Read Mousgoum Yama na wiini David 108 Bible Online

Yama na wiini David 108 - Mousgoum bible

Yama na wiini David 108

¹Yama na David. Yama.

²Alaw wiya, hiiniŋa ɗa a ktai, mu dara mu zina yama, mu dara mu zina yama ktai, tuku na ku kol na wiya,

³Fiki amai adill gaini gaŋgraŋ, mu dara mu ɵiyasi hlai na rum rum ɗa amai.

⁴EPIƊ-ƊAI, mu dara mu kuluku arbaɗi ɗai, mu kuluku gaini yama arbaɗi pini zibaɗi ɗai.

⁵Buri pɗemku ɗa a suwa hlai n’amai gaini mogo, jreku ɗa haa amai pini ɗugul ta lai.

⁶Alaw wiya siŋka spakku midini hlai n’amai ɗa, hiniti abaiku te ŋala azumai midini afti paŋ lai.

⁷Kapai zi diri gara na wiiku e nivi pili n’edi, kurɗiyi edi gaini spak na wiiku, wayaŋa seŋ lai.

⁸Alaw a muɗa amlai warni hlaini na sɗik maini nɵa: Aga mu rɗa amai, aga mu ɓurwa fuŋ n’abai na Skem ɗa, aga mu kata mogo gaini bruk na wiini huduk na Sukot ɗa lai.

⁹Galaad ɗa a wiya, Manase ɗa a wiya lai, E frayim ɗa a bogorai na mada, Yuda ɗa a amaraŋai zi pai na wiya.

¹⁰Mowab ɗa a tasa na mu ma sa warni, mu tika aza midini afti na Edom kapai mu tikaŋ, mu ɗuula ɗuwal zi hatam sini aftiɗi Filistrekai!

¹¹N'aga a kaŋa pa aha war fuŋ n’abai zi ɵaga ɗa asiya ɗa? N'aga a ɵa wuza haa aha midini afti na Edom ɗa asiya ɗa?

¹²Ku tuku ɵa kai ɗi, Alaw wiya! Tuku na ku hiniyi edi, na ku niya edi aŋ hatam gaiɗi askarai na wiyi kai ɗa, ku tuku ɵa kai ɗi!

¹³Halasi zina piyi ta, piliyi edi tiɗi gawyi par, biyi na mi biyi ɓa, ɗai aga e kurɗiyi edi ɗa a wala na jreni aŋ kai.

¹⁴Gaini Alaw ɗa aga mi siŋki gdaŋyi edi, aga a kirpiɗi gawyi azumai ɗa A ni.