Read Mousgoum Yob 34 Bible Online

Yob 34 - Mousgoum bible

Yob 34

¹Nɵa Elihu a hala wuzani gaini seŋ a muɗa:

²tiki na yalakai ɗa, ɵini seŋ na mu na muɗaŋ ɗa, tiki zi siɗi ɗa, zigi ɵimaki mini wala n’a na muɗa lai.

³Buri ɓa a za braw n’arbani seŋ ɗa a ɵime, a za braw arbani simi ɗa a mi lai.

⁴Arbamu tumu taaha ɗa, piyumu wala na jre ɗa, tulumu wala na pɗem ɗa.

⁵Yob a muɗa wala ktai ɓa: ni ɗa a ɗif na jre, amma Alaw a firiya a sɗa jreni kai,

⁶gaini jreni tekeɗeɗi ɗa Alaw a yimaŋ aŋ ɗif z'eles, a za tuwur kai, amma Alaw a zini wuruk zi mri ta.

⁷Yob ni ɗa a tikaŋ eles ɵa maɵa maɵa ɗa, a tirka Alaw mini butu ɵa maɵa maɵa ɗa?

⁸A paya gaiɗi ɗai n’e zi meefeŋ, a hala gaiɗi na maafanai lai.

⁹Buri a muɗa gaini mini ɓa: Was na ɗif a fuɗaŋ kapai, a bunda arni ɗif pɗem ɗa a nava wala kai.

¹⁰Tiki na ki ɗa gaini hangalki siki ɗa, ɵini seŋ na ma par ɗa, Alaw na wiimu ɗa a za wala na meefeŋ ɗi, Alaw zi spak paŋ ɗa a kiɗa a za wala na jre kai ɗi! duk kai zaŋ!

¹¹Buri ɓa a sa sini asiya ɗi paŋ vrak na pini sdani, a vurga ɗif paŋ pini payaini.

¹²Jire kai tiɓ ɗa, Alaw a za na maini ɗif na meefeŋ nɵa kai, Alaw zi spak paŋ ɗa a arni sini jre na wiini ɗif aŋ blaŋ kai.

¹³N'a sitini yai tini Alaw aŋ ŋa midiɗi ɗa asiya ɗa? N'a sitini duniya gaini abaiɗi paŋ war tini ɗa asiya ɗa?

¹⁴Na ɓa a hiinafuna midini sini dama ɗa, na ɓa a yimafuna a suŋfa na wiini, smer na mini par n’a siŋɗi wiiɗi ɗai ɗa,

¹⁵ɗai paŋ aga e mri mini marɗi kaŋ, ɗif murɗek aga a waya azumai arni afti lai.

¹⁶Na ɓa yel aŋ muduku ɗa, ɵina seŋ hanɗa, tika hangalku sini seŋ n’a niyaɗi ma par lai.

¹⁷Ni n’a firiya jre kai ɗa, a kiɗa a ŋa ɗe? Ku firiya ku pini seŋ midini Alaw na jre, Alaw zi Spak paŋ ɗa ɗi?

¹⁸Ɗif a miɗini wiini pai ɓa: " ku zi nava kai " zaw wiini ɗif n’abai ɗa ɓa: "Ku na meefeŋ", a sɗa a za ɗi?

¹⁹Alaw ɗa a zina piɗi paakai ɗa kai, a za braw arbaɗi zi farai gaiɗi na murgakai kaalai, buri ɓa paŋ a ziɗi A ni.

²⁰Hlai zamai ɗa e mri, duvuk ktai ɗai e fiki amai siɗi e fiɗiɗi edi, nagai n’e ŋi midiɗi ɗai gaini gdaŋ ɗa, e vidiɗi edi gaini yafai kai.

²¹Buri ɓa arni Alaw aŋ midini payai na wiini ɗif, a sɗa azi n’a tikaŋ ta ta ɗa paŋ lai.

²²Gegeŋ zaw sezeni mri, na ɗai na maafanai e kiɗi e ŋûyi duɓani aŋ kai.

²³Zaani a na buri a fana pini ɗif yaw aŋ talaŋ haw kapai a zitini sariya hai kai.

²⁴A yima labar haw kapai a wiyiɗi zi spak ɗa azumai ɗa kai, a wiyiɗi azumai, a mula zamai war balamɗi.

²⁵Buri ɓa a sɗa sdaɗi ya, duvuk ktai ɗa a pûkûɗi azumai, e vidi edi maini hanɗa nɵa.

²⁶A ɵiɓiɗi wuzani arɗi ɗai na, maiɗi ɗai na maafanai nɵa.

²⁷A za hanɗa, buri ɓa e hiniŋ edi mak, e tiki hangalɗi sini gadaini kaalai;

²⁸gaini hanɗa, e kiɗi ɗai na hurafai ɗa aŋ tuwi sini Alaw, Alaw ɗe a na ɵina tuwi na wiiɗi na murgakai lai.

²⁹Na ɓa a sumna wiini dam a waya seŋ kai ɗa, n’aga a pini seŋ midini asiya ɗa? Na ɓa a firiya a tiliɗi kai ɗa, ɗif n’a kiɗa a talaŋ tetew tetew ɗa asiya ɗa? Afti ɗa kaalai, ɗai kaalai, ktai n’a kiɗa a zini dewele midini aŋ kai.

³⁰A zaŋ nɵa ɓa kapai ɗif n’a sɗa Alaw kai ɗa a sɗa aŋ ŋa kai, kapai a za aŋ azaw buriɗi ɗai kai.

³¹Buri e miɗini ka wiini Alaw ɓa, mu luba gir ya haa, aga mu za meefeŋ pra kir kai.

³²Na a siŋka edi wuzani ara kai ɗa, siŋkaŋŋa ara ta, na ɓa mu za ka wala na jre kai duk ɗa, aga mu waya pini kir kai.

³³Ku hiina ɓa Alaw ɗa aga a vurguku pini hiini na wiiku tuku ɗi? Na ku bla edi na ɗa. Ku vara na ku tuku, muta kai, ku muɗaŋ ɵa na ku tuku, muta kai. Muɗa na ku sɗaŋ ɗa haw kir ka!

³⁴ɗai na hangalɗi siɗi ta ɗa, gaiɗi ɗai na yalakai n’e ɗa ziɓiri seŋŋa ɗa, aga e miɗi maya ɵa ɓa:

³⁵Yob ɗa a muɗa na wala ktai midini kai, a muɗa na tiɓ kadai.

³⁶Yob ɗa a muɗa seŋ maiɗi ɗai na maafanai ɵa na ɗa, a pɗem ɓa Alaw a tetemaŋ gaini futini marwai.

³⁷Yob ɗa a za ɗa a tuwur ktai kai, a ɗif n’a faka amai sini Alaw paŋ, seŋni zi miɗi na viya viya n’a muɗaŋ sini Alaw ɗa, a kasi n’a girini war hiinumu tumu.