Read Moroccan Standard Translation مَرْقُسْ 5 Bible Online

مَرْقُسْ 5 - Moroccan Standard Translation bible

مَرْقُسْ 5

¹الْفَصْلْ الْخَامْسْ وْوْصَلْ يَسُوعْ وْالتّْلَامْدْ دْيَالُه لْلجِّهَة لْخْرَى دْيَالْ بْحَرْ الْجَلِيلْ، فْالْبْلَادْ دْيَالْ الْجَرَاسِيِّينْ.

²وْغِيرْ نْزَلْ مْنْ الْفْلُوكَة تّْلَاقَى بِيهْ وَاحْدْ الرَّاجْلْ خَارْجْ مْنْ الرُّوضَة فِيهْ جْنّْ.

³وْكَانْ كَيْسْكُنْ فْالرُّوضَة، وْحْتَّى وَاحْدْ مَا كَانْ قَادْرْ يْرَبْطُه وَلَا حْتَّى بْسَنْسْلَة.

⁴حِيتْ بْزَّافْ دْ الْمَرَّاتْ كَانُو كَيْكَتّْفُوهْ بْالْحْبَالْ وْكَيْرَبْطُوهْ بْالسّْنَاسْلْ، وْكَانْ كَيْهَرّْسْ السّْنَاسْلْ وْكَيْقَطّْعْ الْحْبَالْ، وْحْتَّى وَاحْدْ مَا كَانْ قَادْرْ يْغْلَبْ عْلِيهْ.

⁵وْكَانْ دِيمَا بْاللِّيلْ وْبْالنّْهَارْ فْالرُّوضَة وْفْالجّْبَالْ، كَيْغَوّْتْ بْالجّْهْدْ وْكَيْضْرَبْ رَاسُه بْالْحْجَرْ.

⁶وْمْلِّي شَافْ يَسُوعْ مْنْ بْعِيدْ، جْرَى لْعَنْدُه وْسْجَدْ لِيهْ.

⁷وْغَوّْتْ بْصُوتْ عَالِي وْݣَالْ لِيهْ: «أَشْنُو بِينِي وْبِينْكْ آ يَسُوعْ وَلْدْ اللَّهْ الْعَالِي؟ دَخّْلْتْ عْلِيكْ بْاللَّهْ مَا تْعَدّْبْنِيشْ!».

⁸حِيتْ ݣَالْ لِيهْ يَسُوعْ: «خْرُجْ مْنْ الرَّاجْلْ آ هَادْ الجّْنْ!».

⁹وْسْوّْلُه يَسُوعْ: «أَشْنُو سْمِيتْكْ؟». وْرَدّْ عْلِيهْ: «سْمِيتِي لَجِيُونْ، حِيتْ حْنَا كْتَارْ».

¹⁰وْبْدَا الجّْنْ كَيْرْغَبْ يَسُوعْ بْزَّافْ بَاشْ مَا يْخَرّْجْهُمْشْ عْلَى بْرَّا دْ الْبْلَادْ.

¹¹وْكَانْتْ تْمَّ وَاحْدْ الْقْطْعَة كْبِيرَة دْيَالْ الْحْلَالْفْ كَتْسْرَحْ فْالجّْبَلْ.

¹²وْرَغْبُو الجّْنُونْ يَسُوعْ وْݣَالُو لِيهْ: «صِيفْطْنَا لْهَادُوكْ الْحْلَالْفْ بَاشْ نْدَخْلُو فِيهُمْ».

¹³وْوَافْقْ لِيهُمْ. وْهُمَ يْخَرْجُو مْنْ دَاكْ الرَّاجْلْ وْدَخْلُو فْالْحْلَالْفْ، وْجْرَاتْ الْقْطْعَة دْيَالْ الْحْلَالْفْ لْلْحَافَة دْيَالْ الجّْبَلْ وْطَاحُو فْالْبْحَرْ وْغَرْقُو. وْكَانُو شِي أَلْفَيْنْ رَاسْ.

¹⁴وْهَرْبُو السّْرَّاحَا وْدَيّْعُو الْخْبَارْ فْالْمْدِينَة وْفْالْفِيرْمَاتْ، وْخَرْجُو النَّاسْ بَاشْ يْشُوفُو آشْ وْقَعْ.

¹⁵وْجَاوْ لْعَنْدْ يَسُوعْ، وْشَافُو هَادَاكْ اللِّي كَانْ مْسْكُونْ بْالجّْنُونْ ݣَالْسْ وْلَابْسْ الْحْوَايْجْ وْبْعَقْلُه. وْهُمَ يْتّْخَلْعُو.

