Read Mousgoum Labar na war yivai n’ag'aŋ sulu 11 Bible Online

Labar na war yivai n’ag'aŋ sulu 11 - Mousgoum bible

Labar na war yivai n’ag'aŋ sulu 11

¹Won hlai na Robowam a cosi aha war Yeruzalem, a tipiɗi pinzibani Yuda gaini pinzibani Benyamin, e zi paŋ ɗai zi hatam dubu-miya- gaini doogo-doogo-mitwis, kapai e hili e hitimi gaiɗi aliɗi Izrayel na war gal n’azumai sek, e wiyiɗisi amlai pini pai Robowam.

²Amma EPIƊ-ƊAI a miɗini wiini Semaya ɗif na mini Alaw maini nɵa:

³miɗini wiini Robowam n’ahini Salmun, pai na Yuda, gaiɗi aliɗi Izrayel na war pinzibani Yuda gaini Benyamin paŋ ɓa:

⁴EPIƊ-ƊAI a na muɗa maini nɵa: hili ki hitimiɗi tawalakaiki kai, asiya ɗi paŋ a waya aha, buri seŋ hanɗa mu zaŋ muta. E yimi seŋni na wiini EPIƊ-ƊAI ɗa, e hini hatam na gaini Yerobowam ɗa mak.

⁵Robowam a sumna aha war Yeruzalem, a rga fuŋ n’abakai viya na gaini ɵaga sini war Yuda;

⁶a rgiti: Betlehem, Etam, Tekuwa,

⁷Bet-Sur, Soko, Adullam,

⁸Gat, Maresa, Zif,

⁹Adorayim, Lakis, Azeka,

¹⁰Soreya, Ayalon gaiɗi Hebron lai, fuŋ n’abakai n’a na midini afti na Yuda gaini na Benyamin.

¹¹A zizina ɵaga na sini amai gaini futini a suwa pra, a mula ɗai n’abakai zi ɵi wûse midini, a zizina hlai n’e mili wazagai zi simi, emel gaini vin lai woni.

¹²Gamar n’abakai gaini kawakai lai a nafu aha war fuŋ n’abakai hanɗa, a bunda fuŋ n’abakai hanɗa spak gara, haa afti na Yuda gaini na Benyamin paŋ a hina pini ɵa.

¹³Paakai zi ɓaka gaiɗi Levitkai n’e ɗa midini afti na wiiɗi Izrayel na war gal n’azumai par paŋ, e hilisi e tipi gaini Robowam.

¹⁴Levitekai e hinisi aftiɗi gaini wazagaiɗi paŋ edi, e wiyisi aha midini afti na Yuda, war Yeruzalem, buri ɓa Yerobowam gaiɗi alini e ɗiliɗi sini sdaɗi zi paakai zi ɓaka na wiini EPIƊ-ƊAI ɗe ɗal.

¹⁵Yerobowam, a vara ɗai aŋ paakai zi ɓaka na wiini ni, n’e zi sda war hlai zi ɓaka wuzani alawai n’a zizinaŋ n’a sɗa maini bangarakai z'ayir gaini alini garakai nɵa.

¹⁶Ɗai zamai na war pinzibaɗi Izrayel na war gal n’azumai par, n’e rgi warɗi buri e piyi Epiɗ-ɗai Alaw na wiiɗi Izrayel ɗa e hilisi piɗi Levitekai aha war Yeruzalem aŋ zini ɓaka wiini Epiɗ-ɗai Alaw na wiiɗi tamaiɗi.

¹⁷E si gdaŋ wiiɗi pai na Yuda, e zini pini Robowam n’ahini Salmun lai haa buza hu, buri a paya maini na David gaini Salmun e piyi nɵa haa buza hu.

¹⁸Robowam a tikiti Mahalat n’ahini Yerimot n’ahini David gaiɗi Abigayil n’ahini Eliyaɓ n’ahini Isai aŋ munini.

¹⁹Te wiini ali na maɵagai hu: Yehus, Samariya gaini Zeham.

²⁰Asakal par a tikiti Maaka n’ahini Absalom, te wiini ali puɗu: Abiya, Atai, Ziza gaini Selomit lai.

²¹Robowam a diriti Maaka n’ahini Absalom a sûwiɗi falakaini n’aha paŋ gaiɗi n’e ɗa sa sa paŋ; buri ɓa falakai n’aha e ɗifu paŋ -pi-mitwis, n’edi sa sa doogo-doogo-ɵaara lai, a wa alini na maɵagai caɓa-pi-mitwis, na falakai doogo doogo- ɵaara lai.

²²Robowam a tika Abiya n’ahiɗi Maaka aŋ abai arbaɗi tawalakaini, buri a firiya ɓa a suma pai war balamni.

²³Robowam a za yel siɗi alini na zamai ɗa, a ɵiriɗi edi war fuŋ n’abakai zi ɵaga na war Yuda gaini Benyamin ɵar ɵar. A siɗi wazagai zi simi, a miliɗi falakai viya lai