Read Mousgoum Yama na wiini David 112 Bible Online

Yama na wiini David 112 - Mousgoum bible

Yama na wiini David 112

¹Kûli EPIƊ-ƊAI! Sleɗ aŋ midini ni n’a huna EPIƊ-ƊAI, n’a firya gadaini gara lai.

²Pinzibani aga e nivi spak midini afti, pinzibaɗi ɗai na jre ɗa aga e nivi ɓiki.

³Pakataini ɗif hanɗa te ɓurwa gaini der gaini simni na ɵeɗ kai. Jre na wiini te na ɵa haa kureɗ.

⁴Buriɗi nagai na jre ɗa, gaglai a ŋala war gegeŋ, buriɗi nagai n’e tiki pin seŋ kai, n’e vi gaini hiinini haw, na jrekai lai ɗa, a na maini nɵa lai.

⁵A pɗem ɓa ɗif a za pɗem, a tufa wala wiiɗi marni a kata wazagaini paŋ maini n’a na ɗa ɵa.

⁶Buri ɓa ɗif anɗa aga a muguza duk kai zaŋ, ɗif na jre ɗa, midiɗi ɗai a kɵa gaini ɵa haa kureɗ.

⁷A huna labar na meefeŋ kai, hangalni gaini tiki azumai ta, a baiya tini EPIƊ-ƊAI.

⁸Hangalni gaini tiki ta, a huna wala ktai kai, a yima ɓa aga a tala kɵi n’azumai na wiiɗi gawni.

⁹A sa tini edi, a sa wiiɗi na murgakai, jreni ɗa te na ɵa haa kureɗ, spakni gaiɗi abaini a riya amai.

¹⁰Ɗif na meefeŋ ɗa a talaŋ, agulni te lumaŋ, a hirɗa sesiyeŋni haa a vada ɵa. Diriɗi ɗai na maafanai ɗa aga a vada edi.