Read Mousgoum Nahamiyas 10 Bible Online

Nahamiyas 10 - Mousgoum bible

Nahamiyas 10

¹Pini hanɗa tiyi mi ɗiyi seŋ ktai gdaŋ, mi ɗûhiŋ azumai ɗo; yikiɗi ɗai n’abakai zi ɵi wuze, levitekai gaiɗi paakai zi ɓaka lai pini maktuɓ zi tampon hanɗa.

²Hanɗa a yikiɗi ɗai na war maktuɓ na tampon a tika pini ɗa: Nahamiyas Lawan n’ahini Hakaliya gaini Sidikiya,

³Seraya, Azariya, Irmeya,

⁴Pashur, Amariya, Malkiya,

⁵Hatus, Sebaniya, Maluk,

⁶Harim, Meromot, Obadiya,

⁷Daniyel, Ginneton, Baruk,

⁸Mesulam, Abiya, Miyamin,

⁹Maaziya, Bilgai gaini Semaya lai, hanɗa e ɗi paakai zi ɓaka.

¹⁰Yikiɗi levitekai: Yosva n’ahini Azaniya, Binuwi war pinzibani Henadad par, Kadmiyel,

¹¹gaiɗi tawalakaiɗi: Sebaniya, Hodiya, Kelita, Pelaia, Hanan,

¹²Mika, Rehob, Hasabiya,

¹³Zakkur, Kerebiya, Sabaniya,

¹⁴Hodiya, Bani, Beninu.

¹⁵Yikiɗi ɗai n’abakai a na maini nɵa: Pareyos, Pahat-Muwab, Elam, Zattu, Bani,

¹⁶Bunni, Azgad, Bebai,

¹⁷Adoniya, Bigbai, Adin,

¹⁸Ater, Hizkiya, Azur,

¹⁹Hodiya, Hasum, Betsai,

²⁰Harif, Anatot, Nebai,

²¹Magpiyas, Mesulam, Hezir,

²²Mesezabeyel, Sadok, Yaduwa,

²³Pelatiya, Hanan, Anaia,

²⁴Osiyas, Hananiya, Hasub,

²⁵Halohes, Pila, Sobek,

²⁶Rehum, Hasabna, Maseya

²⁷Ahiya, Hanan, Anan,

²⁸Maluk, Harim gaini Baana.

²⁹Piɗi ɗai n’a hina: Paakai zi ɓaka, levitekai, ɗai zi giɗimi mini magala, ɗai zi zini yama, ɗai n’e zi sda n’agogoi amlai warni tempel gaiɗi nagai paŋ n’e diri e diŋgi gaiɗi ɗai na midini afti zamai par kai buri e diri e zi pini ɗû na wiini Alaw, falakaiɗi, aliɗi na maɵagai gaiɗi na falakai n’e zi ya dai ɗai aŋ ɵini wala,

³⁰E diŋgi gaiɗi ɗai n’abakai hanɗa, zamai e zi ha, zamai e hi wala miɗi lai ɓa aga e piyi pini ɗû na wiini Alaw, n’a siŋɗi war tini Musus ɵeŋ na wiini Alaw, kapai e yimi e zi pini gadai zi ɗû na wiini Epiɗ-ɗai Alaw na wiyi, pini gadaini gaini gadaini zi ɗû lai.

³¹Nɵa ɗa, aga mi siɗi aliyi na falakai wiiɗi nagai n’e hini ka aha kai, aga mi miliɗi aliɗi na falakai wiiɗi aliyi na maɵagai ɗe kaalai.

³²Na ɗai n’e hini ka aha e kisi li wazagai zi sakala, zaw algama war Sabbat zaw war mefeŋ zi fet aga mi wûriŋ kai, buza n’ag'aŋ muguzak paŋ, mi hini vuwaiyi a buza edi kadai, pra aga tumuŋ n’aŋ midiyi paŋ mi fiɗiŋ edi lai.

³³Tiyi mi ɗiyi gadai ɓa buza buza paŋ, mi virgi gal n’ag'aŋ hu na wiini sikel buri sda na war dalamni Alaw na wiyi.

³⁴Burini peŋ n’a sa sini Alaw buri ɓaka na fel warni kai n’a na za mefeŋ paŋ buri ɓaka zi yi na kûreɗ-kûreɗ, burini Sabbat, burini merfeŋni tile, burini mefeŋ zi fet, burini wazagai na wiini Alaw, buri ɓaka zi mi tuwur na wiiɗi aliɗi Izrayel edi, gaini sdakai zamai zamai n’a na amlai warni dalamni alaw na wiyi.

³⁵Tiyi paakai zi ɓaka, levitekai gaiɗi ɗai paŋ, mi kiti milini luwuŋ na war dalamni Alaw na wiyi pini wala zi vili midini pakatai pakatai paŋ war sartini ɓaka ta ta kapai e yi ɓaka gaini war hlai zi ɓaka na wiini Epiɗ-ɗai Alaw na wiyi n’aŋ gaini ɗû war ɗû nɵa.

³⁶Pra buza paŋ, mi kisi merfeŋni seyem na wiini aftiyi gaini alini luwoŋaiyi n’a naiya avut amlai war dalam na wiini EPIƊ-ƊAI.

³⁷Aga mi kiɗisi aliyi na maɵagai gaiɗi alini faraiyi n’a wa avut maini aŋ gaini ɗû war ɗû nɵa. Aga mi kisi alini ɵaakai n’a wa avut gaini alini adumaiyi, gaini haakaiyi lai, amlai war dalam na wiini Alaw na wiyi, wiiɗi paakai zi ɓaka n’e ɗa e zi sda amlai war tempel.

³⁸Tiyi aga mi kiɗisi avudi na suwa paŋ wazagai na mi yimiŋsi edi war alini luwuŋ par, war vin na hehe par gaini emel lai. Aga mi kiŋ siɗi paakai zi ɓaka amlai war dalamai n’agogoi n’amlai war Dalam ni Alaw na wiyi, aga mi kisi ni seyemyi wiiɗi levitekai. Levitkai aga e hili midini, e miliŋsi war fuŋ n’abakai paŋ na mi ɗa zi sda woni.

³⁹Pai zi ɓaka ktai na war pinziba ni Aaron aga a hala gaiɗi levitekai won hlai n’aga e hili midini ni wazagai, levitekai aga e yimi ni wazagai n’e tipiŋsi edi, e kiŋ war dalamni Alaw na wiyi, e miliŋ amlai warni dalamai n’agogoi na wiiɗi dilimi zi godai.

⁴⁰Buri aliɗi Izrayel gaiɗi alini Levi aga e kisi wazagai n’e yimiŋsi edi warni algama par, warni vin na hehe par gaini emel lai amlai war dalamai n’agogoi hanɗa. Wazagai n’e zi sda war hlai na sɗik gaini, paakai zi ɓaka n’e ɗa war sda gaiɗi ɗai zi giɗimi mini magala, gaiɗi ɗai zi zini yama lai e ɗa amlai war hlai hanɗa. Nɵa tiyi, aga mi hini Dalam na wiini Alaw na wiyi edi kir kai.