Read Mousgoum Yama na wiini David 110 Bible Online

Yama na wiini David 110 - Mousgoum bible

Yama na wiini David 110

¹Yama na wiini David. EPIƊ-ƊAI a muɗa sini epin-geza maini nɵa: Sumna war hlai zi hormo na wiya, haa gawku paŋ mu bindiɗi aŋ ɓok na ku niya amai midiɗi paramaiku midini.

²Sapkɗi amaraŋaiku zi pai ɗa, EPIƊ-ƊAI aga a waŋ haa edi gaigai siɗi Siyon par. Aga ku ŋa midiɗi gawku na ku na arbaɗi paŋ.

³Gaŋgalaŋaiku aga e hili gaiku war mefeŋ na ku tipiɗi askaraiku ɗa, gawlakai na puku ɗa ga e hlisi suku amai midini huwaŋai na sɗik, Maini maɗai na wa gorof na hlai rum rum nɵa.

⁴EPIƊ-ƊAI a ha wala mini ya, aga a bunda seŋni kai. A muɗa: Tuku ku pai zi ɓaka ɵa haa kureɗ maini Melkisedek nɵa.

⁵EPIƊ-ƊAI ɗa aŋ gaiku su, aga a kirpiɗi paakai war mefeŋni zi hiy ɗa.

⁶A za sariya wiiɗi ɗai: Hlai paŋ ɗa a kopoŋ, a kirpa midini pai n’a na midini afti n’abai.

⁷Warɗi futi ɗa, pai a ca yem warɗi arai nɵa a nava rɗi n’amai na ɗa buri hanɗa.