Read Mousgoum Nahamiyas 12 Bible Online

Nahamiyas 12 - Mousgoum bible

Nahamiyas 12

¹Hanɗa e ɗi paakai zi ɓaka gaiɗi levitekai n’e wiyisi gaini Zorobabel ahini Satiyel gaini Yosva: Seraya, Yeremiyas, Ezdras

²Amariya, Maluk, Hatus,

³Sekaniya, Rehum, Meremot,

⁴Iddo, Ginetoi, Abiya,

⁵Miyamen, Madiya, Bilga,

⁶Semaya, Yoyarib, Yedaya,

⁷Sallu, Amok, Hilkiya gaini Yedaya lai. Hanɗa e ɗi abakaiɗi paakai zi ɓaka gaiɗi tawalakaiɗi war mefeŋ na wiini Yosva.

⁸Yikiɗi levitekai a na maini nɵa: Yosva, Binuwi, Kadmiyel, Kerebiya, Yehuda, Mataniya ni gaiɗi tawalakaini sdaɗi a tikini yama.

⁹Bakbukiya gaini Uni na tawalakaini e diyisi arɗi par sa, e yimiɗi miɗi aŋ tili sdaɗi tiɗi lai.

¹⁰Yosva a wa Yoyakim, Yoyakim a wa Eliyasib, Eliyasib a wa Yoyada,

¹¹Yoyada a wa Yonatan, Yonatan a wa Yaduwa.

¹²War mefeŋ na Yoyakim a naka aŋ pai zi ɓaka n’abai, hanɗa e ɗi paakai zi ɓaka na war Pinziba: war pinzibani Seraya ɗa a Meraia, war pinzibani Yirmaia ɗa a Hananiya,

¹³war pinzibani Ezdras ɗa a Mesulam, war pinzibani Amariya ɗa a Yohanɗan,

¹⁴war pinzibani Meluki ɗa a Yonata, war pinzibani Sebaniya ɗa a Yosef,

¹⁵war pinzibani Harim ɗa a Adna, war pinzibani Meraiot ɗa a Helkai,

¹⁶war pini Iddo ɗa a Sakariyas, war pinzibani Gineton ɗa a Mesulam,

¹⁷war pinzibani Abiya ɗa a Zikri, war pinzibani Miniyamen gaini Muwadiya ɗa a Pitai,

¹⁸war pinzibani Bilga ɗa a Samuwa, war pinzibani Semaya ɗa a Yehonatan,

¹⁹War pinzibani Yoyarib ɗa a Matenai, war pinzibani Yedaya ɗa a Uzi,

²⁰war pinzibani Sallai ɗa a Kallai, war pinzibani Yedaya ɗa a Amok gaini Eber,

²¹war pinzibani Hilkiya ɗa a Hasabiya, war pinzibani Yedaya ɗa a Nataneyel.

²²War mefeŋ na Eliyasib, Yoyada, Yohanan gaini Yaduwa e ɗika aŋ paakai n’abakai zi ɓaka, levitekai na tamaini dalam gaiɗi paakai zi ɓaka lai, yikiɗi a nafu gaini ɗû war maktuɓ n’abai haa sini mefeŋ na wiini Dariyus pai na Persus.

²³Alini Levi na tamaini dalam paŋ, yikiɗi a nafu gaini ɗû warni maktuɓ na sdakai n’abakai n’a za paŋ aŋ warni haa sini mefeŋ na wiini Yohanan na tiyni Eliyasib ɗe ta.

²⁴Yikiɗi n’abakai zi ɵi wuze na wiiɗi levitekai a na maini nɵa: Hasabiya, Serebiya gaini Yosva n’ahini Kadmiyel gaiɗi tawalakaiɗi n’e ɗiyisi arɗi par aŋ zini yama pini gadai na wiini David ɗif na wiini Alaw. Ɗif paŋ a zina yama zi kol gaini yama zi tese warni mefeŋ ni n’a ɗiya ta ta ɗa.

²⁵Mataniya, Bakbukiya, Obadiya, Mesullam, Talmun gaini Akkub ɗai zi giɗimi mini magala, e giɗimi magasin n’a na ɵimani mini tempel.

²⁶Nagai ɗa e zi sda war mefeŋ na wiini Yoyakim n’ahini Yesuwa, ahini Yosadak, pra war mefeŋ na wiini Lawan Nahamiyas gaini Esdras na pai zi ɓaka, n’a sɗa ɗû gara lai.

²⁷War fet na wiini vidiɗi ɵagai e ɵini piɗi levitekai war hlai n’e ɗa woni paŋ buri e hilisi aha war Yeruzalem, aŋ ziti fet hanɗa gaini firiyi n’abai, gaini yama zi kol, gaini yama n’a zina gaini kawai n’a tuwa, gaini adill, gaini gaŋgraŋ lai.

²⁸Ɗai zi zini yama n’edi par ɵimani Yeruzalem paŋ, na ɵimani Netofa par paŋ, na Bet-Gilgal par paŋ, n’edi war basga na ɵimani Geba par gaiɗi na ɵimani Asmawet paŋ e diŋgisi buri dalamɗi a na gobi ɵimani Yeruzalem.

