Read Mousgoum Yama na wiini David 111 Bible Online

Yama na wiini David 111 - Mousgoum bible

Yama na wiini David 111

¹Kûli EPIƊ-ƊAI! Mu za tese sini EPIƊ-ƊAI gaiɗi agula paŋ War diŋgi na wiiɗi ɗai na jre, war diŋgi na wiini vok ɗa lai,

²Sdani EPIƊ-ƊAI n’a zaŋ ɗa, abakai gara. Nagai n’e diriŋ ɗa e piyi aŋ siɗi ezini edi.

³Sdani n’a zaŋ ɗa, a ŋala gai ŋili a zuva gara lai jre na wiini te na haa hlai n’a vada kai.

⁴A firya ɓa mdiɗi ɗai a wula gaini sda n’abakai n’a bunda ɗif hiyak, n’a zaŋ ɗa kai. EPIƊ-ƊAI a tika pini seŋ kai, a va gaini hiinini haw.

⁵A sa simi wiiɗi nagai n’e sini hormo ɗa, midini a kɵa gaini bonu n’a zaŋ gaiɗi kûreɗ-kûreɗ.

⁶A siŋka spakni sdani wiiɗi ɗaini, a siɗi bulum na wiiɗi pinziba na zamai ɗa aŋ wiiɗi.

⁷Sdani n’a zaŋ gaini tini paŋ ɗa a jre, a ɗikat, gadai na wiini ɗa a jre fakat.

⁸A na haa hlai n’a vada kai, a muguza kai, a za war ɗikat, war jre lai.

⁹A ɵinasi pli n’edi midiɗi ɗaini, a za bonu n’a vada kai gaiɗi, Yikini a na sɗik, a mula hunai piɗi ɗai lai.

¹⁰Hormo na wiini EPIƊ-ƊAI ɗa a pi zi tiki na wiini kol, nagai paŋ n’e zi mai hanɗa ɵa ɗa, e ɗa gaini hiini na pɗem. Kol na sini ɗa a na haa hlai n’a vada kai.