Read Mousgoum Nahamiyas 6 Bible Online

Nahamiyas 6 - Mousgoum bible

Nahamiyas 6

¹Won hlai n’e kiini labar wiini Sanbalat gaini Tobiya gaini Gesem n’Arap ɗa gaiɗi gawyi na zamai paŋ ɓa: Zlagai te rga amai ya, baŋa a hina arɗi kir kai. War mefeŋ ni ɗa, mu pa tapra na mini hlai kai ɓa.

²Sanbalat gaini Gesem e ɵinisi sa aŋ miɗiŋa: Halasi, mu zumu diŋgi zi kitini mi war Kefirim azumai war huduk na Ono. E rgi warɗi buri e ziŋa meefeŋ.

³Mu ɵiniɗi ɗai siɗi aŋ miɗiɗi: Sda n’aŋ ta ɗa a sda n’abai; mu kiɗa mu halaɗi siki kai buri sda aga a ɗiya."

⁴E ɵinisi ɵeŋ ni dama azi puɗu; mu wiyiɗi kaa ɗa a seŋ ni ɵa.

⁵Azi n’ag'aŋ ɵim pini seŋni pra, Sanbalat a ɵinasi ɗifni sa gaiɗi letre na papɗak tini ɗaw.

⁶E ɗû warɗi maini nɵa: "ɗai e ɗa miɗiŋ, Gasmus a na muɗa lai ɓa: Tuku gaiɗi Yudiyakai hiini aŋ warki buri ki fiki amai siyi; nɵa ku rgiti ɵagai amai na ɓa kapai ku sumna aŋ pai na wiiɗi.

⁷Maa ku miliɗi ɗai na mini Alaw aha war Yeruzalem sa sa aŋ miɗi edi muduku ɓa, tuku ku pai na war Yuda; aga mu kiini labar hanɗa wiini pai. Nɵa ku halasi tiyana, mu tulumu seŋ ni piɗi marmu.

⁸Mu wiyini seŋ wiini Sanbalat ɓa: Seŋ na ku muɗaŋ hanɗa a na ɵa kai, ku ɵaŋ na ku tuku gaini muduku.

⁹Nagai paŋ e firiyi tiɓ ɓa e miliyi hunai piyi; e hiini ɓa sda n’aŋ tiyi aga a kɵa a za kir kai. EPIƊ-ƊAI ku saŋa gdaŋ war sda hanɗa.

¹⁰Mu hala ahani Semaya n’ahini Delaia n’ahini Mehetawel, buri a nava futi aŋ halasi sa kai. A muɗaŋa: Duŋgumusi amlai war dalam na wiini Alaw, amlai arba, dugumu mini hlai amai duk buri aga e hilisi aŋ fuɗuku, e fuɗuku na duvuk.

¹¹Mu wiyini seŋ: Ɗif na maya ta nɵa mu pra edi maɵa maɵa ɗa, ɗif na maya ta nɵa a niya li amlai warni tempel ɗa aga a mra kai ɗe, zaw kai mu niya niyi amlai kai.

¹²Nɵa mu sɗa fakat ɓa a ɵinaŋsi ɗa a Alaw kai. Na ɓa a muɗa seŋ na wuze buriya a zaŋ na buri ɓa Sanbalat gaini Tobiya e sini farai.

¹³E sini farai tiɓ buri maɗa? Kapai e miliŋa hunai pa, kapai mu za maini n’a muɗaŋa nɵa, kapai mu za tuwur, nɵa aga e nivi futi aŋ miɗi seŋ na meefeŋ paŋ mada, kapai siyer a yimaŋa.

¹⁴Alaw wiya, ku hina muduku a kɵa buri sda na wiini Tobiya gaini Sanbalat, pra buriɗi Nowadiya muni na mini Alaw gaiɗi ɗai na mini alaw zamai zamai n’ firiyi e miliŋa hunai pa lai.

¹⁵Rgiɗi ɵagai a vada war meefeŋ saŋa pi ɵim na wiini tile na yikini ɓa Elul, sdaɗi a za paŋ mefeŋ doogo doogo ɵim pi sulu.

¹⁶Won hlai na gawyi paŋ e ɵini hanɗa, afti na ɵemaii paŋ kafa a huna, e tiki siyer, e siɗi fakat lai ɓa sda hanɗa a za pini diri na wiini Alaw na wiyi.

¹⁷War mefeŋ hanɗa n’abakai zi spak na Yuda e ɗûni wiini Tobiya viya, ni a wiyiɗi seŋ pini lai.

¹⁸Buri ɗai viya na Yuda par miɗi a nafu gaini pini wala zi hi mi; buri ni a suwulni Sekaniya n’ahini Arah, pra ahini na Yehohanɗan a tikiti ahini Mesulam n’ahini Berekiya aŋ munini.

¹⁹Nagai e kûliŋ maa wuzani ara, e kiini seŋ na ma par lai. Tobiya a ɗoŋasi viya aŋ mulaŋa hunai pa.