²⁹

³⁰Paakai zi ɓaka gaiɗi levitekai e zi siɗi edi hilu, e zi ɗai edi hilu lai, asakal par e zi mini magala gaiɗi ɵagai ɗa edi hilu lai.

³¹Mu miliɗi n’abakai zi ɵi wuze na war Yuda amai midiɗi ɵagai, mu za vok zi zini yama abakai abakai sulu. Na ktai a hala amai midiɗi ɵagai midiɗi ta na wus, sini magala zi zilgit sek;

³²Piɗi par, Hosaia gaini galɗi n’abakai na Yuda;

³³Azariya, Edras, Mesulam,

³⁴Yehuda, Benyamin, Semaya gaini Yirmeya.

³⁵Na e viriɗisi arbaɗi paakai zi ɓaka, na gaini fana e hiliɗi piɗi par: Zekariya n’ahini Yonatan, n’ahini Semaya, n’ahini Mataniya, Mikaia n’ahini Zakkur, n’ahini Azaf,

³⁶gaiɗi marni na gaini, Semaya, Azarel, Milalai, Gilalai, Maai, Netaneyel, Yehuda gaini Hanani lai e libi wazagai zi zini yama na wiini David ɗif na wiini Alaw; Esdras, ɗif n’a sɗa ɗû gara aŋ wuzaɗi su.

³⁷Won hlai n’e sûmini magala n’e yikiŋ ɓa magala na wiini Yem zi liwi, wuzaɗi par sir e hi mini hlai na wiini fuŋni David, mini hlai n’e hi amai sini ɵaga sek woni ɗaw, e hi haa amai midini dalam na wiini David amai par. Asakal par e hili wuzaɗi haa war magala na wiini yem tiɗi Yeruzalem piɗi futi na dawai par.

³⁸Vok zi zini yama n’ag'aŋ sulu a hala amai midiɗi ɵagai, midiɗi ta na muni sek. Ta galɗi ɗai 'abakai zi ɵi wuze mi hiliɗi piɗi par amai par midini poriyo zi hiliyi kawakai ɗaw haa sini ɵaga na bruk ɗe ta.

³⁹Mi hili wuzaɗi amai par midini magala na wiini Efrayim ɗaw mini magala na wiini Yesana ɗaw, mini magala na wiini hilif ɗaw, midini poriyo na wiini Hananiyel gaini poriyo na wiini Meya ɗaw haa mini magala na wiini Adumai ta. Mi ɗiyi mini magala na wiini hlai zi gɗam sa.

⁴⁰Asakal par vok zi zini yama na sulu e hilisi e ɗiyi amlai war Dalamni Alaw sa, ta gaiɗi ɗai n’abakai zi ɵi wuze n’e ɗa gaya lai;

⁴¹gaiɗi paakai zi ɓaka hanɗa: Eliyakim, Maseya, Miniyamen, Mikaia, Eliyohenai, Zekariyas gaini Hananiya gaini fana tiɗi.

⁴²Maseya, Semaya, Eleyazar, Uzi, Yehohanɗan, Malkiya, Elam gaini Ezer. Yizraia n’abaiɗi ɗai zi zini yama gaiɗi ɗaini e zini yama.

⁴³Mefeŋ hanɗa ɗai e zi ɓaka viya, e firiyi gara buri ɓa Alaw a wala n’a siɗi firiyi. Falakai gaiɗi aliyagoi e firiyi gara lai; sura na wiini firiyi na wiiɗi Yeruzalem a wa haa edi gaigai.

⁴⁴War mefeŋ ni ɗa e mili ɗai buri e giɗimi dalam na zizina buri wazagai n’a yimasi edi war merfeŋni seyem par, war ni wazagai par lai n’a kinsi edi war basga na ɵimani fuŋ n’abakai par, gal na ɗû a muɗa midini ɓa a sa siɗi paakai zi ɓaka gaiɗi levitekai a dinga woni. Nɵa ɗai n’aha war Yuda paŋ e firiyi abai gara buriɗi paakai zi ɓaka gaiɗi levitekai n’e ɗa war sda.

⁴⁵N'e ɗa e zi ɵeŋ na wiini Alaw gaini de na wiini zi n’e di aŋ hilu, ɗai zi zini yama gaiɗi ɗai n’e giɗimi magala e zi pini wala na David gaini Salmun n’ahini e miɗiɗi midini.

⁴⁶Buri avut par war mefeŋ na wiini David gaini Asaf, n’abakai n’e ɵi wuzaɗi war yama, yama zi kol gaini zi zini tese na sini Alaw lai e ɗika.

⁴⁷War mefeŋ na wiini Zorobabel gaini mefeŋ na wiini Nahamiyas, Izrayel paŋ e si gal na siɗi ɗai zi zini yama gaiɗi ɗai zi giɗimi mini magala mefeŋ mefeŋ paŋ. E si wazagai na wiini Alaw wiiɗi levitekai, levitekai e si na siɗi paakai zi ɓaka na war pinzibani Aaron.