Read Mousgoum Labar na war yivai n’avut 24 Bible Online

Labar na war yivai n’avut 24 - Mousgoum bible

Labar na war yivai n’avut 24

¹Pinzibani Aaron e ɓûrwi edi war vok kiiɗi kiiɗi maini nɵa, Aaron a wa: Nadab, Abihu, Eliyazar gaini Itamar.

²Nadab gaini Abihu e mri wuzani epiɗi, e hini seyem kai. Sda zi pai zi ɓaka ɗa a hina tini Eliyazar gaini Itamar.

³David gaini Sadok na war pinzibani Eliyazar, gaini Ahimelek na war pinzibani Itamar, e ɓirwiɗi edi pini vokɗi ta ta pini sda n’a sa war tiɗi.

⁴Amma ɗai na war pinzibani Eliyazar viya viya e sûwiɗi na war pinzibani Itamar ɗa. Buri nɵa e ɓirwiɗi edi war vok kiini kiini pi ɵaara, nagai na war pinzibani Itamar ɗa war vok kiiɗi kiiɗi mitwis lai, vok paŋ gaini paini paini.

⁵Gaini hlaiɗi paŋ e ɓirwiɗi edi ta ta pini wala zi vili, buri ɓa ɗai zi sda na warni hlai na sɗik gaiɗi ɗai zi sda na wiini Alaw e ɗifu war pinzibani Eliyazar gaini pinzibani Itamar lai.

⁶Semaya n’ahini Nataniyel ɗif zi ɗû wazagai na war pinzibani Levi a ɗo yikiɗi azumai wuzani arni pai, wuzani arɗi n’abakai na wiini pai, wuzani arni pai zi ɓaka Sadok, wuzani arni Ahimelek n’ahini Abiyatar, wuzani arɗi tamai dalam na wiiɗi paakai zi ɓaka gaiɗi Levitekai. E fiki li aŋ zi wala zi vili ɗa, war piɗi humunini Eliyazar ɗa e zi azi sulu, na wiini Itamar ɗa e zi azi ktai.

⁷Hanɗa a yikiɗi n’abakai na midini vok n’e ɵiri edi pini wala zi vili: wala zi vili n’avut a yima Yehoyarib, n’ag'aŋ sulu a yima Yedaya;

⁸n’ag'aŋ hu a yima Harim, n’ag'aŋ puɗu a yima Sehorim,

⁹n’ag'aŋ ɵim a yima Malkiya, n’ag'aŋ ɵaara a yima Miyamin,

¹⁰n’ag'aŋ a yima Hakkos, n’ag'aŋ mitwis a yima Abiya,

¹¹n’ag'aŋ ɵeeŋe a yima Yesuwa, n’ag'aŋ a yima Sekaniyahu,

¹²n’ag'aŋ pi ktai a yima n’Eliyasib, n’ag'aŋ pi sulu a yima Yakim,

¹³n’ag'aŋ pi hu a yima Hupa, n’ag'aŋ pi puɗu a yima Yesebeyam,

¹⁴n’ag'aŋ pi ɵim a yima Bilga, n’ag'aŋ pi ɵaara a yima Immer,

¹⁵n’ag'aŋ pi muguzak a yima Hezir, n’ag'aŋ pi mitwis a yima Happises,

¹⁶n’ag'aŋ pi ɵeeŋe a yima Petahiya, n’ag'aŋ caaɓa a yima Ezekiyel,

¹⁷n’ag'aŋ caaɓa pi ktai a yima Yakim, n’ag'aŋ caaɓa pi sulu a yima Gamul,

¹⁸n’ag'aŋ caaɓa pi hu a yima Deleyahu, n’ag'aŋ caaɓa pi puɗu a yima Maaziyahu.

¹⁹Hanɗa a ɓrawɗi na pini sda n’a sa tiɗi, kapai e niyi amlai war Dalam na wiini EPIƊ-ƊAI pini gadai n’Aaron n’epiɗi a siŋɗi maini n’Epiɗ-ɗai Alaw na wiiɗi Izrayel a miɗiŋni nɵa.

²⁰Hanɗa a yikiɗi n’abakai na midini vok na wiiɗi alini Levi n’e hini ɗa, war pinzibani Amram wala zi vili a yima Subaiel, war pinzibani Subaiel wala zi vili a yima Yedaiahu.

²¹War pinzibani Rehabiyahu wala zi vili a yamaYishiya, ahi n’arbaɗi.

²²War pinzibani yishar ɗa a Selomot, war pinzibani Selomot ɗa a Yahat;

²³War pini Zibani Hebron ɗa a Yeriyahu ahini n’avut, Amariyahu n’ag'aŋ sulu, Yahaziyel n’ag'aŋ hu, Yekameyam n’ag'aŋ puɗu lai.

²⁴War pinzibani Uzziyel ɗa a Mika, war pinzibani Mika ɗa a Samir.

²⁵War pinzibani tawalni Mika a Yisiya, war pinzibani Yisiya ɗa a Zekariyahu.

²⁶Pinzibani Merari ɗa, a Mahli gaini Musi n’alini Yaziyahu n’ahini.

²⁷War pinzibani Merari ɗa e ɗi tiyakaini a sofam, Zakkur gaini Ibri n’alini Yaziyahu n’ahini.

²⁸War pinzibani Mahli ɗa a Eliyazar, a hina seyem kai.

²⁹War pinzibani Kis ɗa, a Yerameyel.

³⁰War pinzibani Musi ɗa a Mahli, Eder gaini Yerimot lai. Hanɗa e ɗi pinzibani Levi, e ɗi n’abakai na war pinzibaɗi tar tar.

³¹Nagai lai maiɗi zagalakaiɗi na war pinzibani Aaron, e kiti sda zi zi pini wala zi vili wuzani arni pai David, Sadok, Ahimelek, n’abakaiɗi paakai zi ɓaka na war pinziba gaiɗi levitekai. Wala zi vili a za buriɗi paŋ, buriɗi n’abakai n’e wi avut gaiɗi n’agogoi n’e wi asakal ɗe lai.