¹⁶وْخَبّْرُوهُمْ هَادُوكْ اللِّي شَافُو آشْ وْقَعْ، بْدَاكْشِّي اللِّي جْرَا لْلرَّاجْلْ اللِّي كَانْ مْسْكُونْ بْالجّْنُونْ، وْبْدَاكْشِّي اللِّي جْرَا لْلْحْلَالْفْ.

¹⁷وْبْدَاوْ النَّاسْ كَيْرَغْبُو يَسُوعْ بَاشْ يْخْرَجْ مْنْ بْلَادْهُمْ.

¹⁸وْمْلِّي بْغَا يَسُوعْ يْرْكَبْ فْالْفْلُوكَة، طْلَبْ مْنُّه الرَّاجْلْ اللِّي كَانْ فِيهْ الجّْنُونْ بَاشْ يْمْشِي مْعَاهْ.

¹⁹وَلَكِنْ يَسُوعْ مَا وَافْقْشْ لِيهْ، وْݣَالْ لِيهْ: «رْجَعْ لْدَارْكْ وْلْعَائِلْتْكْ وْخَبّْرْهُمْ بْݣَاعْ دَاكْشِّي اللِّي دَارْ مْعَاكْ الرَّبّْ وْكِيفَاشْ رَحْمْكْ».

²⁰وْمْشَى الرَّاجْلْ وْبْدَا كَيْخَبّْرْ فْالْمْدُونْ الْعَشْرَة بْݣَاعْ دَاكْشِّي اللِّي دَارْ مْعَاهْ يَسُوعْ، وْالنَّاسْ كُلّْهُمْ كَانُو كَيْتّْعَجّْبُو.

²¹وْمْلِّي قْطَعْ يَسُوعْ عَاوْتَانِي بْالْفْلُوكَة لْلجِّهَة لْخْرَى دْيَالْ الْبْحَرْ، تّْجَمْعَاتْ عْلِيهْ جْمَاعَة كْبِيرَة دْ النَّاسْ وْكَانْ هُوَ فْجَنْبْ الْبْحَرْ.

²²وْجَا وَاحْدْ مْنْ الرُّؤَسَا دْيَالْ دَارْ الصّْلَاة سْمِيتُه يَايْرُسْ، وْغِيرْ شَافْ يَسُوعْ وْهُوَ يْطِيحْ عَنْدْ رْجْلِيهْ،

²³وْرَغْبُه بْزَّافْ وْݣَالْ لِيهْ: «آ سِيدِي، رَاهْ بَنْتِي عْلَى فْرَاشْ الْمُوتْ! أَجِي حَطّْ يْدِّيكْ عْلِيهَا بَاشْ تْبْرَا وْتْعِيشْ».

²⁴وْمْشَى مْعَاهْ يَسُوعْ. وْتْبْعَاتُه جْمَاعَة كْبِيرَة دْ النَّاسْ وْكَانُو كَيْزَاحْمُوهْ مْنْ كُلّْ جِهَة.

²⁵وْكَانْتْ تْمَّ وَاحْدْ الْمْرَاة مْرِيضَة، طْنَاشْرْ عَامْ وْهِيَ كَتْدُوزْ بْالدّْمْ،

²⁶وْشْحَالْ تْعَدّْبَاتْ عْلَى يْدِّينْ بْزَّافْ دْيَالْ الْأَطِبَّا، وْصْرْفَاتْ كُلّْ مَا كَتْكْسَابْ وْمَا نْفَعْهَا وَالُو، بْالْعَكْسْ زَادْتْ مَرْضَاتْ كْتَرْ.

²⁷وْمْلِّي سْمْعَاتْ عْلَى يَسُوعْ، دْخْلَاتْ فْوَسْطْ الزّْحَامْ وْجَاتْ مُورَاهْ وْمْسَّاتْ جْلَايْلُه،

²⁸حِيتْ ݣَالْتْ فْخَاطْرْهَا: «إِلَا مْسِّيتْ غِيرْ حْوَايْجُه نْتّْشَافَى».

²⁹وْفْدِيكْ السَّاعَة تّْحْبَسْ الدّْمْ. وْحْسَّاتْ الْمْرَاة فْدَاتْهَا بْلِّي بْرَاتْ مْنْ الْمَرْضْ دْيَالْهَا.

³⁰وْدِيكْ السَّاعَة عْرَفْ يَسُوعْ بْلِّي شِي قُوَّة خْرْجَاتْ مْنُّه، وْتْلَفّْتْ لْجِهْةْ الجّْمَاعَة دْ النَّاسْ وْݣَالْ: «شْكُونْ اللِّي مْسّْ حْوَايْجِي؟».

