Read Mousgoum Yama na wiini David 109 Bible Online

Yama na wiini David 109 - Mousgoum bible

Yama na wiini David 109

¹Yama na wiini David n’a tikaŋsi war maktuɓ zi yama na wiini abai na midini yama par. Tuku Alaw na mu kuluku gaini yama ɗa, sumna liyik kai,

²Buri ɗai na maafanai gaiɗi ɗai zi rhai e ɗa miɗi sa, e fiki li aŋ miɗi gaya ɗa, e miɗi ɗa a eles,

³Seŋɗi zi miɗi zi gaw ɗa a gunaŋa azumai gun, e hitimiŋa pini wala ktai ta kaalai.

⁴Ta mu diriɗi, amma nagai e piŋa seŋ mada gaini pi, ta mu siiwa buriɗi gaini siiwi.

⁵Nagai e wiyiŋa meefeŋ midini pɗem na mu ziŋɗi ɗa, diri na mu diriɗi ɗa, e wiyiŋa midini ɗa a gaw.

⁶E kiti seŋ mada maini nɵa: Piyumu ɗif ktai na meefeŋ ktai ta, kapai a pa seŋ midini, ɗif zi pi seŋ a ɗiya ɵimani zaw aŋ pa seŋ midini.

⁷E zini sariya li ɗa, sariya te rgaŋ, siiwi na wiini a bunda aŋ tuwur burini.

⁸A zuva ɓa mefeŋni a fayasi azumai, ɗif zamai a tika balamni ɗa.

⁹Alini e hini huyokai, munini te hina war greŋ lai.

¹⁰Alini e hini bar, e siiwi gaini siiwi, e hili e siiwisi edi gaigai sini greŋɗi par.

¹¹A zuva ɓa ɗif n’a tifini wala ɗa a mula wazagaini ɗa, ɗai na morkokoi e virmi der na anavaŋ pini sdani ɗa.

¹²A zuva ɓa ɗif a hiini burini pɗem n’a naka arbaɗi kai, ɗif a hiina haw buriɗi alini n huyokai kaalai.

¹³A zuva ɓa pinzibani e vidi edi kafa, yikiɗi a haza edi war vna ktai kap, a kiɗa warni na zamai kai.

¹⁴A zuva ɓa tuwur n’epini gaini tiyni e ziŋsi ɗa, e ɵini midini EPIƊ-ƊAI gaini, tuwur na wiiɗi emini ɗe a haza edi kaalai!

¹⁵A zuva ɓa tuwurɗi ɗa a hina wuzani EPIƊ-ƊAI ɵa haa kureɗ, midini ɗif a kɵa gaiɗi warɗi yai kir kai.

¹⁶Buri ɓa ɗif hanɗa a hina aŋ za wala na pɗem sini ɗif kai, buri a zini gir wiini ɗif na murga, wiini na haw lai haa a fuɗa ɗif na gdaŋni gaini vidi edi vad edi lai.

¹⁷A naka a firiya ɗa a tusa: A zuva ɓa tusa a sumna midini, a firiya a ɓaka ɗif kai: A zuva ɓa ɓiki a yima sini edi gaigai sini par.

¹⁸A zuva ɓa tusa ɗa a wa sini maini sapa ɵa, a niya amlai sini maini yem nɵa, warni keɵkeni maini emel nɵa lai.

¹⁹A zuva ɓa tusa hanɗa a bunda aŋ sapa n’a baraŋ sini, aŋ saŋtir n’a rgaŋ wuzani kureɗ.

²⁰Hanɗa a buri n’EPIƊ-ƊAI aga a saŋ, a vrak n’a siŋɗi wiiɗi gawŋa, gaiɗi nagai n’e miɗi meefeŋ sa ɗa.

²¹Amma tuku Alaw, EPIƊ-ƊAI, za pɗem sa ta kai ɗi burini yikuku, kurɗaŋa kruɗ kai ɗi, buri pɗemku ɗa abai gara.

²²Mu na murga, mu na haw, agula gaini turli amlai wara,

²³Mu vada na ɗa maini sezeni luwuŋ na koskoi nɵa, e ɵiɓiŋa edi maini ayuwi n’a deɓuga sini sapa nɵa.

²⁴Kurnaiŋa a liiwa ca ca tini tikini-sai, mu hoga haa gdaŋŋa kai.

²⁵Mu hina tiɗi gawŋa kaai aŋ tirki; e tiliŋa li ɗa, e gigizi midiɗi pa.

²⁶Lawaŋa ɗuwal Epiɗ-ɗai Alaw na wiya, kurɗaŋa kruɗ burini pɗemku.

²⁷A zuva ɓa a yima midiɗi ɓa: Te za hanɗa te tuku, ɓa ku za hanɗa ku tuku EPIƊ-ƊAI.

²⁸Nagai e tuusi gaini tuusi, amma tuku ku ɓaka gaini ɓiki; na ɓa e fikisi li amai ɗa siyer aga a yimiɗi, amma ta na ɗifku ɗa aga mu va gaini firiyi.

²⁹Hina siyer a duguɗi gawŋ ɗa, siyerɗi a wa siɗi maini kaput n’e wiŋ siɗi nɵa.

³⁰Aga mu kola EPIƊ-ƊAI gaini wula amai, aga mu kolaŋ gaini arbani vokɗi ɗai.

³¹Buri ɓa a ɗiya pini ɗif na murga par, aŋ kurɗaŋ edi tiɗi nagai n’e zitini sariya par.