Read Morisien 1 Zn 1 Bible Online

1 Zn 1 - Morisien bible

1 Zn 1

¹Nou anons zot ki seki ti la depi komansman, seki nou finn tande, seki nou finn trouve avek nou lizie, seki nou finn gete ek touse avek nou lame, samem parol lavi ki nou pe anons zot.

²Sa lavi la finn manifeste li, e nou finn tann li, nou finn trouv li e temwagn lor li; e nou anons zot lavi eternel ki ti avek nou Papa e ki finn manifeste ar nou.

³Nou anons zot seki nou finn trouve ek tande pouki zot osi zot res ini avek nou, ki ini avek nou Papa e so Garson Zezi Kris.

⁴Nou pe ekrir tousala pouki nou lazwa li konple.

⁵Samem mesaz ki nou finn tande sorti kot li, ki finn anons zot ki Bondie li lalimier, dan li pena okenn teneb.

⁶Si nou dir ki nou viv ini avek li letan ki nou pe mars dan teneb, nou koz manti e nou pa pe fer seki vre.

⁷Me si nou mars dan lalimier parey kouma limem ki dan lalimier, nou pou viv ini avek nou kamarad, e disan so Garson Zezi lav tou nou pese.

⁸Si nou dir ki nou pena pese, nou tronp noumem, e laverite pa dan nou.

⁹Si nou konfes nou pese, Bondie ki fidel ek zis, pou pardonn nou pese ek lav tou seki mal dan nou.

¹⁰Si nou dir ki nou pa finn fer pese, nou fer li pas pou enn manter, e so parol pa dan nou.