Read Mousgoum Ester 5 Bible Online

Ester 5 - Mousgoum bible

Ester 5

¹Hlai na mefeŋ na hu na wiini sai a vada li, Ester te wa sapaɗi zi pai siɗi, te hala te ɗiya war pakataini pai zaw, arɗi miɗi dilimi na wiini pai sek. Pai a nafu midiɗi paramaini zi pai aha war dalamni dam, arni anene mini hlai sek.

²Won hlai na pai a tiliti Ester muni n’amlai mini pai gaini ɗiyi war pakatai zaw, a hiina buriɗi, a witiɗi amaraŋai zi or na n’aŋ tini miɗi, na te torosi, te tika tiɗi miɗi amaraŋai ɗe ta.

³Pai a miɗiɗi: A suwukusi ɗa a maɗa Ester, muni n’amlai mini pai? Ku firiya ɗa a maɗa? Koo ɓa te galɗi paiŋa tekeɗeɗi aga mu sutuku.

⁴Amma Ester te wiyini seŋ: Jaamus, mu halasi mu huwyuku na ɓa, girna ɗa, gaini Haman ki hiliɗi mu sumnumu piɗi marmu caaha kai ɗi.

⁵Nɵa pai a muɗa, ki miɗini wiini Haman a zasi witaw witaw mi hili mini yiki na wiiɗi Ester ɗa, pai gaini Haman e hili miɗi fet n’Ester te ziti ɗa.

⁶Asakalni simi par, Won hlai n’e ɗa ci vin, pai a zilbiti Ester: Ku firiya ɗa a maɗa? Koo ɓa te galɗi paiŋa tekeɗeɗi aga mu sutuku;

⁷Ester te waya seŋ: Wala na mu zilbaŋ ɗa, wala na mu firiyaŋ ɗa?

⁸Na ɓa pai a hiinaŋa li, na ɓa a saŋa wala na mu zilbaŋ, gaini na mu firiyaŋ lai ɗa, dawai gaini Haman ɗa e wiyisi mi simni piɗi maryi ca pra, nɵa aga mu miɗini seŋŋa wiini pai maini n’a zilbaŋ ɗe nɵa.

⁹War mefeŋ ni ɗa, Haman a niyasi ahaɗi Ester par gaini firiyi, amma Won hlai n’a tala Mardokai azumai mini magalani pai dam, a faka amai wuzani kai, a ziriya wuzani kaalai ɗa, nɵa Haman a za hiy abai sini.

¹⁰Haman a roto sini rot a hala walani aha, asakal par a ɵina piɗi marmakaini gaiɗi Zeres na munini lai buri e hilisi sini.

¹¹Haman a miɗiɗi seŋ viya, midini faraini n’a na viya, gaiɗi alini na viya, gaini bindi na pai a bundaŋ aŋ abai kapai a ŋa midiɗi ɗaini zi sda gaiɗi ŋarakaini paŋ,

¹²a miɗiɗi pra: pra, miɗi fet na Ester na muni n’amlai mini pai te ziti ɗa, te yika muta gaini pai sulu, dawai pra mu waya ka miɗi fet na ɗa, muta gaini pai ɗaai.

¹³Wazagai hanɗa paŋ ɗa a navaŋa ɗa a maɗa, na ɓa yuvai paŋ Mardokai na Yudia sini mini magalani pai ɵa dam ɗa.

¹⁴Nɵa Zeres na munini gaiɗi marmakaini paŋ e miɗini: ku zizina luwuŋ na mogoni dai dai kil ɵim, dawai gorof par ku zilba pai ta, a suku futi buri ku rga Mardokai amai sini ɓak. Asakal par ku hala walaku miɗi fet gaini pai gaini firiyi, seŋ hanɗa a tala arni Haman pɗem, a zizina luwuŋ lai.