Read Moroccan Standard Translation مَتَّى 1 Bible Online

مَتَّى 1 - Moroccan Standard Translation bible

مَتَّى 1

¹الْفَصْلْ اللّْوّْلْ هَادُو هُمَ سْمِيَّاتْ جْدُودْ يَسُوعْ الْمَسِيحْ بْنْ دَاوُدْ بْنْ إِبْرَاهِيمْ:

²إِبْرَاهِيمْ وْلَدْ إِسْحَاقْ، وْإِسْحَاقْ وْلَدْ يَعْقُوبْ، وْيَعْقُوبْ وْلَدْ يَهُودَا وْخُوتُه،

³وْيَهُودَا وْلَدْ فَارِصْ وْزَارَحْ مْنْ تَامَارْ، وْفَارِصْ وْلَدْ حَصْرُونْ، وْحَصْرُونْ وْلَدْ أَرَامْ،

⁴وْأَرَامْ وْلَدْ عَمِّينَادَابْ، وْعَمِّينَادَابْ وْلَدْ نَحْشُونْ، وْنَحْشُونْ وْلَدْ سَلْمُونْ،

⁵وْسَلْمُونْ وْلَدْ بُوعَزْ مْنْ رَاحَابْ، وْبُوعَزْ وْلَدْ عُوبِيدْ مْنْ رَاعُوتْ، وْعُوبِيدْ وْلَدْ يَسَّى.

⁶وْيَسَّى وْلَدْ دَاوُدْ الْمَلِكْ. وْدَاوُدْ وْلَدْ سُلَيْمَانْ مْنْ الْمْرَاة اللِّي كَانْ مْزَوّْجْ بِيهَا أُورِيَّا،

⁷وْسُلَيْمَانْ وْلَدْ رَحَبْعَامْ، وْرَحَبْعَامْ وْلَدْ أَبِيَّا، وْأَبِيَّا وْلَدْ آسَافْ،

⁸وْآسَافْ وْلَدْ يَهُوشَافَاطْ، وْيَهُوشَافَاطْ وْلَدْ يُورَامْ، وْيُورَامْ وْلَدْ عُزِّيَّا،

⁹وْعُزِّيَّا وْلَدْ يُوتَامْ، وْيُوتَامْ وْلَدْ أَحَازْ، وْأَحَازْ وْلَدْ حِزْقِيَّا،

¹⁰وْحِزْقِيَّا وْلَدْ مَنَسَّى، وْمَنَسَّى وْلَدْ عَامُوسْ، وْعَامُوسْ وْلَدْ يُوشِيَّا،

¹¹وْيُوشِيَّا وْلَدْ يَكُنْيَا وْخُوتُه فْالْوَقْتْ اللِّي كَانُو فِيهْ لِيهُودْ مْنْفِيِّينْ فْبْلَادْ بَابِلْ.

¹²وْمْنْ بَعْدْمَا رْجْعُو لِيهُودْ مْنْ بَابِلْ، يَكُنْيَا وْلَدْ شَأَلْتِيئِيلْ، وْشَأَلْتِيئِيلْ وْلَدْ زَرُبَّابِلْ،

¹³وْزَرُبَّابِلْ وْلَدْ أَبِيهُودْ، وْأَبِيهُودْ وْلَدْ أَلِيَاقِيمْ، وْأَلِيَاقِيمْ وْلَدْ عَازُورْ،

¹⁴وْعَازُورْ وْلَدْ صَادُوقْ، وْصَادُوقْ وْلَدْ أَخِيمْ، وْأَخِيمْ وْلَدْ أَلِيُودْ،

¹⁵وْأَلِيُودْ وْلَدْ أَلِيعَازَرْ، وْأَلِيعَازَرْ وْلَدْ مَتَّانْ، وْمَتَّانْ وْلَدْ يَعْقُوبْ،

¹⁶وْيَعْقُوبْ وْلَدْ يُوسْفْ رَاجْلْ مَرْيَمْ اللِّي وْلْدَاتْ يَسُوعْ اللِّي تّْسَمَّى الْمَسِيحْ.

¹⁷الْجْيَالْ كُلّْهُمْ مْنْ إِبْرَاهِيمْ حْتَّى لْدَاوُدْ رْبَعْطَاشْرْ جِيلْ، وْمْنْ دَاوُدْ حْتَّى لْلْوَقْتْ اللِّي تّْنْفَاوْ فِيهْ لِيهُودْ لْبَابِلْ رْبَعْطَاشْرْ جِيلْ. وْمْنْ الْوَقْتْ اللِّي تّْنْفَاوْ فِيهْ لْبَابِلْ حْتَّى لْلْوْلَادَة دْ الْمَسِيحْ رْبَعْطَاشْرْ جِيلْ.

¹⁸وْهَكَّا كَانْتْ الْوْلَادَة دْ يَسُوعْ الْمَسِيحْ: مْلِّي كَانْتْ مَرْيَمْ مُّه مْخْطُوبَة لْيُوسْفْ، وْقْبَلْ مَا تّْزَوّْجْ بِيهْ، تّْصَابْتْ حَامْلَة بْقُدْرَةْ الرُّوحْ الْقُدُسْ.

¹⁹وْكَانْ يُوسْفْ خَطِيبْهَا رَاجْلْ مْتَّاقِي اللَّهْ وْمَا بْغَاشْ يْفْضَحْهَا، وْقَرّْرْ بَاشْ يْتّْفْرَقْ مْعَاهَا فْالسِّرْ.

²⁰وْمْلِّي كَانْ كَيْفَكّْرْ فْهَادْشِّي، بَانْ لِيهْ فْالْمْنَامْ وَاحْدْ الْمَلَاكْ دْيَالْ الرَّبّْ وْݣَالْ لِيهْ: «آ يُوسْفْ بْنْ دَاوُدْ، مَا تْخَافْشْ تْتْزَوّْجْ بْمَرْيَمْ، حِيتْ هَادَاكْ اللِّي حَامْلَة بِيهْ، رَاهْ هُوَ بْقُدْرَةْ الرُّوحْ الْقُدُسْ،

²¹وْرَاهَا غَتْوْلَدْ وَلْدْ وْنْتَ غَتْسَمِّيهْ يَسُوعْ، حِيتْ هُوَ اللِّي غَيْنَجِّي الشَّعْبْ دْيَالُه مْنْ دْنُوبْهُمْ».

²²وْهَادْشِّي كُلُّه جْرَا بَاشْ يْتّْحَقّْقْ كْلَامْ الرَّبّْ بْلْسَانْ النّْبِي اللِّي ݣَالْ:

²³«هَا الْعَزْبَة غَتْحْمَلْ، وْتْوْلَدْ وَلْدْ، وْيْتّْسَمَّى عِمَانُوئِيلْ»، اللِّي الْمَعْنَى دْيَالُه: اللَّهْ مْعَانَا.

²⁴وْمْلِّي فَاقْ يُوسْفْ مْنْ النّْعَاسْ، دَارْ كِمَا وْصَّاهْ مَلَاكْ الرَّبّْ وْتّْزَوّْجْ بْمَرْيَمْ،

²⁵وَلَكِنْ مَا دْخَلْشْ بِيهَا حْتَّى وْلْدَاتْ وَلْدْ، وْسْمَّاهْ يَسُوعْ.