Read Mousgoum Labar na war yivai n’avut 11 Bible Online

Labar na war yivai n’avut 11 - Mousgoum bible

Labar na war yivai n’avut 11

¹Aliɗi Izrayel gaini hlaiɗi paŋ e tipisi sini David war Hebron e miɗi: tiyi mi ɗi keɵkeku, miɗi neŋ suku lai,

²buza a zasi viya, koo hlai na Sawul a naka aŋ pai tekeɗeɗi ku ɵa wuzaɗi aliɗi Izrayel edi mini hatam zaw ku tuku, ku wiyiɗisi aha sek ku tuku lai. Epiɗ-ɗai Alaw a muɗuku ɓa: aga ku ɵa wuzaɗi ɗaiŋa na Izrayel ɗa ku tuku, aga ku sumna aŋ abaiɗi ku tuku lai.

³N'abakai n’arbaɗi aliɗi Izrayel paŋ e hilisi sini pai David war Hebron, woni David a za bonu gaiɗi wuzani EPIƊ-ƊAI, e mini emel midini David aŋ pai midiɗi Izrayel pinin miɗi na wiini EPIƊ-ƊAI na Samuwel a muɗaŋ ɗa.

⁴David gaiɗi ɗai na Izrayel paŋ, e hili midiɗi Yeruzalem na yikiɗi zamai ɗe ɓa Yebus ɗa, buri Yebuzitekai n’e simni midini afti hanɗa.

⁵Ɗai na Yebus e miɗini wiini David: aga ki niyisi wonna kai, amma David a tika hlai zi ŋoyai na Siyon ɗaw, sini mefeŋ ni par hlai hanɗa yikini a bunda ɓa: fuŋ n’abai na wiini David.

⁶David a muɗa: ɓa ɗif a fuɗa li ɗif na Yebus avut ɗa aga a bunda aŋ askar na wiya. Yowab n’ahiɗi Seruya a niya edi avut a fuɗa ɗif na Yebus, a bunda aŋ abaiɗi askarai lai.

⁷David a sumna war hlai zi ŋoyai pini hanɗa, e sini yiki ɓa: fuŋ n’abai na wiini David.

⁸Asakal par David a rga hlai na hahakai war fuŋ n’abai hanɗa, war konni hlai paŋ, a Milo par haa sini fuŋ na ɵimani paŋ. Galni fuŋ n’abai n’ahina a rgaŋ amai ɗa a Yowab.

⁹Paini David te riya amai wuzaɗi sek sek buri EPIƊ-ƊAI zi spak paŋ a nafu gaini.

¹⁰Hanɗa a yikiɗi abakaiɗi ɗai zi hatam na wiini David gaiɗi na Izrayel paŋ n’e pili miɗi gaini kai Won hlai n’aŋ warɗi pai kapai e ziŋ aŋ paiɗi midiɗi Izrayel pini miɗi na wiini EPIƊ-ƊAI.

¹¹Ɗai zi hatam hanɗa yikiɗi a na maini nɵa: Yasobeyam n’ahini Hakmoni abaiɗi nagai na hu, a ni na kiini ktai a hitima gaiɗi ɗai miya hu war yuvai ktai, a fiɗiɗi kafa.

¹²N'aga wulani ɗa a Elazar n’ahini Dodo na war Ahuwa par, a ktai arbaɗi na hu.

¹³A ni n’a naka gaini David a Pas-Damim, Won hlai na Filistrekai e tipisi woni buri hatam, askarai na wiiɗi Izrayel e pri edi wuzaɗi, vuwai na wiini Orge a nafu woni.

¹⁴Nɵa Elazar gaiɗi askaraini e niyi arbani vuwai hanɗa, e tikiŋ, e rɗi amai midiɗi Filistrekai lai. EPIƊ-ƊAI a sa rɗi n’amai n’abai wiiɗi aliɗi Izrayel.

¹⁵Ɗai n’abakai hu arbaɗi na hu par e niyi azumai sini David, midiɗi huwuŋ, war waŋ na siɗi huwuŋ Adullam. E tili kaŋ na wiiɗi Filistrekai ktai war huduk na wiiɗi Refaiitekai.

¹⁶David a nafu war hlaini zi ŋoyai dam, war mefeŋ ni ɗa, Lawan na wiiɗi a nafu aha war Betlehem.

¹⁷David a tuwa sini a muɗa maini nɵa: ɗif n’aga a sasi yem zi ci na warɗi kiliŋi na t'aŋ mini magala na wiiɗi Betlehem ma do na ɗa asiya ki ɗi ɗa?

