Read Moroccan Standard Translation يُوحَنَّا اللّْوّْلَى 1 Bible Online

يُوحَنَّا اللّْوّْلَى 1 - Moroccan Standard Translation bible

يُوحَنَّا اللّْوّْلَى 1

¹الْفَصْلْ اللّْوّْلْ هَادَاكْ اللِّي كَانْ مْنْ الْبْدُو، اللِّي سْمَعْنَاهْ وْاللِّي شْفْنَاهْ بْعِينِينَا، اللِّي بَانْ لِينَا مْزْيَانْ وْاللِّي مْسِّينَاهْ بْيْدِّينَا، هُوَ كْلْمَةْ الْحَيَاةْ.

²هَادْ الْحَيَاةْ بَانْتْ، وْحْنَا شْفْنَاهَا وْكَنْشَهْدُو لِيهَا وْكَنْخَبّْرُوكُمْ بْالْحَيَاةْ الدَّايْمَة اللِّي كَانْتْ عَنْدْ الْآبْ وْبَانْتْ لِينَا.

³دَاكْشِّي اللِّي شْفْنَاهْ وْسْمَعْنَاهْ كَنْخَبّْرُوكُمْ بِيهْ، بَاشْ تْكُونْ عَنْدْكُمْ حْتَّى نْتُمَ الشّْرْكَة مْعَانَا. وْالشّْرْكَة دْيَالْنَا رَاهَا مْعَ الْآبْ وْمْعَ الْوَلْدْ دْيَالُه يَسُوعْ الْمَسِيحْ.

⁴وْكَنْكَتْبُو لِيكُمْ هَادْ الْأُمُورْ بَاشْ تْكُونْ الْفَرْحَة دْيَالْنَا مْكْمُولَة.

⁵وْهَادِي هِيَ الْخْبَارْ اللِّي سْمَعْنَاهَا مْنْ يَسُوعْ الْمَسِيحْ وْكَنْخَبّْرُوكُمْ بِيهَا: اللَّهْ نُورْ وْمَا فِيهْشْ الضّْلَامْ ݣَاعْ.

⁶إِلَا ݣْلْنَا بْلِّي عَنْدْنَا الشّْرْكَة مْعَاهْ وْحْنَا كَنْعِيشُو فْالضّْلَامْ، رَاهْ كَنْكَدْبُو وْمَا كَنْدِيرُوشْ بْالْحَقّْ.

⁷وَلَكِنْ إِلَا كْنَّا كَنْمْشِيوْ فْالنُّورْ كِمَا اللَّهْ حْتَّى هُوَ فْالنُّورْ، غَتْكُونْ عَنْدْنَا الشّْرْكَة مْعَ بْعْضِيَّاتْنَا، وْالدّْمْ دْيَالْ يَسُوعْ الْمَسِيحْ وَلْدُه كَيْطَهّْرْنَا مْنْ ݣَاعْ الدّْنُوبْ.

⁸إِلَا ݣْلْنَا بْلِّي مَا فِينَا حْتَّى دَنْبْ، رَاهْ كَنْغَلّْطُو رْيُوسْنَا وْمَا كَنْدِيرُوشْ بْالْحَقّْ.

⁹وْإِلَا عْتَرْفْنَا بْدْنُوبْنَا رَاهْ اللَّهْ أَمِينْ وْكَيْحْكَمْ بْالْعَدْلْ، وْغَيْغْفَرْ لِينَا دْنُوبْنَا وْغَيْطَهّْرْنَا مْنْ كُلّْ إِتْمْ.

¹⁰إِلَا ݣْلْنَا بْلِّي عَمّْرْنَا مَا دْنَبْنَا، رَاهْ كَنْرَدُّو اللَّهْ كْدَّابْ وْكْلَامُه مَا فِينَاشْ.