Read Mousgoum Labar na war yivai n’avut 5 Bible Online

Labar na war yivai n’avut 5 - Mousgoum bible

Labar na war yivai n’avut 5

¹Ruben a ahini Yakob n’abai, amma Won hlai n’a fana gaiɗi munini epini, a maini te sa siɗi alini Yosef n’ahini Yakob. Ruben a pɵa aŋ ahi n’abai kir kai.

²Kadai tiɓ, arbaɗi tawalakaini paŋ Yuda ɗa spakni abai gara, pai na wiiɗi Izrayel maa te halasi war pinzibani par, amma wala n’a sa buriɗi abai ɗa a sa sini Yosef.

³Ruben ahini Yakob n’abai a wa: Hanok, Palu, Hesron gaini Karmi.

⁴Yuwel a wa Semaya, Semaya a wa Gog, Gog a wa Simey,

⁵Simey a wa Mika, Mika a wa Reyaia, Reyaia a wa Baal,

⁶Baal a wa Beera, Beera a naka a pai war pinzibani Ruben. Tigal Pilneser pai na Asiriya a kaŋ aŋ bege edi midini afti zamai.

⁷Alini epini Beera na yikiɗi a ɗo pini giriɗi tamai, pini humuni humuni lai edi ɗai hanɗa: avut ɗa a Yehiyel, n’aga wulani ɗa a Sakariyas.

⁸N'asakal ɗa a Bela n’ahini Asas, a tiyni zi ŋolo. Sema a tiyni Yuwel zi ŋolo, pinzibani Ruben e simni midini afti n’a fakaɗi war Arower par, war gal n’amai par a hala haa sini fuŋ n’abai na Baal- Meyon ta.

⁹Piɗi futi na dawai par e simni haa edi mini basga n’a na arbani aftiɗi gaini Öfrata, ra n’abai na Babilon buri faraiɗi a nafu viya midini afti na Galaad.

¹⁰War mefeŋ ni Sawul e hitimiɗi Hagritkai, e rɗi amai midiɗi lai; e simni warni gororoɗi tiɗi Galaad piɗi futi na dawai par.

¹¹Pinzibani Gad e simni azumai par tiɗi pinzibani Salka piɗi futi na dawai par.

¹²Arbani pinziba n’a na woni, n’abai tar a wiini Yuwel, n’aga wulani a wiini Safan, piɗi par a wiini Ya nai gaini Safat lai.

¹³Pinziba a nafu muguzak pra, na wiini Mikayel, na wiini Mesulam, na wiini Seba, na wiini Yorai, na wiini Yaiekan, na wiini Ziya gaini na wiini Eber lai.

¹⁴Hanɗa e ɗi pinzibani Abihayil n’ahini Huri, n’ahini Yarowa, n’ahini Galaad, n’ahini Mikayel; n’ahini Yeshishai, n’ahini Yado, n’ahini buz.

¹⁵Ahi, n’ahini Abdiyel na tiyni Guni abaini pinziba hanɗa.

¹⁶Pinzibani Gad e simni midini afti na Galaad, na Basan war hlai na ɵimani war hlai zi simi farai na Saron ɗe paŋ haa edi war dibini ta ta.

¹⁷Yikiɗi pinziba hanɗa paŋ a ɗo azumai war maktuɓ n’abai war mefeŋ na wiini Yotam pai na Yuda gaini Yerobowam pai na Izrayel.

¹⁸Pinzibani Ruben, pinzibani Gad gaini galni pinzibani Manase lai e pɵi arbaɗi gaŋgalaŋai, e ɗi ɗai n’e siɗi hatam gaini gamar, kaɵkar, e siɗi ɓaraw zi ɵiɓi gara, siɗi gaini si edi mini gaw ta. Pɵaɗi paŋ ɗai dubu doogo-doogo-puɗu gaini miya muguzak gaini doogo doogo- ɵaara.

¹⁹E hitimi gaiɗi Hagritkai, gaiɗi pinzibani Yetur, pinzibani Nafis gaini pinzibani Nodab lai.

²⁰War hatamɗi hanɗa e zilbi zinai war tini Alaw, Alaw a ɵina siiwaɗi buri e tiki hiiniɗi midini, nɵa e rɗi amai midiɗi Hagritkai gaiɗi nagai na gaiɗi paŋ.

²¹E mili farai z'ayir ɵigini dubu doogo-doogo-ɵim, adumai gaini haakai dubu miya sulu gaini doogo-doogo-ɵim, ablehökai dubu sulu, pra e yimi ɗai mini gaw dubu miya ɗaw lai.

²²Gawɗi e mri viya gara buri hatam hanɗa a halasi sini Alaw par, e tiki aftiɗi gawɗi, e simni woni haa sini hiliɗi n’edi aŋ bege war Babilon. Pinzibani Manase na midini galni afti n’anini duɓani yem-ra Öfrata par.

²³Galni pinzibani Manase e hilisi e simni midini afti n’a fakasi a Basan war gal n’amai sek haa a Bal-Hermon, Senir haa siɗi huwuŋ Hermon war gal n’azumai sek ta. Vokɗi a nafu abai gara.

²⁴Yikiɗi tamai dalam a na maini nɵa: Efer, Yisei, Eliyel, Aziriyel, Yirmeya, Hodaviya gaini Yadiyel lai, nagai e ɗi gaŋgalaŋai na yikiɗi a wa gara.

²⁵Pinzibani Ruben, Gad gaini gal na wiini pinzibani Manase lai e zi meefeŋ sini Alaw na wiiɗi tamaiɗi, e hiniŋ edi, e hûrgi azumai wuzaɗi alawai na wiiɗi ɗai n’e ɗika midini afti, n’Alaw a tûriɗi edi wuzaɗi.

²⁶nɵa Alaw na wiiɗi Izrayel a fikiɗi paakai na Asiriya, Pul gaini Tilgat Pilnezer amai siɗi; e kiɗi edi aŋ bege war Hala, war Habor, war Hara ɵimani ra Gozom haa girna.

²⁷Levi a wa Gerson, Kehat gaini Merari.

²⁸Kehat a wa Amran, Isar, Hebron gaini Uziyel.

²⁹Aram a wa ali sulu: Aaron gaini Musus, na munu ktai lai yikiɗi: Miriyam. Aaron a wa Nadab, Abihu, Eliyazar gaini Itamar lai.

³⁰Elazar a wa Pinhas, Pinhas a wa Abisuwa.

³¹Abisuwa a epini Buki, Buki a wa Uzzi;

³²Uzzi a wa Zeraia, Zeraia a wa Meraiot,

³³Meraiot a wa Amariya, Amariya a wa Ahituɓ,

³⁴Ahitub a wa Sadok, Sadok a wa Ahimas,

³⁵Ahimas a wa Azariya, Azariya a wa Yoha n’aŋ.

³⁶Yoha n’aŋ a wa Azariya, Azariya hanɗa a ni n’a naka aŋ pai zi ɓaka war tempel na Salmun a rgaŋ war Yeruzalem ɗa.

³⁷Azariya a wa Amariya, Amariya a wa Ahitub.

³⁸Ahitub a wa Sadok, Sadok a wa Sallum.

³⁹Sallum a wa Hilkiya, Hilkiya a wa epini Azariya.

⁴⁰Azariya a wa Seraya, Seraya a wa Yehosadak.

⁴¹Nebukadnezar a ka Yehosadak edi aŋ bege midini afti zamai, Won hlai n’EPIƊ-ƊAI a ɵiriɗi edi aŋ bagakai midini afti zamai.