Read Mousgoum Yama na wiini David 115 Bible Online

Yama na wiini David 115 - Mousgoum bible

Yama na wiini David 115

¹Ku siyi kol wiyi tiyi kai EPIƊ-ƊAI, wiyi tiyi kai, amma ku sa kol wiini yikuku, burini pɗemku, buri jreku lai.

²Kapai ɗai e zilbi siɗi ɓa: Alaw na wiiɗi ɗa aŋ wata ɗi ɗa buri maɗa?

³Alaw na wiyi ɗa a na amai war hlai n’amai, wala n’a firiya a zaŋ paŋ ɗa a zaŋ.

⁴Alawai zi rgi na wiiɗi ɗa, a zi arzaŋ gaini or, a sda na e ziŋ ɗa e ɗi ɗai.

⁵Mini a na amma a muɗa kai, arni a na amma a tala kai;

⁶Slimani a na amma a ɵina kai, merfeŋni a na amma a luguza wala kai;

⁷Tini a na amma a yima wala kai, azini a na amma a hala kai, wulani a na amma a waa seŋ edi kai.

⁸Nagai n’e ziziniŋ ɗa, e siɗi maini ɵa, gaiɗi nagai paŋ n’e ɗiyi yimiɗi midini nɵa lai.

⁹Tiki ɗai na Izrayel, pɵi midini EPIƊ-ƊAI, ni a zinai na wiiɗi, a gamar na wiiɗi;

¹⁰Pinzibani Aaron, pɵi midini EPIƊ-ƊAI, ni a zinai na wiiɗi, a gamar na wiiɗi;

¹¹Tiki paŋ na ki sini hormo wiini EPIƊ-ƊAI, ki pɵi midini EPIƊ-ƊAI, ni a zinai na wiiɗi, a gamar na wiiɗi.

¹²EPIƊ-ƊAI midini aga a kɵa gaimu, aga a ɓukumu, aga a ɓikiɗi pinzibaɗi Izrayel, aga a ɓikiɗi pinzibani Aaron lai.

¹³Aga a ɓikiɗi nagai n’e sini hormo paŋ, n’abakai gaiɗi na agogoi.

¹⁴EPIƊ-ƊAI aga a riyiki amai, tiki gaiɗi aliki paŋ,

¹⁵EPIƊ-ƊAI n’a hlai n’amai gaiɗi yai ɗa, a ɓikiki.

¹⁶Hlai n’amai ɗa a hlai n’amai na wiini EPIƊ-ƊAI, amma a sitiɗi yai ɗa wiiɗi ɗai murɗakai ta.

¹⁷E kûli EPIƊ-ƊAI ɗa e ɗi ɗai zi mri kai, gaiɗi nagai na e niyi azumai warni hlaiɗi ɗai zi mri kaalai.

¹⁸Amma tiyi ɗa aga mi kûli ɗa a EPIƊ-ƊAI, tiyana haa hlai n’a vada kai, kûli EPIƊ-ƊAI.