Read Moroccan Standard Translation يُوحَنَّا التَّانِيَّة 1 Bible Online

يُوحَنَّا التَّانِيَّة 1 - Moroccan Standard Translation bible

يُوحَنَّا التَّانِيَّة 1

¹مْنْ يُوحَنَّا الْمْسْؤُولْ الْكْبِيرْ دْيَالْ الْكْنِيسَة، لْلسَّيّْدَة اللِّي خْتَارْهَا اللَّهْ، وْلْوْلَادْهَا اللِّي كَنْبْغِيهُمْ فْالْحَقّْ، مَاشِي غِيرْ أَنَا بُوحْدِي، وَلَكِنْ حْتَّى اللِّي كَيْعَرْفُو الْحَقّْ كُلّْهُمْ.

²عْلَى وْدّْ الْحَقّْ اللِّي تَابْتْ فِينَا وْغَيْبْقَى مْعَانَا عْلَى الدّْوَامْ:

³كَنْطْلَبْ مْنْ اللَّهْ الْآبْ، وْمْنْ يَسُوعْ الْمَسِيحْ اللِّي هُوَ وَلْدْ الْآبْ، يْعْطِيوْنَا النِّعْمَة وْالرَّحْمَة وْالْهْنَا فْالْحَقّْ وْالْمْحَبَّة.

⁴رَانِي فْرَحْتْ بْزَّافْ مْلِّي لْقِيتْ شِي وْحْدِينْ مْنْ وْلَادْكْ كَيْعِيشُو فْالْحَقّْ كِمَا وْصَّانَا الْآبْ.

⁵وْدَابَا كَنْطْلَبْ مْنّْكْ آ لَالَّة، بْلِّي خَاصّْنَا نْبْغِيوْ بْعْضِيَّاتْنَا، مَاشِي بْحَالْ إِلَا كَنْكْتَبْ لِيكْ شِي وْصِيَّة جْدِيدَة، وَلَكِنْ وْصِيَّة اللِّي كَانْتْ عَنْدْنَا مْنْ اللّْوّْلْ.

⁶رَاهْ الْمْحَبَّة هِيَ نْعِيشُو عْلَى حْسَابْ الْوْصِيَّاتْ دْيَالْ اللَّهْ، وْالْوْصِيَّة اللِّي سْمَعْتُوهَا مْنْ اللّْوّْلْ هِيَ تْعِيشُو فْالْمْحَبَّة.

⁷عْلَاحْقَّاشْ كْتْرُو فْهَادْ الدّْنْيَا اللِّي كَيْعَلّْمُو الْكْدُوبْ، وْمَا كَيْعْتَرْفُوشْ بْلِّي يَسُوعْ الْمَسِيحْ جَا فْصِفْةْ بْنَادْمْ. هَادَا هُوَ الْكْدَّابْ، وْالْعْدُو دْيَالْ الْمَسِيحْ.

⁸رْدُّو بَالْكُمْ بَاشْ مَا تْضِيعْشْ تَمَارَة اللِّي ضْرَبْنَاهَا عْلَى وْدّْكُمْ، وَلَكِنْ بَاشْ تَاخْدُو الْأَجْرْ دْيَالْكُمْ كَامْلْ.

⁹اللِّي خْرَجْ مْنْ التَّعْلِيمْ دْيَالْ الْمَسِيحْ وْمَا تْبَتْشْ فِيهْ، رَاهْ مَا عَنْدُوشْ اللَّهْ. وْاللِّي تْبَتْ فْالتَّعْلِيمْ دْيَالْ الْمَسِيحْ رَاهْ عَنْدُه الْآبْ وْعَنْدُه حْتَّى الْوَلْدْ.

¹⁰إِلَا جَاكُمْ شِي وَاحْدْ بْتَعْلِيمْ آخُرْ مْنْ غِيرْ هَادْ التَّعْلِيمْ، مَا تْقْبْلُوهْشْ فْدَارْكُمْ وْمَا تْسَلّْمُوشْ عْلِيهْ.

¹¹حِيتْ اللِّي سَلّْمْ عْلِيهْ، كَيْشَارْكْ مْعَاهْ فْأَعْمَالْ الشَّرّْ.

¹²رَاهْ عَنْدِي بْزَّافْ دْ الْأُمُورْ مَا نْكْتَبْ لِيكُمْ، وَلَكِنْ مَا بْغِيتْشْ نْدِيرْ هَادْشِّي بْالْوَرْقَة وْالْمْدَادْ، وْكَنْتّْمَنَّى نْجِي لْعَنْدْكُمْ وْنْتّْكَلّْمْ مْعَاكُمْ وْجَهْ لْوْجَهْ، بَاشْ تْكْمَلْ الْفَرْحَة دْيَالْنَا.

¹³كَيْسَلّْمُو عْلِيكْ وْلَادْ خْتْكْ اللِّي خْتَارْهَا اللَّهْ.