Read Mousgoum Yob 16 Bible Online

Yob 16 - Mousgoum bible

Yob 16

¹Nɵa Yob a tika seŋ a muɗa:

²Seŋ na maini n’aŋ tiki na ɵa ɗa mu ɵinaŋ azi viya gara, tiki paŋ ki ɗi ɗai zi si arai zi pi na ki nivi kai.

³Seŋki na ki miɗiŋŋa ɓa: Seŋ na mu na muɗaŋ kla kadai ɗa, a kiɗa a ɗiya tiɓ ɗi? Zaw wala n’a na fuɗaŋa sa na mu waya seŋ pini tetew ɗa a maɗi ɗa?

⁴Ki ɗi fu na warni balamŋa ɗa, ta mu muɗa fu siki ɵa lai, aga mu muɗa miɗi na pɗamai siki, mu gala mada piki lai.

⁵Aga mu siki arai zi pi gaini seŋ na ma par, aga mu muɗa wuza sek kapai hangalki a tika azumai.

⁶Na ɓa mu muɗa maa, girŋa a azi vidi kai, mu ɓa ma ɓa maa, a vada sa par kaalai.

⁷Tiyana ɗa, gdaŋŋa a vada edi vad, ɗaiŋa paŋ a vidiɗi edi kafa,

⁸A mulaŋa yewek sa ca ca, a bundaŋa gaini hûgi yaa ha, wazagai hanɗa paŋ a na paŋa seŋ mada, a siŋkaŋa edi ɓa ta aŋ war seŋ lai.

⁹Hiyni ɗa a ɓasaŋa edi, a tika futi pa, a hirɗa sesiyeŋni edi sa, gawŋa a ɓulaŋa gaini arni maini ɓaraw nɵa.

¹⁰E mili miɗi amai sa ɗa aŋ ziŋa meefeŋ, e tirkiŋa ɗa, e ɵiɓiŋa galaiŋa, e tipisi marɗi tap tap, e hiriŋa azumai har.

¹¹Alaw a hinaŋa war tiɗi aliyagoi na e nivi kai, a saŋa war tiɗi ɗai na maafanai ta.

¹²Mu nafu gaini hangala dam, a halasi a turla amai, a yimaŋa pini wula par a bulaŋa azumai, asakal par a zaŋa aŋ katam ta.

¹³Ɓaraw na wiini ɗa, a ruvasi sa war galna napuɗu paŋ par, a ɓiliti agula gaini hiinini haw kai, hlai ktai maa a hina kai, a ma mayaw mayaw na sini eɵeɵetŋa azumai midini afti.

¹⁴A ɓasasi baŋa sa ɓas ɓas, a lawasi mada maini ɗif zi hatam nɵa.

¹⁵Mu ɓula sapa zi sak yaw, mu pa mada azumai arni alogodo tiɓ lai.

¹⁶Ara a bunda a yima amai kai tini tuwi, sezeni mri a guna midini ara blaŋ.

¹⁷Paŋ ktai ta te kara ɗif kai, siiwaŋa ɗe a nafu hilu lai.

¹⁸Afti, ku yima wala midini felŋa ɗa kai, hina ɗuwalŋa a wa haa gaigai.

¹⁹Tiyana par zaidaŋa ktai a na amai war hlai n’amai, amai woni ɗa, ɗif n’a zina pa a na.

²⁰Marmakaya ɗa e ɗa ziŋa yewere, amma ta ɗa, mu tuwa na ɗa sini Alaw.

²¹Zaidaŋa ni ɗa aga a zina pa aŋ ɵaaŋa tini Alaw par, maini ɗif n’a ɵa ɗif tini maini par nɵa.

²²Buri ɓa mefeŋŋa ɗa maa a daba ta, mu halafuna warɗi futi na ɗif a tikiti li ɗa a wayasi duɓani kai ɗa.