Read Mousgoum Labar na war yivai n’ag'aŋ sulu 27 Bible Online

Labar na war yivai n’ag'aŋ sulu 27 - Mousgoum bible

Labar na war yivai n’ag'aŋ sulu 27

¹Yotam a suma pai sek ɗa buzani caaɓa pi ɵim, a ŋa aha war Yeruzalem par haa buza pi ɵaara, emini yikiɗi ɓa: Yerusa, t'ahini Sadok.

²A za wazagai na pɗamai arni EPIƊ-ƊAI kal kal maini Oziyas n’epini ɵa, amma ni a niya amlai warni tempel EPIƊ-ƊAI kai, gaini hanɗa paŋ ɗai e hini war payaiɗi na meefeŋ ɵa.

³A zizina tapra na mini magala na wiini Dalam na wiini EPIƊ-ƊAI n’amai tar ɗa a ni. A rga dalam zamai viya sini ɵaga na siɗi Ofel.

⁴A rga fuŋ n’abakai midini huwuŋ na Yuda, ɵaga gaini poriyo edi arbani jur lai.

⁵A ni n’a hala a hitima gaini paiɗi Ammonitkai a rɗa amai midiɗi lai, war buza ni ɗa e sini arzaŋ kilo dubu hu, algama kilo miliyon hu, gaini orge kilo miliyon hu lai, hanɗa a wazagai na Ammonitkai e siŋni. War buza n’ag'aŋ sulu e siŋni ɵa, n’ag'aŋ hu ɵa pra.

⁶Yotam a nava spak hanɗa buri payaini na pɗem arni Epiɗ-ɗai Alaw na wiini.

⁷Labar na midini sdani Yotam, hatam n’a hitimaŋ paŋ, sdani n’a zaŋ ɗe paŋ aŋ gaini ɗû war maktuɓ na wiiɗi paakai na wiiɗi Izrayel gaiɗi na Yuda.

⁸A suma pai sek buzani caaɓa pi ɵim, a ŋa aha war Yeruzalem par haa buza pi ɵaara.

⁹Won hlai na Yotam a mra ɗa, e piŋ gaiɗi tamaini war fuŋ n’abai na wiini David. Akaz n’ahini a suma pai war balamni.