Read Mousgoum Ester 3 Bible Online

Ester 3 - Mousgoum bible

Ester 3

¹Asakalni wazagai hanɗa paŋ, pai Serkises a sini sda n’abai wiini Haman n’ahini Hamedata ɗif na war pinzibani Agag, a zaŋ aŋ ɗif n’abai, a tikaŋ midiɗi ŋarakai na wiini paŋ.

²Ɗai n’e ɗa zi sda ahani pai paŋ e hûrgi azumai wuzani, e ɵiɓi tiɗi wuzani lai maini na pai a muɗa midini nɵa, amma Mardokai a dara a hurga azumai wuzani kai, a ɵiɓa tini wuzani kaalai.

³Ɗai zi sda na wiini pai n’e ɗa mini magala e miɗini wiini Mardokai: Ku ɵina pini gadai na pai a ɗiyaŋ kai buri maɗa?

⁴Nagai e miɗini wiini Mardokai yuvai paŋ, amma ni a dara a ɵina seŋɗi kai. Nɵa e miɗini seŋ hanɗa wiini Haman ta, kapai e tili Mardokai ɗe haw aga a hina seŋ ni zaw a hala wuzani gaini ɗe ɗa, buri ni a miɗiɗi ɓa ni a ɗif na Yudia.

⁵Hlai na Haman a tala ɓa Mardokai a na hurga azumai wuzani kai, a na ɵiɓa tini wuzani kaalai, a za hiy ta.

⁶Haman a firiya a zini meefeŋ wiini Mardokai kiini kai, buri a nava labar midini pinzibani Mardokai ɗe ya ɓa a ɗif na Yudia, a firiya a vidiɗi edi midini afti na wiini pai Serkises ɗe par paŋ.

⁷War buza n’ag'aŋ pi sulu na Serkises aŋ warɗi pai ɗa, war tile n’avut na yikini ɓa Nisan, Haman a za wala zi vili midini mefeŋ gaini tile kapai a sɗa na sdani ɗa a kiɗa a za warni ɗa. Wala a yima tile n’ag'aŋ pi sulu na yikini ɓa Adar.

⁸Haman a miɗini wiini pai Serkises, jamus, pinziba ktai a na, aŋ gaini ɵiri edi arbani pinziba na zamai, midini aftiɗi lawanaiku paŋ, gadaini zi ɗiyi kiini lai, a kata gaini na wiiɗi ɗai na zamai ɗe kai, a ɵina pini gadai na wiini pai ɗa kaalai, na ɓa pai a hinaŋ li maini nɵa aga a zina pini kai.

⁹Na ɓa seŋ hanɗa a tala arni pai pɗem ɗa a ɗo letre kapai e fiɗiɗi edi. Ta aga mu sa farai arzaŋ kilo dubu miya hu, kapai a mula amlai warni godai na wiini pai.

¹⁰Nɵa pai a rɗa adoŋo na tini a sitini wiini Haman n’ahini Hamedata na war pinzibani Agag, n’a dara a ziɗi gir wiiɗi Yudiyakai.

¹¹Pai a miɗini wiini Haman: dalaku a wiiku, ɗai e ɗi tuku na, za siɗi maini na ku dara nɵa.

¹²War mefeŋ n’ag'aŋ pi hu na wiini tile n’avut, e yikiɗisi sekreterai na wiini pai kafa, e ɗûseŋ paŋ kal kal maini na Hamaŋ a na muɗaŋ war mini par nɵa, e ɵiniŋ wiiɗi Satrapai, wiiɗi lawanai, wiiɗi abakai na war pinziba paŋ lai, e ɗû war ɗû na wiini aftini Lawan paŋ, war meme na wiini aftini pai paŋ lai. Letre a ɗo war yikini pai Serkises gaini tampon na wiiɗi adoŋoni.

¹³Asakal par e ɵini letre edi siɗi lawanai paŋ tiɗi ɗai n’e ki ɵeŋ witaw kapai e vidiɗi Yudiyakai edi, e fiɗiɗi, e hini ktai piɗi kai, na gawlakai gaiɗi na walakai, aliyagoi gaiɗi falakai war yuvai ktai war yuvai ktai; hanɗa a za war mefeŋ n’ag'aŋ pi hu na wiini tile n’ag'aŋ pi sulu na yikini ɓa Adar, kapai e virmi wazagaiɗi lai.

¹⁴Ɗû n’aŋ warɗi letre ɗa aga a muɗa edi siɗi ɗai pini Lawan paŋ maini gadai ɵa, aga a muɗa sini pinzibaɗi ɗai paŋ lai, kapai e simni gaini zizini burini mefeŋ n’a ɗiya.

¹⁵Pini miɗi na wiini pai ɗa, ɗai n’e ki ɵeŋ witaw e niyisi anene gaini letre tar tar, e si labar hanɗa aha war kapital Sûz avut, ɗai paŋ hunai a yimiɗi, amma pai gaini Haman e simni sa e ci ɗa a sulɗi miɗi.