Read Mousgoum Labar na war yivai n’avut 10 Bible Online

Labar na war yivai n’avut 10 - Mousgoum bible

Labar na war yivai n’avut 10

¹Mefeŋ ktai, Filistrekai e hitimi gaiɗi aliɗi Izrayel, ɗai na Izrayel e pri edi wuzaɗi, zamai viya e mri lai amai siɗi huwuŋ na Gilbuwa.

²Filistrekai e siki pini Sawul gaiɗi alini, e fiɗiɗi alini edi: Yonatan, Abinadab gaini Malkisuwa.

³Won hlai ni ɗa, ɗai zi hatamarɗi a hora midini Sawul, Won hlai na ɗai zi ɵiɓi ɓaraw ɗa arɗi a mula midini Sawul a tika pini a ziriya wuzaɗi.

⁴Sawul a miɗini ɗif n’a ɵa wuzani plisni: a pɗem ɓa, ku hotosi kaɵkarku edi ku fuɗaŋa kapai ɗai n’e hûni Alaw kai ɗa e ziŋa yewere kai. Amma ɗif n’a ɵa wuzani plisni a ɗiya kai buri hunai pini ta, nsma Sawul a hota kaɵkarni, a paŋ azumai a bla sini midini.

⁵Won hlai na ɗif n’a ɵa wuzani plisni, a tala ɓa Sawul a mra su, ni lai a bla sini mini kaɵkar a mra lai.

⁶War mefeŋ ni ɗa Sawul gaiɗi alini na hu paŋ e nivi mri pinzibaɗi paŋ e vidi edi kap.

⁷Won hlai n’aliɗi Izrayel n’e simni war £huduk, e tili ɓa Izrayelekai e ɵiri edi ɵar, ɓa Sawul gaiɗi alini e mri sa lai, e hini fuŋɗi n’abakai e pri edi, Filistrekai e hilisi e simni woni sa sa.

⁸Dawaini, Filistrekai e wiyi aŋ mili wazagai n’aŋ tiɗi n’e nivi mri ɗa, e nivisi kopoŋ na wiini Sawul gaini ni na wiiɗi alini ɗa amai siɗi huwuŋ Gilbuwa.

⁹E mili wazagai n’aŋ sini Sawul, e ɗûkli midini edi daf, e mili wazagaini zi hatam paŋ lai, e si labar edi midini afti na wiiɗi Filistrekai paŋ, wiiɗi alawai zi rgi gaini ɗai paŋ lai.

¹⁰E ki wazagai zi hatam na wiini Sawul amlai warni tempel na wiini alaw na wiiɗi sa, e tûki keɵke na humokni amai war tempel na wiini alaw Dagon tok lai.

¹¹Won hlai na nagai na war Yabes na war Galaad par paŋ e nivi labarni wala na Filistrekai e ziŋ sini Sawul ɗa,

¹²ɗai zi hatam na agulɗi a huna kai paŋ, e fiki e hili e milisi koponni Sawul gaini na wiiɗi alini paŋ e kinsi aha nwar Yabes. E pi keɵkeɗi azumai pini luwuŋ Terebente na Yabes, asakal par e tiki sai haa mefeŋ muguzak lai.

¹³Sawul a mra buri a ha amai midini gadai na wiini EPIƊ-ƊAI, buri a yima seŋ na wiini EPIƊ-ƊAI kai, kadai tiɓ a zilba ɗa a dirini EPIƊ-ƊAI ɗa, amma ni a hala mini ɗif n’a muɗa seŋ gaini Kuwe. Buri nɵa EPIƊ-ƊAI a fuɗaŋ edi, a sitini pai wiini David n’ahini Esai.