³¹وْݣَالُو لِيهْ التّْلَامْدْ دْيَالُه: «كَتْشُوفْ الجّْمَاعَة دْ النَّاسْ كَيْتّْزَاحْمُو عْلِيكْ، وْكَتْسَوّْلْ شْكُونْ اللِّي مْسّْنِي؟».

³²وْكَانْ يَسُوعْ كَيْشُوفْ فْاللِّي ضَايْرِينْ بِيهْ بَاشْ يْعْرَفْ شْكُونْ اللِّي مْسُّه.

³³وْخَافْتْ الْمْرَاة وْبْدَاتْ كَتّْرَعّْدْ حِيتْ عَرْفَاتْ دَاكْشِّي اللِّي وْقَعْ لِيهَا، وْجَاتْ وْطَاحْتْ عَنْدْ رْجْلِيهْ وْݣَالْتْ لِيهْ الْحَقِيقَة كُلّْهَا.

³⁴وْهُوَ يْݣُولْ لِيهَا يَسُوعْ: «آ بَنْتِي، رَاهْ الْإِيمَانْ دْيَالْكْ هُوَ اللِّي شْفَاكْ. سِيرِي عْلَى سْلَامْتْكْ وْتّْشَافَايْ مْنْ الْمَرْضْ دْيَالْكْ».

³⁵وْفْالْوَقْتْ اللِّي كَانْ كَيْتّْكَلّْمْ فِيهْ يَسُوعْ، جَاوْ شِي نَاسْ مْنْ دَارْ يَايْرُسْ الرَّئِيسْ دْيَالْ دَارْ الصّْلَاة وْݣَالُو لِيهْ: «رَاهْ بَنْتْكْ مَاتْتْ، عْلَاشْ مَازَالْ بَاغِي تْمَحّْنْ مْعَاكْ الْمُعَلِّمْ؟».

³⁶وَلَكِنْ غِيرْ سْمَعْ يَسُوعْ دَاكْشِّي اللِّي تّْݣَالْ، ݣَالْ لْلرَّئِيسْ دْيَالْ دَارْ الصّْلَاة: «مَا تْخَافْشْ! غِيرْ آمْنْ».

³⁷وْمَا خْلَّا حْتَّى شِي وَاحْدْ يْمْشِي مْعَاهْ مْنْ غِيرْ بُطْرُسْ وْيَعْقُوبْ وْيُوحَنَّا خُو يَعْقُوبْ.

³⁸وْمْلِّي وْصْلُو لْدَارْ رَئِيسْ دَارْ الصّْلَاة، شَافْ يَسُوعْ رْوِينَة كْبِيرَة نَايْضَة، وْالنَّاسْ كَيْبْكِيوْ بْالْغْوَاتْ وْكَيْنْوّْحُو.

³⁹وْدْخَلْ وْݣَالْ لِيهُمْ: «عْلَاشْ هَادْ الصّْدَاعْ وْالْبْكَا؟ الْبَنْتْ مَا مَاتْتْشْ، رَاهَا غِيرْ نَاعْسَة!».

⁴⁰وْبْدَاوْ كَيْضَحْكُو عْلِيهْ. وَلَكِنْ هُوَ خَرّْجْهُمْ كُلّْهُمْ عْلَى بْرَّا، وْدَّا بَّاتْ الْبَنْتْ وْمّْهَا وْاللِّي كَانُو مْعَاهْ وْدَخْلُو لْلْبِيتْ فِينْ كَانْتْ الْبَنْتْ.

⁴¹وْشْدّْ الْبَنْتْ مْنْ يْدّْهَا وْݣَالْ لِيهَا: «طَلِيتَا قُومْ!» اللِّي كَتْعْنِي: «آ بَنْتِي، كَنْݣُولْ لِيكْ نُوضِي!».

⁴²وْدِيكْ السَّاعَة نَاضْتْ وْبْدَاتْ كَتْمْشِي، وْكَانْ فْعْمَرْهَا طْنَاشْرْ عَامْ، وْكُلّْهُمْ تّْعَجّْبُو بْزَّافْ.

⁴³وْوْصَّاهُمْ وْأَكّْدْ عْلِيهُمْ بَاشْ حْتَّى وَاحْدْ مَا يْعْرَفْ هَادْشِّي اللِّي جْرَا، وْݣَالْ لِيهُمْ: «عْطِيوْهَا تَاكُلْ».