Read Moroccan Standard Translation كُورِنْتُوسْ التَّانِيَّة 2 Bible Online

كُورِنْتُوسْ التَّانِيَّة 2 - Moroccan Standard Translation bible

كُورِنْتُوسْ التَّانِيَّة 2

¹الْفَصْلْ التَّانِي عْلَى هَادْشِّي قَرّْرْتْ مَا نْرْجَعْشْ لْعَنْدْكُمْ عَاوْتَانِي، بَاشْ مَا نْتّْسَبّْبْشْ لِيكُمْ فْالْحُزْنْ مَرَّة خْرَى.

²حِيتْ إِلَا تْسَبّْبْتْ لِيكُمْ فْالْحُزْنْ، شْكُونْ هَادَا اللِّي غَيْفَرّْحْنِي مْنْ غِيرْ اللِّي تْسَبّْبْتْ لِيهْ فْالْحُزْنْ؟

³وْرَانِي كْتَبْتْ لِيكُمْ هَادْشِّي بَاشْ مْلِّي نْجِي لْعَنْدْكُمْ، مَا يْحَزّْنُونِيشْ هَادُوكْ اللِّي كَانْ خَاصّْ نْفْرَحْ بِيهُمْ، وْأَنَا مْتْيِقّْنْ بْلِّي الْفَرْحَة دْيَالِي هِيَ الْفَرْحَة دْيَالْكُمْ كُلّْكُمْ.

⁴حِيتْ كْتَبْتْ لِيكُمْ، وْقَلْبِي عَامْرْ بْالْهَمّْ وْالْغَمّْ وْأَنَا كَنْبْكِي بْالدّْمُوعْ، مَاشِي بَاشْ تْحَزْنُو، وَلَكِنْ بَاشْ تْعَرْفُو مْحَبّْتِي الْكْبِيرَة لِيكُمْ.

⁵إِلَا تّْسَبّْبْ شِي وَاحْدْ فْالْحُزْنْ، رَاهْ مَا تّْسَبّْبْشْ فِيهْ لِيَّ أَنَا، وَلَكِنْ لِيكُمْ كُلّْكُمْ، وَاخَّا غِيرْ شْوِيَّة بَاشْ مَا نْتَقّْلْشْ عْلِيكُمْ.

⁶بْحَالْ هَادَا، رَاهْ بَرَكَا عْلِيهْ غِيرْ الْعِقَابْ بَاشْ عَاقْبُوهْ الْأَغْلَبِيَّة فِيكُمْ.

⁷وْعْلِيهَا رَاهْ بْالْعَكْسْ، خَاصّْكُمْ تْسَامْحُوهْ وْتْوَاسِيوْهْ، بَاشْ مَا يْغْرَقْشْ فْكْتْرَةْ الْحُزْنْ.

⁸دَاكْشِّي عْلَاشْ كَنْطْلَبْ مْنّْكُمْ بَاشْ تْزِيدُو تْبَيّْنُو لِيهْ الْمْحَبَّة دْيَالْكُمْ.

⁹حِيتْ هَادْشِّي عْلَاشْ كْتَبْتْ لِيكُمْ، بَاشْ نْعْرَفْ بْالْبُرْهَانْ وَاشْ كَتْطِيعُونِي فْكُلّْ حَاجَة.

¹⁰رَاهْ اللِّي سَامْحْتُوهْ حْتَّى أَنَا سَامْحْتُه. حِيتْ إِلَا سَامْحْتْ عْلَى شِي حَاجَة، رَاهْ كَنْدِيرْ هَادْشِّي عْلَى وْدّْكُمْ قُدَّامْ الْمَسِيحْ،

¹¹بَاشْ مَا يْخْدَعْنَاشْ الشِّيطَانْ، حِيتْ حْنَا عَارْفِينْ النِّيَة دْيَالُه.

¹²وْمْلِّي وْصَلْتْ لْمْدِينْةْ تَرْوَاسْ بَاشْ نْخَبّْرْ بْإِنْجِيلْ الْمَسِيحْ، وْتّْحَلّْ لِيَّ الْبَابْ بَاشْ نْخْدَمْ لْلرَّبّْ،

¹³مَا كَنْتْشْ هَانِي فْخَاطْرِي، حِيتْ مَا لْقِيتْشْ خُويَا تِيطُسْ، وْتّْوَادْعْتْ مْعَ الْخُوتْ وْسَافْرْتْ لْبْلَادْ مَكِدُونِيَة.

¹⁴وَلَكِنْ كَنْشْكَرْ اللَّهْ اللِّي كَيْدِّينَا دِيمَا فْطْرِيقْ النّْصَرْ فْالْمَسِيحْ، وْكَيْسْتَخْدْمْنَا فْكُلّْ مُوضْعْ بَاشْ تْفُوحْ الرِّيحَة دْيَالْ الْمَعْرِفَة دْيَالُه.

¹⁵عْلَاحْقَّاشْ حْنَا الرِّيحَة الْمْزْيَانَة دْيَالْ الْمَسِيحْ لْلَّهْ، مْنْ بِينْ هَادُوكْ اللِّي نْجَاوْ وْهَادُوكْ اللِّي غَيْتّْهَلْكُو.

¹⁶عَنْدْ شِي وْحْدِينْ رِيحَة دْ الْمُوتْ اللِّي كَتْدِّي لْلْمُوتْ، وَلَكِنْ عَنْدْ لْخْرِينْ رِيحَة دْ الْحَيَاةْ اللِّي كَتْدِّي لْلْحَيَاةْ. إِيوَا شْكُونْ اللِّي قَادْرْ يْدِيرْ هَادْ الْأُمُورْ؟

¹⁷حِيتْ حْنَا مَاشِي بْحَالْ بْزَّافْ دْ النَّاسْ كَنْتَاجْرُو بْكْلَامْ اللَّهْ، وَلَكِنْ رَاهْ نِيّْتْنَا مْزْيَانَة، كَنْتّْكَلّْمُو مْنْ اللَّهْ قُدَّامْ اللَّهْ وْحْنَا فْالْمَسِيحْ.