Read Mousgoum Yama na wiini David 113 Bible Online

Yama na wiini David 113 - Mousgoum bible

Yama na wiini David 113

¹Kûli EPIƊ-ƊAI! Tiki ɗai na wiini EPIƊ-ƊAI, kûli! Kûli yikini EPIƊ-ƊAI.

²A zuva ɓa yikini EPIƊ-ƊAI a nava kol, tiyana par, haa hlai n’a vada kai.

³Piɗi futi na dawai par, haa sini piɗi futi na koskoi, a zuva ɓa yikini EPIƊ-ƊAI ɗa a nava kol.

⁴EPIƊ-ƊAI a na amai midiɗi pinzibaɗi ɗai paŋ, abaini te suwa hlai n’amai ɗa gai mogo.

⁵N'a kata gaini EPIƊ-ƊAI, Alaw na wiimu asiya ɗa? A sumna haa amai.

⁶A yima arni azumai aŋ tala, hlai n’amai gaiɗi yai.

⁷Azumai arni alogodo par, a yimasi ɗif na huruf ɗa amai. Arni zilgit par, a yimasi ɗif na murga amai lai.

⁸A sini balamni arbaɗi n’abakai, arbaɗi n’abakai na wiiɗi ɗaini.

⁹A miliɗi fuŋ wiiɗi muni na muɗaŋ ɗa, maiɗi ami na te firya arbaɗi aliɗi nɵa. Kûli EPIƊ-ƊAI!