Read Mousgoum Yob 39 Bible Online

Yob 39 - Mousgoum bible

Yob 39

¹Ku sɗa sarti na salak a wa warni ɗi? Ku sɗa ka widre a wa ali karku ɗi?

²Ku sɗa piɵini mefeŋni mulini ya ɗi? Mefeŋ n’a wa ahi warni ɗa, ku sɗaŋ ya ɗi?

³Te ɗiya vu aŋ wa ɗa, te fana azumai waŋ, te vada gaini ŋiibaɗi lai.

⁴Alini a wula amai kadai nɵa yaw, a nava gdaŋ, haa mefeŋ ktai ɗa, a yima sini edi siɗi emini par, a waisi siɗi kir kai.

⁵Ɗif n’a ɵa ablehö na basga kadai ɵa su ɗa asiya ɗa? A pla sogom n’ezini ɗa asiya ɗa?

⁶Mu mulaŋ edi midini hlai na plas na kooloŋ, mu sini hlaini zi simni midini afti zi manda.

⁷Wala na buza hanɗa, jaani gaini bagawa na war fuŋ n’abai ɗa par kai. A ɵina ɓaraina wiini epin-gezani ɗa kaalai.

⁸A paya midini huwuŋ paŋ kapai a nava simini wala n’a guɗa paŋ ɗa a payaŋ aŋ simi paŋ.

⁹Hilu ɗa, a kiɗa a za ha ɓa, a za aŋ ɵeŋku ɗi? A kiɗa a fana war berɵemku zaw ɗi?

¹⁰Ku kiɗa ku pa sogom merfeŋni hilu tiɓ, kapai ku hirma gaini ɗi? A kiɗa a gidiya kawai zi hiɗi afti azumai war huduk ɗa ɗi?

¹¹Pin gdaŋ n’aŋ warni ɗa, aga ku ɵaŋ su, a zuku sdaku pin dirini ɗi?

¹²Aga ku hiina ɓa kiini ɗa a haɗa seyemku lai a tupuŋku war lulufku lai ɗi?

¹³Aliket ɗa a ɵiɓa graŋni gaiɗi firyi, amma baadani ɗa a kata gaini baadani Sahaw kai.

¹⁴Aliket ɗa a wa eɵeni azumai arn afti ca, A hina ca haa a bulasi kiini arni alogodo.

¹⁵Aŋ midini ɓa, ɗif a kiɗa a bazaŋ kai zaw wazagai na buza a kiɗa a kirpaŋ lai, nɵa aŋ midini kai.

¹⁶A dara alini kai, maini na ɓa a waŋsi ɗa a ni kai nɵa. Gir n’a siɗaŋ burini paŋ ɗa a fiɗini sini kai.

¹⁷Buri ɓa Ta, Alaw ɗa, mu sini yel midini kai. Mu sini siɗi kaalai.

¹⁸Won hlai n’a faka li aŋ luwi ɗa, a tala ɗif zi plis na gaini plisni kai.

¹⁹Ku sini spak wiini plis na ɗa ku tuku ɗi? Ku diya elbes na pini wulani na ɗa ku tuku ɗi?

²⁰Pri na pra maini ayuwi ɵa ɗa, ku zaŋ na ɗa ku tuku ɗi? Ciriyi na ciriya gaini hangalni ɗa, a mula hunai piɗi ɗai.

²¹A firya burini gdaŋni ɗa a to afti na war huduk ɗa amai gaini ezini, a lawa edi miɗi askarai zi gaw ɗa sek.

²²A huna wala ktai kai, wala n’a milini hunai pini aŋ kai a waya duɓani wuzani kaɵkar kaalai.

²³Wazagai zi gaw ɗa, a suura sini koko koko Gloŋ zi ɓaraw, kawai n’a ŋala gaini kaɵkar.

²⁴A pra gip gip, a kirpa hlai gaini luwi a ɵina hum li ɗa a ɗiya kir kai.

²⁵Won hlai na hum a tuwa li ɗa, a ciriya hihi hihi. Edi gaigai par a sɗa lugosni gaw, a siɗa wulaɗi askarai n’abakai n’a na wa ɗa, gaini suuraɗi lai.

²⁶Meguwe n’a na ɗufla na ɗa, ku sini yel ɗa ku tuku ɗi? A yima graŋni pini smer na war gal n’amai par, kapai a pa hahakai ɗa, ku sini yel ni ɗa ku tuku ɗi?

²⁷Beges ɗa, a ɗufla amai, a za gutni amai war hlai n’amai gaigai ku sini miɗi hanɗa ku tuku ɗi?

²⁸A sumna ɗa amai sini huwuŋ, a fana ɗa amai woni lai, edi midini ali-fuŋ na mini sweɗ sweɗ, kapai wala a kiɗa a titimaŋ kai.

²⁹Amai woni par, a paya wala n’aa a sumaŋ ɗa, a mulasi arni midini;

³⁰Alini ɗa a ca ɗa a fel, woɗi paŋ na kopoŋ a na ɗa, beges aŋ won lai.