¹⁸Askarai na hu na agulɗi a huna kai e niyi aha war kaŋ na wiiɗi Filistrekai gaini gdaŋ, e bilisi yem warɗi kiliŋi na mini magala na wiiɗi Betlehem par, amma David a firiya a caŋ kai, a maŋ azumai hok midini afti wiini EPIƊ-ƊAI.

¹⁹A muɗa: Yem hanɗa, kapai mu caŋ ɗa, Alaw a cakaŋ, yem hanɗa a na maini felɗi ɗai n’e tiki mriɗi edi aŋ piyiŋsi na nɵa, a firiya a caŋ kai, hanɗa a sda n’askarai n’abakai na hu n’agulɗi a huna kai e ziŋ ɗa.

²⁰Abisai na tawalni Yuwas, abaiɗi gaŋgalaŋai zi hatam na hu na zamai, a ni n’a fiɗiɗi gawɗi ɗai miya hu war yuvai, amma yikini a wa arbaɗi na hu n’avut ɗe kai.

²¹A nava kol azi sulu a sûwiɗi marni na sulu ɗa, a bunda aŋ abaiɗi lai, amma a kiɗa gaiɗi nagai n’avut na hu kai.

²²Beneya n’ahini Yohaiada a tiyinin ɗif zi hatam na agulni a huna kai na war Kabsaiel par, a za sda na abakai n’a bunda ɗif hiyak. A niya azumai pini gurnai war kiliŋi a fuɗaŋ war mefeŋ na wiini maaɗai zi glas,

²³a ni n’a fuɗa ɗif n’egipte na kil ɵim. Ɗif n’egipte a nafu gaiɗi kawai na amai gargali tini ɗaw, a hala sini sek gaiɗi amaraŋai, a tikiti kawaini tini par a fuɗaŋ gaiɗi.

²⁴Hanɗa asda na Beneya gaŋgalaŋ n’ahini Yohaiada a zaŋ a hina yikini a wa arbaɗi na hu n’asakal ɗa.

²⁵A nava kol a sûwiɗi nagai na hu, amma a kiɗa gaiɗi nagai na hu n’avut ɗe kai, David a tikaŋ aŋ abaiɗi ɗai zi gɗam na wiini.

²⁶Hanɗa a yikiɗi askarai na agulɗi a huna kai: Asayel, tawalni Yowab, Elha n’aŋ n’ahini Dodo na Betlem par,

²⁷Sammot na Haror par, Heles na Palon par,

²⁸Ira n’ahini Ikes na Tekuwa, Abiyezer na Anatot par,

²⁹Sibbekai na Husa par, Ilai na Ahoh par,

³⁰Mahrai na Netofa par, Heled n’ahini Baa na na Netofa par,

³¹Itai n’ahini Ribai na war Gibeya na wiiɗi pinzibani Benyameŋ, Benaia na Piraton par,

³²Hurai na war yem zi ki na Gas par, Abiyel na Arba par,

³³Asmawet na war Bahurim par, Eliyaba na war Salbon par,

³⁴alini Ben-Hasen na Gison par, Yonatan n’ahini Sage na Harar par,

³⁵Ahiyam n’ahini Sakar na Harar par, Elifal n’ahini Ur,

³⁶Hefer na Mekera par, Ahiya na Palon par,

³⁷Hesro na Karmel par, Narai n’ahini Esbai,

³⁸Yowel na tawalni Natan, Mibar n’ahini Hagrit,

³⁹Selek na Ammon par, Narai na Berot par ɗif n’a ɵa wuzani plisni, Yowab n’ahiɗi Seruya.

⁴⁰Ira na Yatir par, Gareɓ na Yatir par lai.

⁴¹Uriya na Hitit. Zabad n’ahini Ahlai,

⁴²Adima n’ahini Sisa na war pinzibani Ruben, abaiɗi pinzibani Ruben ɗai pini hu.

⁴³Ha n’aŋ n’ahini Maka gaini Yosafat na Maten par,

⁴⁴Usiya na Aketarot par, Sama gaini Yiyel n’alini Hotam na Arower par,

⁴⁵Yediyaiel n’ahini Simri gaini Yoha na tawalni na Tis par,

⁴⁶Eliyel na Mahaba par, Yeribai gaini Yosabiya n’ahini Elnaham gaini Yitman na Mowab par,

⁴⁷Eliyel, Obed gaini Yasiyel na Saba par.