Read Mousgoum Labar na war yivai n’avut 20 Bible Online

Labar na war yivai n’avut 20 - Mousgoum bible

Labar na war yivai n’avut 20

¹Buza na midini maini par ɗa, war sarti na paakai e niyi edi aŋ hatam woni, Yowab a ɵa wuzaɗi askarai zi hatam, a tuura afti na wiiɗi Ammonitekai edi, asakal par a halasi a caka fuŋ n’abai na Rabba cak, won hlai ni David a hinasi aha warɗi Yeruzalem. Yowab a rɗa amai midiɗi Rabba a tûûriti edi lai.

²David a tikiti bogorai na midini alaw Milkom na wiiɗi Ammonitkai ɗa ɗaw, gumaɗi a suwa kilo doogo doogo hu; ahi-fuŋ n’a zuva gara siɗi duɓak. A piti midini tiɓ. David a mulasi wazagai viya war fuŋ n’abai hanɗa par.

³David a miliɗi ɗai na woni par aŋ bege, a siɗi sda zi gir tiɗi, e ɓisi luwuŋ, e kirhi ali-fuŋ, e bili luwoŋai lai. David a zaŋ maini nɵa sini fuŋ n’abakai na wiiɗi Ammonitekai paŋ, asakal par David gaiɗi ɗaini paŋ e wiyisi aha war Yeruzalem.

⁴Asakal hanɗa hatam ktai a za gaiɗi Filistrekai war Gezer. Won hlai hanɗa, Sibkai na Husa par a fuɗa Sipai, ktai arbaɗi Refaiyitekai, nɵa Filistrekai e bindi aŋ bagakaiɗi.

⁵Hatam zamai a za gaiɗi Filistrekai pra, Elha n’aŋ n’ahini Yayir a fuɗa Lahmi na tawalni Goliyat na Gat na luwuŋ na piɗi kawaini abai maini luwuŋ n’e hi sapa gaini nɵa.

⁶Hatam zamai a za war Gat pra, askar ktai na mogo a nafu, ali tini ɵaara ɵaara, alini ezini ɵaara ɵaara lai a za paŋ caaɓa pi puɗu; ni lai a pinzibani Harafa.

⁷A tirkiɗi ɗai na Izrayel, nɵa Yehonatan n’ahini Simeya na tawalini David a fuɗaŋ.

⁸Askaraiɗi Filistrekai hanɗa, e ɗi pinzibani Harafana war Gat, e kɵi war tini David gaiɗi askaraini.