Read Moroccan Standard Translation كُورِنْتُوسْ التَّانِيَّة 9 Bible Online

كُورِنْتُوسْ التَّانِيَّة 9 - Moroccan Standard Translation bible

كُورِنْتُوسْ التَّانِيَّة 9

¹الْفَصْلْ التَّاسْعْ أَمَّا بْالنّْسْبَة لْلْمُعَاوَنَة دْ الْمُومْنِينْ الْمْقَدّْسِينْ، رَانِي مَا مْحْتَاجْشْ نْكْتَبْ لِيكُمْ عْلِيهَا.

²حِيتْ كَنْعْرَفْ الرّْغْبَة اللِّي عَنْدْكُمْ، وْاللِّي كَنْفْتَخْرْ بِيهَا قُدَّامْ الْمُومْنِينْ اللِّي مْنْ مَكِدُونِيَة، وْرَاهْ ݣْلْتْ لِيهُمْ بْلِّي الْخُوتْ اللِّي فْأَخَائِيَة مُوجُودِينْ بَاشْ يْعْطِيوْ الْمُعَاوَنَة مْنْ الْعَامْ اللِّي فَاتْ. وْالْغِيرَة دْيَالْكُمْ شَجّْعَاتْ بْزَّافْ دْ النَّاسْ.

³وْرَانِي صِيفْطْتْ لِيكُمْ الْخُوتْ بَاشْ مَا يْكُونْشْ الْإِفْتِخَارْ دْيَالْنَا بِيكُمْ بْلَا فَايْدَة، وْبَاشْ تْكُونُو مُوجُودِينْ كِمَا ݣْلْتْ.

⁴حِيتْ إِلَا جَاوْ مْعَايَ شِي مُومْنِينْ مْنْ مَكِدُونِيَة وْمَا لْقَاوْكُمْشْ مُوجُودِينْ، غَنْتّْحَشّْمُو حْنَا، وْمَا نْݣُولْشْ نْتُمَ، عْلَى وْدّْ هَادْ التِّقَة اللِّي دْرْنَاهَا فِيكُمْ.

⁵عْلَى هَادْشِّي شْفْتْ بْلِّي ضَرُورِي نْطْلَبْ مْنْ الْخُوتْ يْسَبْقُونِي لْعَنْدْكُمْ، وْيْوَجّْدُو الْمُعَاوَنَة اللِّي وَاعْدْتُو بِيهَا مْنْ قْبَلْ، وْهَكَّا غَتْكُونْ مُوجُودَة وْنْتُمَ عَاطْيِينْهَا بْخَاطْرْكُمْ مَاشِي بَزّْزْ.

⁶وْتّْفَكّْرُو بْلِّي اللِّي كَيْزْرَعْ قْلِيلْ كَيْحْصَدْ قْلِيلْ، وْاللِّي كَيْزْرَعْ كْتِيرْ كَيْحْصَدْ كْتِيرْ.

⁷وْخَاصّْ كُلّْ وَاحْدْ يْعْطِي دَاكْشِّي اللِّي نْوَى فْقَلْبُه مَاشِي وْهُوَ نَادْمْ وْلَا بَزّْزْ. حِيتْ اللِّي كَيْعْطِي وْهُوَ فْرْحَانْ كَيْبْغِيهْ اللَّهْ.

⁸وْرَاهْ اللَّهْ قَادْرْ يْزِيدْكُمْ مْنْ كُلّْ نِعْمَة، بَاشْ فْكُلّْ وَقْتْ يْكُونْ عَنْدْكُمْ دَاكْشِّي اللِّي غَيْكْفِيكُمْ مْنْ كُلّْ حَاجَة، وْهَكَّا تْقَدْرُو تْزِيدُو فْكُلّْ خْدْمَة مْزْيَانَة.

⁹كِمَا مْكْتُوبْ فْكْتَابْ اللَّهْ: «فَرّْقْ، عْطَى لْلْمْحْتَاجِينْ. وْالْخِيرْ دْيَالُه غَيْبْقَى عْلَى الدّْوَامْ».

¹⁰وْاللَّهْ اللِّي كَيْعْطِي الزّْرِّيعَة لْلزَّارْعْ وْالْخُبْزْ لْلْمَاكْلَة، غَيْوَجّْدْ وْيْكَتّْرْ لِيكُمْ الزّْرِّيعَة، وْيْزِيدْ مْنْ الْغْلَّة دْ الْأَعْمَالْ دْيَالْكُمْ اللِّي كَتْرْضِي اللَّهْ.

¹¹وْغَيْغْنِيكُمْ فْكُلّْ حَاجَة، بَاشْ تْكُونُو سْخِيِّينْ فْكُلّْ وَقْتْ. وْهَادْشِّي غَادِي يْخَلِّي النَّاسْ يْشَكْرُو اللَّهْ عْلَى كُلّْ مَا دْرْنَا.

¹²عْلَاحْقَّاشْ هَادْ الْخْدْمَة اللِّي كَتْدِيرُو، مَاشِي غِيرْ كَتْعَاوْنْ الْمُومْنِينْ الْمْقَدّْسِينْ فْدَاكْشِّي اللِّي خَاصّْهُمْ، وَلَكِنْ كَتْخَلِّي نَاسْ كْتَارْ يْشَكْرُو اللَّهْ بْزَّافْ.

¹³وْمْلِّي كَيْشُوفُو الْقِيمَة دْيَالْ هَادْ الْخْدْمَة، كَيْعْطِيوْ الْعَزّْ لْلَّهْ عْلَى وْدّْ الطَّاعَة دْيَالْكُمْ لْإِنْجِيلْ الْمَسِيحْ اللِّي كَتْعْتَرْفُو بِيهْ، حِيتْ كَتْعْطِيوْ بْلَا حْسَابْ لِيهُمْ وْلْݣَاعْ النَّاسْ.

¹⁴وْرَاهُمَ كَيْطْلْبُو اللَّهْ مْنْ جِهْتْكُمْ، وْمْشْتَاقِينْ لِيكُمْ بْزَّافْ بْسْبَابْ نِعْمَةْ اللَّهْ الْكْتِيرَة اللِّي عْطَاهَا لِيكُمْ.

¹⁵كَنْشَكْرُو اللَّهْ عْلَى الْهْدِيَّة دْيَالُه اللِّي مَا نْقَدْرُوشْ نْوَصْفُوهَا.