Read Mousgoum Ezdras 10 Bible Online

Ezdras 10 - Mousgoum bible

Ezdras 10

¹Won hlai na Ezdras a na siiwa, a hama tuwur hanɗa lai war tuwi gaini hûrgi n’azumai wuzani dalamni Alaw, vok n’abai na wiiɗi aliɗi Izrayel, maɵagai, falakai, gaiɗi aliyagoi a tapasi sini, ɗai e tûwi viya gara.

²Nɵa Sekaniya, ahini Yehiel, ktai arbaɗi alini Elam a miɗini wiini Ezdras: Tiyi mi zi tuwur sini Alaw na wiyi, won hlai na mi miliɗi aliɗi ɗai na kadai na midini afti hanɗa aŋ falakaiyi. Amma pin seŋ hanɗa, bayai na pin ɵeɗ a na buriɗi Izrayel ɗaai.

³Zumu bonu tiyana gaini Alaw na wiimu, pin gadai na wiini Epin-gezamu gaiɗi nagai n’e hiini gadai na wiini Alaw na wiimu, aŋ birgiɗi falakai gaiɗi aliɗi paŋ, maini na gadaini Alaw a muɗaŋ ɗa nɵa.

⁴Faka amai, buri ɓa sda paŋ aŋ muduku, tiyi mi ɗa gaiku, ɗiya gdaŋ, fuɗa was.

⁵Ezdras a faka amai, a miɗiɗi wiiɗi paakai zi ɓaka na levitekai gaiɗi ɗai na Izrayel paŋ buri e hi wala miɗi aŋ zi maini na Sekaniya a muɗaŋ ɗa nɵa. Nagai e hi wala miɗi.

⁶Ezdras a fakasi amai war hlai n’a na woni par, wuzani dalamni Alaw, a hala siɗi dilimini na wiini Yohanan ahini Eliyasib, won hlai n’a ga woni, a suma wala kai, a ca yem kaalai, buri a na war kwimi buri ɗikat-kai na wiiɗi nagai n’kiɗisi edi war bege par.

⁷E si miɗi aha war Yuda gaiɗi Yeruzalem siɗi nagai paŋ n’e wiyisi edi war bege par buri e tipisi aha war Yeruzalem.

⁸Asiya ɗi paŋ n’aŋ war vok na wiiɗi nagai n’e wiyisi edi war bege par, n’a halasi pin miɗi na wiiɗ n’abakai hanɗa kai, a suwa mefeŋ hu li, wazagaini paŋ a ɗala, ni gaini midini dama a birga edi arbaɗi vokɗi par lai.

⁹Nɵa ɗai na Yuda gaiɗi na Benyamin e tipi aha Yeruzalem war mefeŋ na hu hanɗa. Hanɗa war mefeŋ n’ag'aŋ caaɓa, na wiini tile n’ag'aŋ ɵeeŋe. Ɗai paŋ e diŋgisi min hlai na wiini dalamni Alaw, e ziriyi burini wala n’a na za ɗa, gaini faŋ n’a na ɵa ɗa lai.

¹⁰Ezdras, pai zi ɓaka a faka amai a midiɗi: Tiki ki zi wala na meefeŋ arni Alaw buri ki tikiɗi falakai na morkokoi, gaini hanɗa, tiki ki bindiɗi aliɗi Izrayel maafanai a suwa pɗemni.

¹¹Himi tuwurki edi tiyana wuzani EPIƊ-ƊAI, Alaw na wiiɗi tamaiki, zi dirini, ki diŋgi gaiɗi ɗai na morkokoi n’e ɗi arbaki kai, bidiɗi falakai n’edi par lai.

¹²Ɗai paŋ e wiyini seŋ ɓa miɗini a futini, tiyi aga mi zi maini na ku muɗaŋ ɗa ɵa.

¹³Amma tiyana ɗa, tiyi mi ɗa viya, hlai ɗa apiya, ɗif a kiɗa aŋ sumna anene haa kai, pra hanɗa a wala n’aga a vada war yivai ktai zaw mefeŋ sulu kai, buri ɗai viya e ɗa war seŋ hanɗa.

