Read Mousgoum Labar na war yivai n’avut 27 Bible Online

Labar na war yivai n’avut 27 - Mousgoum bible

Labar na war yivai n’avut 27

¹Aliɗi Izrayel e ɗa war sdani pai, pini pɵaɗi e ɗa maini nɵa: abakaini pinziba, abakaiɗi vokɗi askarai na dubu gaiɗi askarai na miya, gaiɗi n’abakai n’e ɵi wuze, David a ɓirwiɗi edi war vok ta ta, vok paŋ ɗai warni dubu caaɓa pi puɗu puɗu, vok ktai a halasi a giɗima haa tile ɗaw, maini zamai a bundaŋ, haa buza te vada ɵa.

²Vok n’a giɗima war tile n’avut ɗa aŋ midini ɗa a Yasobeyam n’ahini Zabdiyel, vokni ɗai warni dubu caaɓa pi puɗu.

³A na piɗi humunini Peres, a ŋa midiɗi abakaiɗi askarai n’e zi sda war tile n’avut ɗa.

⁴Vok na war tile n’ag'aŋ sulu a nafu midini aŋ ŋa ɗa a Dodai na war Ahoha par, vok hanɗa a naka midini ɗa a Miklot, ɗai warni dubu caaɓa pi puɗu.

⁵Vok na war tile n’ag'aŋ hu a ŋa midini ɗa a Benaniyahu, nahini pai zi ɓaka n’abai Yehoyada, vokni ɗai warni dubu caaɓa pi puɗu.

⁶Benaniyahu ni ɗa a naka a gaŋgalaŋ arbaɗi na hu, abai na midiɗi lai. Amizabad n’ahini a nafu war vokni lai.

⁷Vok na war tile n’ag'aŋ puɗu a ŋa midini ɗa a Asayel na tawalni Yowab, duɓani par a ŋa ɗa a Zebadiya n’ahini, vokni ɗai warni dubu caaɓa pi puɗu.

⁸Vok na war tile n’ag'aŋ ɵim a ŋa midini ɗa a Samhut, war piɗi humunini Yizra, vokni ɗai warni caaɓa puɗu.

⁹Vok na war tile n’ag'aŋ ɵaara a ŋa midini ɗa a Ira n’ahini Ikkes na war Tekuwa par, vokni ɗai warni dubu caaɓa pi puɗu.

¹⁰Vok na war tile n’ag'aŋ muguzak, a ŋa midini ɗa a Heles na Pelon par war pinzibani Efrayim, vokni ɗai warni caaɓa pi puɗu.

¹¹Vok na war tikle n’ag'aŋ mitwis, a ŋa midini ɗa a Sibbekai na Husa par, war piɗi humunini Zera, vokni ɗai warni dubu caaɓa pi puɗu.

¹²Vok na war tile n’ag'aŋ ɵeeŋe, a ŋa midini ɗa a Biyezer na Anatot par, war piɗi humunini Benyamin, vokni ɗai warni dubu caaɓa pi puɗu.

¹³Vok na war tile n’ag'aŋ doogo, a ŋa midini ɗa a Mahrai na Netofat par, war piɗi humunini Zarit, vokni ɗai warni dubu caaɓa pi puɗu.

¹⁴Vok na war tile n’ag'aŋ doogo pi ktai, a ŋa midini ɗa a Beneya na Pireyaton par, piɗi humunini Efrayim par, vokni ɗai warni dubu caaɓa pi puɗu.

¹⁵Vok na war tile n’ag'aŋ doogo pi sulu a ŋa midini ɗa a Heldai na Netofat par, piɗi humunini Otniyel, vokni ɗai warni dubu caaɓa pi puɗu.

¹⁶Abakaiɗi pinziba na war Izrayel ɗa e ɗi ɗai hanɗa: war pinzibani Ruben ɗa a Eliyezer n’ahini Zikri, war pinzibani Simeyon ɗa a Sefatiyahu n’ahini Maaka,

¹⁷war pinzibani Levi ɗa a Hasbiya n’ahini Kemuwel, war piɗi humunini Aaron ɗa a Sadok,

¹⁸war pinzibani Yuda ɗa a Elihu, ktai arbaɗu tawalakaini David, war pinzibani Isakar ɗa a Omri n’ahini Mikayel;

¹⁹War pinzibani Zabulon a Yismaiahu n’ahini Obadiyahu, war pinzibani Neftali ɗa a Yerimot n’ahini Aziriyel,

²⁰war pinzibani Efrayim ɗa a Hoseya n’ahini Azaziyahu, war galni pinzibani Manase na piɗi futi na koskoi sek ɗa a Yuwel n’ahini Pedaiahu.

²¹War galni pinzibani Manase na war Galaad ɗa a Iddo n’ahini Zekariyahu, war pinzibani Benyamin ɗa a Yaasiyel n’ahini Abner,

²²war pinzibani Dan ɗa a Azarel n’ahini Yeroham. Hanɗa e ɗi n’abakai na midini pinzibaɗi Izrayel.

²³David a sa miɗi ɓa e pɵiɗi gawlakai na buza caaɓa ta azumai sek ɗa kai, buri EPIƊ-ƊAI a muɗa ɓa aga a bindiɗi pinzibaɗi Izrayel viya maini meeɵek n’arbani hlai n’amai nɵa.

²⁴Yowab n’ahiɗi Seruya a tika pini aŋ pɵa ɗai, amma a vadaŋ edi kai, buri hiy na wiini Alaw a halasi midiɗi Izrayel pini wala hanɗa. Pɵaɗi ɗai hanɗa a ɗo war maktuɓ na wiini sdani pai David ɗa kaalai.

²⁵Azmawet n’ahini Adiyel e tikiŋ midini godai na wiini pai, Yehonatan n’ahini Uzziyahu e tikiŋ midini wazagai zi simi na midini afti paŋ, na war fuŋ n’abakai, n’agogoi gaini bariki na ta ta lai

²⁶Ezri n’ahini Kelub, e tikiŋ midiɗi ɗai zi hirim.

²⁷Simey na Rama par e tikiŋ midini vuwai zi luwuŋ zi vin, Zabdi na Safan par e tikiŋ midini vin n’a niyasi war vuwai hanɗa par paŋ.

²⁸Baal-Ha n’aŋ na Geder par e tikiŋ midini vuwai na wiini luwuŋ olive gaini luwuŋ sikomor na midini afti na war hlai na huduk, Yowas a abai na midini hlai z'emel.

²⁹Sitrai na Saron par abai na midini ɵaakai n’a suma war hlai zi simi farai na Saron, Safat n’ahini Adlai abai na midini ɵaakai n’a suma war hlai huduk.

³⁰Obil na war pinzibani Ismayel abai na midini ɵigini; Yedeyahu na war Meronot par abai na midini ablehökai na falakai.

³¹Yaziz na war pinzibaɗi Hagar par abai na midini adumai na gaini haakai. Nagai hanɗa paŋ e ɗi ɗai n’abakai n’e giɗimi wazagai na wiini pai David.

³²Yehonatan tawalni epini David a naka a ɗif zi sini gadai, a ɗif na yel gara, ɗif zi siɗi. Yehiyel n’ahini Hakmoni a ni n’a hitriɗi alini pai.

³³Ahitofel a naka a ɗif n’a sini gadai wiini pai, Husai na Arkit par a nafu aŋ marmaini pai.

³⁴Asakalni ahitofel par, Yehoyada n’ahini Benaniyahu gaini Abiyatar e zi sda war balamni. Yowab a nafu a abaiɗi askarai na wiini pai.