Read Mousgoum Yama na wiini David 116 Bible Online

Yama na wiini David 116 - Mousgoum bible

Yama na wiini David 116

¹Mu dara EPIƊ-ƊAI, buri a ɵina wula, a ɵina tûwiŋa lai,

²buri ɓa a zagasi ɵimani maa, aga mu yikaŋ ma ɵa haa kureɗ.

³Jaɓ na wiini mri a hirɗaŋa amlai hiriŋ, hunai n’abai na wuzani hlai zi simni na wiiɗi ɗai zi mri a yimaŋa, mu nafu war gir, war ŋiba lai.

⁴Amma mu yika ma ɗa a yikini EPIƊ-ƊAI, za barka EPIƊ-ƊAI, kurɗaŋa edi kruɗ kai ɗi!

⁵EPIƊ-ƊAI na wiimu ɗa a zi tiki pini seŋ kai, a jre, a va gaini hiinini-haw,

⁶EPIƊ-ƊAI a giɗimiɗi ɗai na gaini niyi kai ɗa, mu nafu huruf, a kurɗaŋasi edi.

⁷Ta ɗa aga mu waya warni si n-amla na wiya, buri EPIƊ-ƊAI a zaŋa pɗem ta.

⁸Ku plaŋasi edi mini mri par, ku ɵaata tuwi na ara ɗa edi, ku hina aza a ɵiɓa tukum kai.

⁹Buri nɵa aga mu paya pɗem wuzani arni EPIƊ-ƊAI, midini afti na wiiɗi ɗai na karɗi.

¹⁰Won hlai na mu na muɗa seŋ hanɗa hiiniŋa na midini Alaw a nafu gaini ɗiyi zaw, paŋ ktai mu nafu war gir n’abai!

¹¹Dabarai zamai ara kir kai ɗa, mu hiiŋa ɓa: Ɗai paŋ ɗa e zi eles kafa.

¹²Pɗem n’EPIƊ-ƊAI a zaŋ sa paŋ na ɗa, aga mu siŋ ɗa a maɗa kiɗi ɗa?

¹³Aga mu yimiti kup na wiini rɗi n’amai ɗa amai, aga mu yika ma ɗa a yikini EPIƊ-ƊAI.

¹⁴Zlinini-ha na mu ziŋni wiini EPIƊ-ƊAI ɗa aga mu vaŋ amai, wuzani arɗi ɗai paŋ.

¹⁵Mri na wiiɗi ɗai na jrekai ɗa, a fiɗini sini EPIƊ-ƊAI.

¹⁶Za barka EPIƊ-ƊAI, ta mu begeku, begeku n’ahiɗi bagaiku. Ku pla zaɓŋa edi.

¹⁷Aga mu zuku ɓaka zi zini tese, aga mu yika ma ɗa a yikini EPIƊ-ƊAI.

¹⁸Zlinini-ha na mu ziŋni wiini EPIƊ-ƊAI ɗa, aga mu vaŋ amai wuzani arɗi ɗai paŋ.

¹⁹Aha war pakatai na wiini Dalam na wiini EPIƊ-ƊAI, aha warku, Yeruzalem! Kûli EPIƊ-ƊAI.