¹⁴A pɗem ɓa n’abakai na wiyi e hini warni diŋgi ɗa; nagai n’arbaɗi n’e miliɗi falakai n’edi par paŋ aga e hilisi war sarti na tiki aga ki diyiŋɗi. Nagai aga e hilisi gaiɗi ɗai n’abakai na war fuŋ gaiɗi zi kiti seŋ na war fuŋɗi paŋ. Haa dai dai na hiy n’abai na wiini EPIƊ-ƊAI a tika azumai.

¹⁵Yonatan n’ahini Asayel gaini Yaziya n’ahini Tikva, gaini zinai na wiini Mesulam gaini Sabtai na levite, nagai kiiɗi e ɗiyi sin miɗi hanɗa kai.

¹⁶Amma n’abakai n’e hilisi edi war bege par e yimi seŋ hanɗa. Ezdras, pai zi ɓaka a vara ɗai war pinziba paŋ gaini yikiɗi yikiɗi. Ɗai hanɗa e tiki piɗi war sda tar, war mefeŋ n’avut na wiini tile n’ag'aŋ doogo, buri e vidi seŋ hanɗa

¹⁷War mefeŋ n’avut na wiini tile n’avut na wiini buza na zamai, e vidi gaiɗi ɗai n’e miliɗi falakai n’edi par paŋ.

¹⁸Arbaɗi aliɗi paakai zi ɓaka n’e miliɗi falakai n’edi par, alini Yekuwa gaiɗi tawalakaini, alini Yosadak, Maseya, Eliezer, Yarib gaini Gedaliya.

¹⁹Nagai e zi nkam ɓ'aga e bidiɗi falakaiɗi, e si adime ktai aŋ ɓaka burini tuwurɗi lai.

²⁰Arbaɗi alini Imer, a Hanani gaini Zebadiya;

²¹Arbaɗi alini Harim, a Maseya, Eliya, Semaya, Yehiel gaini Ouziya.

²²Arbaɗi alini Pasehur, a Eliohenai, Maseya, Ismayel, Netaneyel, Yozabad gaini Elasa.

²³Arbaɗi levitekai a Yozabad, Simey, Kelaya n’e yikiŋ zamai ɓa Kelita, Petahia, Yehuda gaini Eliezer.

²⁴Arbaɗi nagai n’e zi yama, a Eliyasib Arbaɗi nagai n’e giɗimi min hlai ɗa a Salum, Telem gaini Uri.

²⁵Arbaɗi aliɗi Izrayel n’a sda tiɗi kai, arbaɗi alini Parok a Ramiya, Iziya, Malkiya, Miyamin, Elazar, Malkiya gaini Benaya,

²⁶arbaɗi alini Elam a Mataniya, Zakariya, Yehiel, Abdi, Yeremot gaini Eliya,

²⁷arbaɗi alini Zatu a Eliohenai, Eliyasib, Mataniya, Yeremot, Zabad gaini Aziza,

²⁸arbaɗi alini Bebai, a Yohanan, Hananiya, Zabai gaini Atlai,

²⁹arbaɗi alini Bani: Mesulam, Maluk, Adaya, Yakub, Seyal gaini Yeramot,

³⁰arbaɗi alini Pahat-Mowab, a Adna, Kelal, Benaya, Masenaya, Matanya, Betsalel, Binuwi gaini Manase,

³¹arbaɗi alini Harim a Eliezer, Isiya, Malkiya, Semaya, Simeyon,

³²Benyamin, Maluk gaini Samariya;

³³arbaɗi alini Hakum a Matenai, Matata, Zabad, Elifelet, Yeremai, Manase gaini Simey,

³⁴arbaɗi alini Bani a Madai, Amram, Uel,

³⁵Benaya, Bediya, Keluhi,

³⁶Vaniya, Meremot, Eliyasib

³⁷Mataniya, Matenai, Yasai,

³⁸Bani, Binuwi, Simey,

³⁹Selemiya, Natan, Adaya,

⁴⁰Maknadebai, Sasai, Sarai,

⁴¹Azareyel, Selemiya, Samariya,

⁴²Salum, Amariya gaini Yosef,

⁴³arbaɗi alini Nebo a Yeiel, Matitiya, Zabad, Zebina, Yadai, Yuwel gaini Benaya lai.

⁴⁴Ɗai hanɗa paŋ e ɗi na e tikiɗi falakai n’edi par, arbaɗi falakaiɗi zamai viya e wi ali lai.