Read Mousgoum Labar na war yivai n’avut 4 Bible Online

Labar na war yivai n’avut 4 - Mousgoum bible

Labar na war yivai n’avut 4

¹Yikiɗi alini Yuda: Peres, Hesron, Karmi, Hur gaini Sobal lai.

²Rehaia n’ahini Sobal a wa Yahat, Yahat a wa Ahumai gaini Lahad nagai e ɗi tiyakaiɗi ɗai na Sora

³Alini Hur: Yizreyel, Yisma gaini Yitbas e tikiti Etam azumai, tawalɗi na muni yikiɗi ɓa Haɵelponi.

⁴Penuwel n’a tikiti Gedor azumai gaini Ezer n’a tikiti Uza azumai ɗe lai ɗa, e ɗi alini Hur n’ahini Öfrata n’abai n’a tikiti Betlehem azumai ɗa.

⁵Asehur ni a tikiti Tekuwa azumai, a mula falakai sulu: Hela gaiɗi Nara.

⁶Nara te wiini ali puɗu: Ahuzam, Hefer, Temni gaini Ahastari.

⁷Hela te wa ali hu lai: Seret, Sohar gaini Etnan.

⁸Kos a wa Anub gaini Sobeba, pra a tiyiɗi nagai na war pinzibani Aharehel n’ahini Harum.

⁹Yabes a ɗif na ɗai paŋ e kûliŋ a suwa tawalakaini paŋ, emini te sini yiki na Yabes buri te sɗa gir gara war pûkûni.

¹⁰Yabes a siiwa tini Alaw na wiiɗi Izrayel maini nɵa: Alaw na wiiɗi Izrayel, ɓakaŋa, riya aftiŋa edi, giɗimaŋa, gir gaini kwimi paŋ ku cakaŋ edi sa par sak; Alaw a ziŋni maini n’a zilbaŋ midini nɵa.

¹¹Kelub na tawalni kuha a wa Mehir, Mehir a wa Eketon,

¹²Eketon a wa Bet-Rafa, Paseya gaini Tehina. Tehina a ni n’a tika pini fuŋ n’abai na Naha azumai; pinzibaɗi e simni war Raka.

¹³Alini Kenas: Otniyel gaini Seraya; alini Otniyel: Hatat gaini Meyonotai.

¹⁴Meyonotai a wa Ofra, Seraya a wa Yowab n’apiɗi ɗai zi kilɗi luwoŋai n’e simni war huduk.

¹⁵Kaleb n’ahini Yefune a wa Iru, Ela gaini Nam lai. Ela a wa Kenas.

¹⁶Yahalelel a wa Zif, Zifa, Tiriya gaini Asareyel.

¹⁷Ezra a wa Yeter, Mered, Efer gaini Yabon lai. Mered a tikiti Bitiya ahini pai n’Egipte aŋ munini; te wiini Miriyam, Samai Yisba n’a tika piɗi Estamuwa azumai ɗa.

¹⁸Mered a tikiti muni zamai na Yudia, te wiini Yered n’a tika piɗi Gedor azumai. Heber n’a tika piɗi Soko azumai ɗa gaini Yekutiyel n’a tika piɗi Zanuwa azumai ɗe lai, e ɗi aliɗi Bitiya n’ahini Farawon na Yered a tikiti ɗa.

¹⁹Hodiya a tikiti tawalni Naham aŋ munini, e wiiɗi pinzibaɗi Garnitkai n’e simni warɗi Keyla, gaini pinzibaɗi Makatitkai n’e simni warɗi Estemuwa lai.

²⁰Simuŋ a wa Ammon, Rina, Ben-Ha n’aŋ gaini Tilon lai. Yisei a wa Zohet gaini Ben-Zohet.

²¹Sela n’ahini Yuda a wa Er n’a tika n’a tika piɗi Laka azumai, Lada n’a tikiti Mareka azumai gaini pinziba zamai n’e zi sapa zi leŋ na gaini futini war Bet-Akebeya.

²²Kela a tiyni Yokim gaiɗi ɗai na Kozeba, gaini Yuwas gaini Saraf lai n’e milisi falakai war Mowab par, asakal par e wiyisi aha war Betlehem. Hanɗa a wazagai n’a za avut par.

²³E ɗi ɗai zi rgi grak, e simni war Netaiim gaiɗi Gedera, woni e zi sda wiini Pai.

²⁴Simeyon a wa Nemuwel, Yamin, Yarib, Zera gaini Sawul lai.

²⁵Sawul a wa Sallum, Mibsam gaini Mesema.

²⁶Mesema a wa Hammuwel, Zakkur gaini Simai.

²⁷Simey a wa ali na maɵagai pi ɵaara, na falakai ɵaara lai, amma tawalakini zamai e wi ali viya kai, pinzibani e sisiɗi viya maini pinzibani Yuda nɵa kai.

²⁸War mefeŋ na wiini pai David, pinzibani Simeyon e simni war fuŋ n’abakai gaini fuŋ n’agogoi na ɵimani lai. Esimni war Der-Sela, Molada, Hasar-Suwal.

²⁹Bilha, Esem, Tolad,

³⁰Betuwel, Hormo, Siglak,

³¹Bet-Markovot, Hasar-Susim, Bet-Birei, Sarim hanɗa a fuŋɗi n’abakai.

³²E simni war fuŋ zamai n’abakai ɵim pra: Etam, Ayin, Rimon, Token Asan lai.

³³Gaini fuŋ n’agogoi na ɵimani paŋhaa a Baal ta. Hanɗa a hlai s'e simni woni ɗa gaini girini pinzibaɗi.

³⁴Yikiɗi ɗai n’abakai na war pinzibani Simeyon a na maini nɵa: Mesobab, Yamlek, Yosa n’ahini Amiseya;

³⁵Yuwel, Yehu n’ahini Yosibiya, n’ahini Seraya, tiyni Aziyel.

³⁶Eliyohenai, Yaakoba, Yesohaia, Asaia, Adiyel, Yesimiyel, Benaia,

³⁷Ziza n’ahini Sifei n’ahini Allon, n’ahini Yedaya n’ahini Simri, n’ahini Semaya lai.

³⁸Nagai na yikiɗi amai par hanɗa, e ɗi n’abakai na war pinzibaɗi, pinzibaɗi a riya amai abai gara

³⁹E fiki mini hlai na Gedor par haa sini galni huduk na piɗi futi na dawai par aŋ piyi kuzum na wiini hakai gaini adumai a suma woni.

⁴⁰E nivi kuzum, hlai zi simi farai na pɗem woni, aftini bruk, hûwyi warni kai, hlai ɵeɗ, nagai n’e simni woni avut par ɗa e ɗi pinzibani Kam.

⁴¹Ɗai na mu ɵunumu yikiɗi hanɗa, e cûsi war mefeŋ na wiini Ezekiyas pai na Yuda, e tûûri gororoɗi ɗai gaini dalam n’e nivin woni lai edi, e vidiɗi ɗai na war hlai hanɗa edi, e simni war balamɗi buri hlai na faraiɗi a suma woni a nafu viya.

⁴²Pinzibani Simeyon zamai e hili midiɗi Huwuŋ Seyir, e zi ɗai miya ɵim, e ɵi wuzaɗi ɗa e ɗi miɗi: Peletiya, Neyariya, Refaia gaini Uzziyel lai e ɗi alini Yise.

⁴³E rɗi amai midini pinzibani Amelek n’a hina, e simni woni. Pini zibaɗi e ɗa woni ɵa haa girna.