Read Mousgoum Pi zi tiki 20 Bible Online

Pi zi tiki 20 - Mousgoum bible

Pi zi tiki 20

¹Woni par Abraham a hala midini afti na war gal n’amai sek na Negev, a sumna arbaɗi Kades gaiɗi Sur, asakal par a halasi a sumna a Gerar.

²Abraham a miɗiɗi wiiɗi ɗai midiɗi Sara na munini ɓa: Te tawala; nɵa Abimelek pai na Gerar a yimiti.

³Amma Alaw a halasi sini war duvuk war weseŋ zi pɵi a miɗini: Aga ku mra buriɗi muni na ku yimiti tini mafaɗi par ɗa, buri na te munini ɗif.

⁴Won hlai ni Abimelek a fana gaiɗi kai hai, a ɗuula a muɗa: Epin-geza ta gaiɗi ɗaiŋa ɗa mi zi wala na meefeŋ kai. Ku dara ku fiɗiyi edi kadai meere ɗi.

⁵A muɗaŋa a ni ɓa: Te tawalni, na lai ɓa: A tawalɗi. Mu zaŋ na ɗa gaini agul na ɗikat gaiɗi tiy na hilu lai.

⁶Alaw a wiyini seŋ war weseŋ zi pɵi: Ta lai, mu sɗa ɓa ku za na ɗa gaiɗi agul na ɗikat, pra mu ɗuluku aŋ za tuwur sa muta, buri nɵa mu hunuku aŋ titimiti kai.

⁷Tiyana, wiyitini muni wiini ɗif hanɗa wai, buri ni a ɗif na mini Alaw, n’aga a siiwa tini Alaw buriku, kapai ku sumna karku. Na ɓa ku wiyitini kai, yimaŋ muduku ɓa aga ku mra, tuku gaiɗi ɗaiku paŋ.

⁸Abimelek a faka amai gorof, a yikiɗisi ɗaini zo sda paŋ, a miɗiɗi midini wala hanɗa, ɗai hanɗa, hunai te yimiɗi gara.

⁹Asakal par Abimelek a yikasi Abraham a miɗini: Na ku ziyi nɵa na ɗa a maɗa? Na mu zaŋ aŋ tuwur suku ɗa a na wata ɗa? Na kapai ku kiyi, ta gaiɗi paiŋa paŋ aŋ zi tuwur n’abai maini hanɗa nɵa ɗa, wala na ku zaŋŋa hanɗa, ɗif a zaŋŋa kai.

¹⁰Abimelek a miɗini pra: Na ku kataŋ warku, wuzani na ku zaŋ hanɗa a maɗa?

¹¹Abraham a waya seŋ a muɗa: Mu hiina ɓa won hlai hanɗa hunai na pini Alaw koo agwiyeŋe tekeɗeɗi aŋ warɗi ɗai kai, nɵa aga e fiɗiŋa buriɗi muniya ɗa,

¹²war jreni kadai tiɓ, te tawala, t'ahini apa, ama t'ahiɗi ama kai, nɵa te bunda aŋ muniya.

¹³Won hlai n’Alaw a muɗaŋa buri mu hina dalamni apa edi gaigai sa par, mu miɗiɗi wiiɗi Sara: Woɗi paŋ n’aga mu hulumu, ku zina pa, ku muɗa edi mada ɓa mu tawalku.

¹⁴Abimelek a mula haakai gaini adumai gaini ɵaakai, ɗai zi sda na maɵagai gaiɗi na falakai, a siŋni wiini Abraham, a wiyitini Sara na munini wai lai.

¹⁵A muɗa: Tala, aftiŋa aŋ wuzaku na, sumna warni hlai na ku daraŋ,

¹⁶Asakal par a miɗiɗi wiiɗi Sara: Mu sa wiini tawalku sulai zi arzaŋ dubu ɗaw, hanɗa ag a ŋoya siyerku arɗi marku paŋ, pra wuzani arɗi ɗai paŋ aga ku waya warni azuku n’avut.

¹⁷Abraham a siiwa Alaw burini Abimelek, Alaw a zuula Abimelek, munini, falakai zi sda na wiini, nagai e tiki piɗi aŋ wii ali pra.

¹⁸Buri EPIƊ-ƊAI a bindiɗi falakai n’ahani Abimelek muɗaŋai kafa buriɗi Sara na munini Abraham.