lager.

⁹Lor kestion bann madam dan lasanble, fode ki zot teni korek, abiy zot avek respe ek sinplisite; pa fer bann kwafir konplike, pa orn zot lekor ar bizou, perl, e pa met linz extravagan.

¹⁰Kouver zot plito ar bann bonaksion; koumsamem enn fam fer kan li respekte Bondie.

¹¹Kan pe donn lansegnman, madam bizin res trankil dan limilite.

¹²Mo pa permet enn madam donn lansegnman dan bann sesion, ni dominn zom. Li bizin gard silans.

¹³Adam ti kre anpremie, apre lerla Ev.

¹⁴Pa Adam ki ti rant dan piez Satan, me fam la ki ti finn tom dan piez ek finn dezobeir Bondie,

¹⁵me so maternite pou sov li. Selma fodre ki bann madam persevere dan lafwa, lamour ek amenn enn bon lavi ek gard enn bon zizman.