Read Mousgoum Labar na war yivai n’ag'aŋ sulu 16 Bible Online

Labar na war yivai n’ag'aŋ sulu 16 - Mousgoum bible

Labar na war yivai n’ag'aŋ sulu 16

¹War buza n’ag'aŋ hu pi ɵaara, n’Asa aŋ warɗi pai, Basa pai na Izrayel a hala aŋ hitima gaiɗi Izrayel, a rga ɵaga amai siɗi Rama kapai Asa pai na Yuda gaiɗi ɗaini e vigisi woni ɗaw kai.

²Asa a mulasi or gaini arzaŋ amlai war godai na wiini Dalamni EPIƊ-ƊAI par, war dalam na wiini pai par lai, a ɵiniŋni a Damas wiini Ben-Hadad pai na Siriya, a miɗini:

³Bonu a na arba ta gaiku tuku maini n’a naka arbani apa gaini apuku tuku nɵa, tala mu na ɵenukuɗi arzaŋ gaini or, hala ku ɗukla bonu n’arbaku gaini Basa pai na Izrayel ɗe daf, kapai a halasi a hitimaŋa kir kai.

⁴Ben-Hadad a yima seŋni pai Asa, a ɵiniɗi abakaiɗi askaraini midini fuŋ n’abakai na war Izrayel e rɗi amai midiɗi: Iyyon, Dan, Abel-Mayim gaini hlai n’e giɗimi wazagai zi simi woni na war fuŋ n’abakai na war Neftali paŋ lai.

⁵Won hlai na Basa a ɵina seŋ hanɗa, a ɗiya sdani rgiɗi ɵagai na siɗi Rama.

⁶Nɵa pai Asa a miliɗi ɗai na Yuda paŋ pini, e hili e milisi ali-fuŋ gaini luwuŋ na Basa a rgiti ɵagai na Rama gaini, Asa a rga ɵaga siɗi Geba gaiɗi Mispa gaini.

⁷War mefeŋni ɗa, ɗif na mini Alaw Hanani a halasi sini Asa pai na Yuda a miɗini: tuku ku pɵa midini pai na Siriya, ku pɵa midini Epiɗ-ɗai Alaw na wiiku kai, buri nɵa aga ku ŋa midiɗi askarai na wiini pai na Siriya kir kai;

⁸Ɗai n’Etiyopiya gaiɗi na Libi e ɗika e ɗi vokɗi askarai n’abai gaini saret zi gaw gaiɗi ɗai zi dibiri plasai viya lai kai ɗi? Gaini hanɗa paŋ ɗa buri ɓa ku pɵa midini EPIƊ-ƊAI ɗa a siɗi war tuku lai kai ɗi.

⁹Buri ɓa EPIƊ-ƊAI a n’a ɵa arni midiɗi duniya paŋ aŋ sa gdaŋ wiiɗi nagai n’e tiki hiiniɗi midini gaiɗi agulɗi paŋ. War hanɗa tuku ku za suku maini ɗif na tatala nɵa, nɵa wuzamu sek ɗa, gaw aga a halasi muduku.

¹⁰Asa a faka gaini hiy sini ɗif na mini Alaw ɗa, a ɵaŋ warni daŋgai buri miɗi hanɗa a fiɗini sini. Asa a siɗi gir wiiɗi ɗai zamai arbaɗi war mefeŋ ni ɗa.

¹¹Labar na midini Asa, war pini zi tiki par haa sini dibini aŋ gaini ɗû war maktuɓ na wiiɗi paakai na Yuda gaini na Izrayel.

¹²Asa a kɵa veglek war buza na hu pi ɵene n’aŋ warɗi pai, veglek na meefeŋ a yimaŋ sini ezini; war veglekni tekeɗeɗi a paya zinai na tini EPIƊ-ƊAI kai, amma a hala piɗi ɗai zi zûûli.

¹³Asa a mra war buza n’ag'aŋ puɗu pi ktai n’aŋ warɗi pai, a hala gaiɗi tamaini.

¹⁴E piŋ war waŋ na ni dama a ɓulaŋ war fuŋ n’abai na wiini David. E ziziniŋ midini wala zi feŋ arbani wasagi zi ɗûgûdi zi lûgûzi, gaini wazagai zi lûgûzi zamai zamai n’e ziziniŋ burini kopoŋ, e yi wazagai hanɗa viya aŋ sini hormo.