Read Mousgoum Yob 29 Bible Online

Yob 29 - Mousgoum bible

Yob 29

¹Nɵa Yob a hala wuzani gaini seŋ, a muɗa:

²Hai, mu nafu na ɗa war tile n’avut par ɵa ɗa! Maini war mefeŋ n’Alaw a naka a tika hangalni sa ɵa ɗa,

³Won hlai n’a naka a hiniti lanpa na wiini te ŋala mada ɵa ɗa na war gegeŋ ɗa, mu hala pini gaglaini ɵa ɗa!

⁴Maini na mu naka war mefeŋ na mu va edi aŋ ɗif ɵa ɗa, Won hlai n’Alaw a naka a mula arni midini dalamŋa maini marmaini ɵa ɗa,

⁵Won hlai n’Alaw zi spak a naka gaya hai ɗa, na gawlakai e ɗika e gûniŋa azumai ɗa,

⁶Won hlai na mu naka mu ma aza gaini fiyaw ɗa, Won hlai na arakai na wiini emel a naka a kasi buriya sini huwuŋ par ɵa ɗa,

⁷Won hlai na mu hala li war faada na wiini fuŋ n’abai ɗa, mu miɗiɗi li wiiɗi ɗai buri e zizina hlaiŋa zi simni woni ɗa,

⁸n’agogoi e tiliŋa li ɗa e ŋûyi, n’abakai e fiki amai, e ɗiyi amai gaini eziɗi ca ca.

⁹N'abakai n’e ɵi wuze ɗa e ɗiyi seŋɗi zi miɗi zaw zaw, e tiki tiɗi miɗi ta ta.

¹⁰N'abakai ɗa, e dûgû miɗi duk duk, alsiɗi te diɓuga amai pini hŋa hŋaɗi.

¹¹Ɗif n’a ɵina wula li paŋ ɗa a kolaŋa, ɗif n’a talaŋa paŋ ɗa, a muɗa zaida na pɗem mada paŋ.

¹²Buri ɓa, ɗif na murga n’a firiya zinai ɗa mu plaŋsi edi, gaini ɗif na huyuk na ɗif a zina pini kai ɗa lai.

¹³Ɗai n’e mri e mri sek ɗa e ɓikiŋa ka ta ta, mu sa firiyi wiiɗi falakai na war greŋ ɗa lai.

¹⁴Jire ɗa a nafu buriya maini sapa na sa nɵa; zi na pini gadai ɗa, a nafu buriya maini kadamul ɵa.

¹⁵Mu bunda m’arni ɗif na melveŋ lai, m’azini ɗif na danlaŋ ɗa lai.

¹⁶Mu bunda m’epiɗi ɗai na murgakai, ɗif na ɗai e siɗiŋ kai ɗa, mu fufuka ezini seŋni edi gaini futini.

¹⁷Mu haɗa sesiyeŋni ɗif na meefeŋ ɗa edi, wala n’aŋ mini ɗa, mu hultaŋsi edi.

¹⁸Mu hiina wara ɓa aga mu mra amlai war gutŋa, aga mu fana viya maini fini n’e yikiŋ ɓa Felikse ɗa ɵa.

¹⁹Mu tala sa maini luwuŋ na sirdaini a rva azumai arni yem sek nɵa, maɗai ɗa aga a yima amai ɵima lai.

²⁰Abai na wiya ɗa aga te wayasi katawai pra, ɓarawŋa aga a nava gdaŋ war ta.

²¹Ɗai e biyi gaini bayai aŋ ziɓiri seŋŋa, mu faka li mu sa hiiniŋa ɗa, ɗif a muɗa kai.

²²Mu muɗa li ta ɗa, ɗif a muɗa kir kai, seŋŋa na mu muɗaŋ ɗa, a niya siɗi ɗai paŋ.

²³E biyiŋa maini n’e biyi faŋ ɗa ɵa, e mili miɗi pa maini n’e mili miɗi pini faŋ n’a ɵa asakal ɗa nɵa.

²⁴Won hlai na mu riya gaiɗi ɗa, a yima midiɗi kai, e firiyi ɓa wuzani ara ɗa a siŋka hiini na pɗem edi kûreɗ-kûreɗ;

²⁵Mu naka m’abaiɗi, mu siŋkitiɗi futi n’e tikiti ɗa lai, mu sumna arbaɗi maini pai n’a sumna arbani vokɗi askaraini nɵa, maini ɗif n’a sa arai zi pi wiiɗi ɗai na war gir ɗa nɵa.