Read Mousgoum Labar na war yivai n’avut 14 Bible Online

Labar na war yivai n’avut 14 - Mousgoum bible

Labar na war yivai n’avut 14

¹Hiram pai na Tirus a ɵinasi ɗai sini David gaini luwuŋ Sedre, a ɵiniɗisi ɗai zi kirhi kiryit gaiɗi ɗai zi tûki dalam kapai e rgitini dilimi;

²nɵa David a sɗa ɓa EPIƊ-ƊAI a tikaŋ aŋ pai midiɗi Izrayel, paini te nava kol gara buriɗi Izrayel na ɗaini.

³David a mula falakai zamai aha war Yeruzalem pra, a wa zamai ali na maɵagai gaiɗi na falakai lai.

⁴Yikiɗi nagai n’e wi aha warɗi Yeruzalem a na maini nɵa: Sammuwa, Sobab, Natan gaini Salmun,

⁵Yibar, Elisuwa gaini Elpalet;

⁶Noga, Nefeg gaini Yaviya,

⁷Elisama, Beelyada gaini Elifelet lai.

⁸Won hlai na Filistrekai e ɵini ɓa e fiiɗi David li aŋ pai midiɗi Izrayel paŋ, e hili gaini hlaiɗi aŋ piyi David, Won hlai na David a ɵina hanɗa a niyasi edi miɗi.

⁹Filistrekai e cûsi e vi huduk na wiiɗi Refayitekai;

¹⁰David a zilba Alaw a muɗa: Mu hala mu hitimiɗi Filistrekai ɗi? Aga ku siɗi war ta ɗi? EPIƊ-ƊAI a wiyini seŋ: Hala hitimiɗi, aga mu siɗi war tuku.

¹¹Nɵa Filistrekai e hili a Baal Perasim, woni David a rɗa amai midiɗi. David a muɗa: Alaw a malaŋa baŋa li ahaɗi gawŋa, maini baŋa na yem a coŋ nɵa, buri nɵa e sini yiki wiini hlai hanɗa ɓa: Baal-Perasim.

¹²E hinisi alawaiɗi zi rgi woni, David a muɗa: yiŋ edi gaini afu.

¹³Filistrekai e wiyisi azi n’ag'aŋ sulu pra aŋ tiki huduk na wiiɗi Refraiitekai.

¹⁴David a zilba dirini Alaw pra, Alaw a miɗini ku hitimiɗiɗi duɓaɗi par kai, amma ku gunasi edi par siɗi gaigai ɗaw haa ku luɓasi midiɗi midini luwuŋ Mikokuliye tar.

¹⁵Won hlai na ku ɵina li ezini ɗif a tuwa amai tini luwuŋ Mikokuliye ɗa, ku niyasi edi aŋ hatam buri Alaw a niyasi edi wuzani ya aŋ fiɗiɗi askarai na wiiɗi Filistrekai edi.

¹⁶David a za maini n’Alaw a miɗiŋni nɵa, a rɗa amai midiɗi askarai na wiiɗi Filistrekai a Gabawon par haa Gezer.

¹⁷Yikini David a wa edi midini afti paŋ, EPIƊ-ƊAI a bunda pinzibaɗi ɗai paŋ muhunakai wuzani.