Read Mousgoum Labar na war yivai n’ag'aŋ sulu 31 Bible Online

Labar na war yivai n’ag'aŋ sulu 31 - Mousgoum bible

Labar na war yivai n’ag'aŋ sulu 31

¹Won hlai na fet te vada li, aliɗi Izrayel n’e ɗifu woni paŋ e hili war fuŋ n’abakai na war Yuda aŋ hiɗi ali-fuŋ n’e ɗiyiŋ amai zaw zaw aŋ alawai edi, aŋ bili luwuŋ z'alaw azumai, aŋ tûwiri hlai zi ɓaka gaini gûwiŋ zi yi ɓaka edi haa wazagai hanɗa ktai maa a hina midini afti na Yuda kai, na Benyamin kai, na Efrayim gaini na Manase kaalai, asakal aliɗi Izrayel e wiyi aha war fuŋɗi n’abakai ɗif paŋ ahani ahani.

²Ezekiyas a mula vokɗi paakai zi ɓaka gaiɗi levitekai ca ca, a siŋkini wiini asiya ɗi paŋ sda n’aga azaŋ vokni vokni, paakai zi ɓaka gaiɗi levitekai ɗa e zi ɓaka zi yi, ɓaka zi ɵeɗ, e zi ɵeŋni EPIƊ-ƊAI, e zi zini tese, e si kol sini EPIƊ-ƊAI lai mini magala na wiini kaŋ na wiini EPIƊ-ƊAI.

³Pai war gdaŋni par a sa wazagai na wiini ɓaka zi yi gorof par gaini na koskoi na wiini Sabbat, na wiini merfeŋni tile gaini na wiini fet zamai zamai lai, maini n’aŋ gaini ɗû war ɗû na wiini EPIƊ-ƊAI nɵa.

⁴A miɗiɗi wiiɗi ɗai na Yeruzalem buri e si gal n’a sa siɗi paakai zi ɓaka gaiɗi levitekai, nɵa aga e ɗiyi gdaŋ midini ɗû na wiini EPIƊ-ƊAI.

⁵Asakal na seŋ hanɗa a muɗa li edi, aliɗi Izrayel e kisi merfeŋni seyem viya: na wiini algama, na wiini vin, na wiini emel, na wiini emelni ami gaini seyem na war vuwai, e kisi ni wazagai paŋ viya lai.

⁶Ɗai na Izrayel gaiɗi na Yuda n’e ɗa war fuŋ n’abakai na Yuda ɗa, nagai lai e kisi ni ɵaakaiɗi gaini na wiini haakaiɗi gaini adumaiɗi lai, e kisi na wiini like n’a sa sini EPIƊ-ƊAI Alaw na wiiɗi, e piŋ midini marni tiɓ tiɓ.

⁷Sini tile n’ag'aŋ hu par ɗai e tiki piɗi e tipiŋ amai midini marni haa e vidi gaini war tile n’ag'aŋ muguzak.

⁸Won hlai na Ezekiyas gaiɗi ŋarakaini e hilisi e tili farani wazagai na gaini pi tiɓ tiɓ ɗa e sini kol wiini EPIƊ-ƊAI, wiiɗi aliɗi Izrayel ɗe lai.

⁹Ezekiyas a zilbiɗi paakai zi ɓaka gaiɗi levitekai midini farani wazagai na gaini pi tiɓ tiɓ hanɗa,

¹⁰Azariyahu pai zi ɓaka n’abai na war pinzibani Sadok a wiyini seŋ a miɗini: hlai na ɗai e tiki piɗi aŋ kisi wazagai n’e yimiŋsi edi burini EPIƊ-ƊAI amlai war Dalam na wiini EPIƊ-ƊAI ɗa, mi simi haa mi vi, n’a hina piyi a suwa viya kadai, buri EPIƊ-ƊAI a ɓaka ɗaini ta, na ku talaŋ gaini pi tiɓ tiɓ na ɗa a n’a hina ɗa.

¹¹Ezekiyas a sa futi buri e rgi magazeŋ aha war Dalam na wiini EPIƊ-ƊAI, e zi hanɗa lai.

¹²Ɗai e kisi wazagai n’e yimiŋsi edi gaini futini burini EPIƊ-ƊAI war magazeŋ hanɗa, e kisi ni wazagaiɗi gaini like zamai zamai lai. Ɗif n’a giɗima wazagai hanɗa a levite na yikini ɓa: Konaniyahu, n’aga wulani a Simey na tawalni lai.

¹³Yehiyel, Azaziyahu, Nahat, Asayel, Yerimot, Yozabad, Eliyel, Yismakiyahu, Mahat gaini Benaniyahu e ɗifu e ɗi ɗai n’e tiki hangalɗi sini wazagai, a ŋa midiɗi ɗa a Konaniyahu gaini Simey na tawalni, pini miɗi na wiini pai Ezekiyas gaini Azariyahu ɗif n’a giɗima wazagai na war Dalamni Alaw.

¹⁴Levit na yikini ɓa Kore n’ahini Yimna n’a giɗima mini magala na piɗi futi na dawai par, a ni n’a yima like n’a sa sini EPIƊ-ƊAI ɗa, a ɓurwa wazagai n’e yimiŋsi edi burini EPIƊ-ƊAI wiiɗi paakai zi ɓaka gaini wazagai na sɗik gara lai.

¹⁵Ɗai na pini: Eden, Minyamin, Yesuwa, Semaiahu, Amariyahu gaini Sekaniyahu e ɓûrwi wazagai war jre wiiɗi levitekai na marɗi na war fuŋ n’abakai na wiiɗi levitekai pini vokɗi vokɗi, e zi ɓraw arbani ɗif n’abai gaini arwagwi kai.

¹⁶E ɓirwiŋɗi wiiɗi nagai na yikiɗi aŋ gaini, na buzani hu ta amai sek ɗa kiiɗi kai, amma e si siɗi nagai paŋ n’e hilisi amlai war Dalam na wiini EPIƊ-ƊAI mefeŋ mefeŋ paŋ pini sda n’a sa li war tiɗi war vok na wiiɗi

¹⁷Yikiɗi paakai zi ɓaka a ɗo pin pinziba, na wiiɗi levitekai ɗa a ɗo pini buza, sini buza na caaɓa ta amai sek pini sdaɗi n’e ziŋ gaini vokɗi lai.

¹⁸Yiki zi ɗû hanɗa a pɗem buri ɗai n’aha paŋ: falakai, gawlakai gaiɗi ɓulamai, pɗem buri ɗai na paŋ lai, na ɓa e zi siɗi li edi sɗik ta aŋ simi simi hanɗa,

¹⁹a pɗem buriɗi paakai zi ɓaka lai n’alini Aaron n’e ɗa midini n’edi par ɵimani fuŋɗi n’abakai lai, e mili ɗai zamai ca e ɓûrwi wazagai wiiɗi paakai zi ɓaka paŋ, wiiɗi levitekai na yikiɗi aŋ gaini ɗûpaŋ lai.

²⁰Ezekiyas a sda maini n’a na ɵa war Yuda paŋ, a za sda na pɗem na ɗikat, na jre lai wuzani arni Epiɗ-ɗai Alaw.

²¹War sda n’a yimaŋ li aŋ zi burini Dalamni Alaw, burini ɗû gaini gadai ɗe lai ɗa a zaŋ ɗa war hunai na pini Alaw gaiɗi agulni paŋ lai, sda hanɗa a za lai.