Read Mousgoum Pi zi tiki 5 Bible Online

Pi zi tiki 5 - Mousgoum bible

Pi zi tiki 5

¹Hanɗa a maktuɓ na wiini pinzibani Adam. Mefeŋ n’Alaw a rga ɗif ɗa, a rgaŋ maini Ni nɵa,

²a rgiɗi wus gaiɗi muni, a ɓikiɗi, a siɗi yiki ɓa "ɗai", war mefeŋ n’a rgiɗi warni ɗa.

³Adam a za buza miya gaini doogo doogo hu, a wa ahi n’a sɗa maini nɵa, a ziŋgaŋ ɵa kal kal, a sini yiki ɓa: Set.

⁴Asakal wiini Set par, Adam a za buza miya mitwis, a wa ali na maɵagai gaiɗi na falakai.

⁵Buzani Adam a dinga paŋ ɗa, miya ɵeeŋe gaini doogo doogo hu, asakal par a mra.

⁶Set a za buza miya gaini ɵim, a wa Enos.

⁷Asakal wiini Enos par, a za buza miya mitwis gaini muguzak, a wa ali na maɵagai gaiɗi na falakai.

⁸Buzani Set a dinga paŋ miya ɵeeŋe gaini doogo pi sulu, asakal par a mra.

⁹Enos a za buza doogo doogo ɵeeŋe a wa Kenan.

¹⁰Asakal wiini Kenan par, a za buza miya mitwis gaini doogo pi ɵim. A wa ali na maɵagai gaiɗi na falakai.

¹¹Buzani Enos a dinga paŋ miya ɵeeŋe gaini ɵim, asakal par a mra.

¹²Kenan a za buza doogo muguzak a wa Mahalalel.

¹³Asakalni wiini Mahalalel par, Kenan a za buza miya mitwis gaini doogo doogo puɗu, a wa ali na maɵagai gaiɗi na falakai.

¹⁴Buzani Kenan a dinga paŋ miya ɵeeŋe gaini doogo, asakal par a mra.

¹⁵Mahalaleyel a za buza doogo doogo ɵaara pi ɵim, a wa Yered.

¹⁶Asakal wiini Yered par, Mahalaleyel a za buza miya mitwis gaini doogo doogo hu, a wa ali na maɵagai gaiɗi na falakai lai.

¹⁷Buzani Mahalaleyel a dinga paŋ miya mitwis gaini doogo doogo ɵeeŋ pi ɵim, asakal par a mra.

¹⁸Yered a za buza miya gaini doogo doogo ɵaara pi sulu, a wa Henok.

¹⁹Asakal wiini Henok par, Yered a za buza miya mitwis, a wa ali na maɵagai gaiɗi na falakai.

²⁰Buzani Yered a dinga paŋ miya ɵeeŋe gaini doogo doogo ɵaara pi sulu, asakal par a mra.

²¹Henok a za buza doogo doogo ɵaara pi ɵim, a wa Metusela.

²²Asakalni wiini Metusala par Henok a tika futi na wiini Alaw haa buza miya hu, a wa ali na maɵagai gaiɗi na falakai lai.

²³Buza Henok a dinga paŋ miya hu gaini doogo doogo ɵaara pi ɵim.

²⁴Pini bonu n’arbani gaini Alaw ɗa, Enok a yima edi wuzaɗi arɗi ɗai par, buri Alaw a yimaŋ amai karni.

²⁵Metusela a za buza miya gaini doogo doogo mitwis pi muguzak, a wa lamek.

²⁶Asakal wiini Lamek par, Metusela a za buza miya muguzak gaini doogo doogo mitwis pi sulu.

²⁷Buzani Metusela a dinga paŋ, miya ɵeeŋe gaini doogo doogo ɵaara pi ɵeeŋe, asakal par a mra.

²⁸Lamek a za buza miya gaini doogo doogo mitwis pi sulu, a wa ahi ktai.

²⁹A sini yiki ɓa: Nowa, war hiini na ɓa, a ni n’aga a sa arai zi pi war sda gaini kayai n’e ɗa niviŋ pini afti n’EPIƊ-ƊAI a tusaŋ ɗa.

³⁰Asakal wiini Nowa par, Lamek a za buza miya ɵim gaini doogo doogo ɵeeŋe pi ɵim, a wa ali na maɵagai gaiɗi na falakai.

³¹Buzani Lamek a dinga paŋ miya muguzak gaini doogo doogo muguzak pi muguzak. Asakal par a mra.

³²Nowa, won hlai n’a wa Sem, kam gaini Yafet sek ɗa buzani miya ɵim.