Read Mousgoum Nahamiyas 11 Bible Online

Nahamiyas 11 - Mousgoum bible

Nahamiyas 11

¹N'abakai n’e ɵi wuze e simni a ha war Yeruzalem. Ɗai n’e hini paŋ e mili ɗai, e tiki ktai arbaɗi pini wala zi vili aŋ sumna aha warɗi Yeruzalem, fuŋ n’abai na sɗik. Na ɵeeŋe n’e hini e simni war fuŋ n’abakai zamai n’e diriŋ.

²Ɗai e siɗi tese wiiɗi ɗai n’e si siɗi pini diriɗi aŋ simni aha war Yeruzalem.

³Hanɗa e ɗi ɗai n’abakai zi ɵi wuze na midini afti na Yuda n’e simni aha war aha Yeruzalem. Aliɗi Izrayel na zamai paŋ, paakai zi ɓaka, levitekai, ɗai n’e zi sda n’agogoi war tempel gaini pinzibani Salmun n’e simni war fuŋ n’abakai zamai na war Yuda, ɗif paŋ war fuŋni n’abai fuŋ n’abai, ɗif paŋ midini zöni tar tar.

⁴Pinzibani Yuda gaini pinzibani Benyamin zamai e simni e simni aha war Yeruzalem. War pinzibani Yuda e ɗi miɗi: Ahaia, ahini Uziya, ahini Zekariya, ahini Amariya, ahini Sefatiya, ahini Mahalaleyel war pinzibani Peres,

⁵gaini Maaseya ahini Baruk, ahini Kol-Hoze, ahini Hazaia, ahini Adaya, ahini Yoyarib, ahini Zekariya, ahini Ha-Siloni.

⁶Pinzibani Peres paŋ e simni aha war Yeruzalem e ɗa ɗai 468 e ɗi ɗai n’e siɗi hatam paŋ.

⁷Pinzibani Benyamin e ɗi miɗi: Salu n’ahini Mesulam, ahini Yowed, ahini Pedaya, ahini Kolaia, ahini Maaseya, ahini Itiyel, ahini Yesaia,

⁸gaini Gabbai Sallai lai, nagai paŋ ɗai 928.

⁹Yuwel ahini Zikri abaini vok hanɗa. Yehuda ahini Ha-sema a ni n’aga wulani war fuŋ hanɗa.

¹⁰Paakai zi ɓaka e ɗi miɗi: Yedaya n’ahini Yoyarib, Yakin,

¹¹Seraya n’ahini Hilkiya, ahini Mesulam, ahini Sadok, ahini Meraiot, ahini Ahitub abai midini dalam na wiini Alaw,

¹²gaiɗi tawalakaiɗi zamai zamai n’e zi sda amlai war dalam na wiini Alaw lai, paŋ e ɗa 822. Zamai: Adaya n’ahini Yeroham, ahini Pelaliya, ahini Amsi, ahini Zekariya, ahini Pasehur, ahini Malkiya,

¹³gaiɗi tawalakaini na tamaini dalam paŋ ɗai 242; Amasai n’ahini Azareyel, ahini Azai, ahini Mesilemot, ahini Imer.

¹⁴Gaiɗi tawalakaiɗi ɗai n’e siɗi hatam paŋ 128 abaini vok hanɗa a Zabdiyel n’ahini Hagedolim.

¹⁵Levitkai e ɗi miɗ: Semaya n’ahini Hasub, ahini Azrikam, ahini Hasabiya, ahini Bunni,

¹⁶Gaini Sabtai gaini Yozabad n’abakai arbaɗi levitekai na sda na anene par sini tempel a sa tiɗi;

¹⁷gaini Mataniya n’ahini Mika, ahini Zabdi, ahini Azaf ɗif zi tiki yama zi zini tese war hlai zi siiwa gaini Bakbukiya a ni n’a zina pini gaini Abda ahini Samuwa, ahini Galal, ahini Yedutun.

¹⁸Levitkai paŋ e ɗa n’e ɗa aha war fuŋ na sɗik paŋ e ɗa 284.

¹⁹Ɗai zi giɗimi mini magala e ɗi miɗi: Akub, gaini Talmun gaiɗi tawalakaiɗi n’e giɗimi mini magala lai e ɗa paŋ ɗai 172.

²⁰Izrayelekai n’e hini paŋ gaiɗi paakai zi ɓaka gaiɗi levitekai lai war fuŋ n’abakai na war Yuda, ɗif paŋ war hlaini hlaini.

²¹Ɗai n’e zi sda n’agogoi warni tempel e simni war galni fuŋ na Yeruzalem n’e yikiŋ ɓa Ofel.

²²Abaiɗi Levitkai na war Yeruzalem a Uzi n’ahini Bani, ahini Hasabiya, ahini Mataniy, ahini Mika, war pinzibani Asaf, sdani yama zi zini na war tempel a sa tiɗi.

²³Ɗai n’e zini yama ɗa e zi pini gadai n’a halasi sini pai par, e zi pini wala n’a na gaini kiti ta ta buriɗi war yuvai lai.

²⁴Petahiya n’ahini Mesezabel war pinzibani Zera n’ahini Yuda ni arɗi ɗai na Izrayel aha war pakatai na wiini pai na Persus.

²⁵Ɗai zamai war pinzibani Yuda e simnisi edi par sa sa war Kiriyat-Arba, war fuŋ n’agogoi na ɵimani, war Dibon gaini fuŋ n’agogoi na ɵimani, war Yekabseyel gaini fuŋ n’agogoi na ɵimani.

²⁶War Yesuwa, war Malada, war Bet-Pelet,

²⁷war Hasar-Suwal, war Ber-Seba gaini fuŋ n’agogoi,

²⁸war Siklag, war Mekona gaini fuŋ n’agogoi na na ɵimani,

²⁹war Ein-Rimmon, war Soreya, war Yarmut,

³⁰war Zanuwa, war Adullam gaini fuŋ n’agogoi na ɵimani, war Lakis, war basga na ɵimani, war Azeka gaini basga na ɵimani. E simnisi a Berseba war gal n’amai par haa war huduk na hinon, haa war gal n’azumai sek.

³¹Pinzibani Benyamin e simni war Geba, war Mikmas, war Aya, war Betel gaini basga na ɵimani,

³²war Anatot, war Nob, war Ananiyas,

³³war Hatsor, war Rama, war Gitaiim,

³⁴war Hadid, war Seboyim, war Nebalat,

³⁵war Lod gaiɗi Ono, huduk na wiiɗi ɗai zi zi sda.

³⁶Arbaɗi levitekai par, zamai midini afti na Yuda par, e hili midini afti na wiini Benyamin.