Read Mousgoum Yama na wiini David 118 Bible Online

Yama na wiini David 118 - Mousgoum bible

Yama na wiini David 118

¹Ki kol sini EPIƊ-ƊAI, buri Ni a pɗem, buri pɗemni ɗa a na ɵa haa kureɗ!

²Tiki pinzibaɗi Izrayel, miɗi ɓa: Buri pɗemni a na ɵa haa kureɗ!

³Tiki pinzibani Aaron, miɗi ɓa: Buri pɗemni a na ɵa haa kureɗ!

⁴Nagai n’e sini hormo wiini EPIƊ-ƊAI, e miɗi ɓa: Buri pɗemni a na ɵa haa kureɗ!

⁵War girŋa par mu ɗuula EPIƊ-ƊAI, EPIƊ-ƊAI a ɵina tûwiŋa a ɵaaŋa baŋa sa.

⁶EPIƊ-ƊAI aŋ pa par, mu huna kir kai, ɗif murɗek a za sa ɗa a maɗa!

⁷EPIƊ-ƊAI a zinai na wiya, aga mu firiya Won hlai na mu tiliɗi gawŋa war gir.

⁸Ɗif a pɵa midini EPIƊ-ƊAI pɗem, a suwa pɵi n’a pɵa midiɗi ɗai ɗa.

⁹Ɗif a pɵa midini EPIƊ-ƊAI pɗem, a suwa pɵi n’a pɵa midiɗi n’abakai zi spak ɗa.

¹⁰Pini zibaɗi ɗai paŋ e gûniŋa azumai, amma war yikini EPIƊ-ƊAI mu vidiɗi edi gaini kaɵkar.

¹¹E gûniŋa amlai, e hiriŋa amlai cup, amma war yikini EPIƊ-ƊAI ɗa mu vidiɗi edi gaini kaɵkar.

¹²E digi mada maini ami nɵa, e mri maini afu na wiini aŋzama nɵa, amma, war yikini EPIƊ-ƊAI mu vidiɗi edi gaini kaɵkar.

¹³E huguŋa gaini gdaŋɗi kapai mu kɵa azumai, amma EPIƊ-ƊAI a lawaŋa ɗuwal.

¹⁴EPIƊ-ƊAI a gdaŋ na wiya, a spak na wiya, a kurɗaŋa edi ɗa a ni.

¹⁵A juva ɓa, ɗuwal zi firiyi gaini ɗuwal na wiini pili n’edi, a niyasi aha warni dalamɗi na jrekai par, tiy zi spak na wiini EPIƊ-ƊAI te siŋka gdaŋɗi edi.

¹⁶Tini EPIƊ-ƊAI zi spak ɗa t'aŋ gaini rɗi amai, tiy si spak na wiini EPIƊ-ƊAI te siŋka gdaŋɗi edi.

¹⁷Aga mu mra kai, mu sumna kara, mu muɗa edi midini sda n’abakai na wiini EPIƊ-ƊAI.

¹⁸EPIƊ-ƊAI a gdaŋa gaini ɵiɓi, amma a hinaŋa mu mra kai.

¹⁹Miliŋa mini hlai na wiini jre ɗikat ɗa edi, kapai mi niyaɗi amlai warni ɗaw, mu sa kol sini EPIƊ-ƊAI.

²⁰Hanɗa a mini hlai na wiini EPIƊ-ƊAI, na jrekai ɗa e niyi amlai warni ɗaw.

²¹Aga mu sa kol suku buri ku ɵina tûwiŋa, buri ɓa ku kurɗaŋa edi ku tuku.

²²Ahi fuŋ na ɗai zi rgi dalam e biliŋ edi ɗa, a bunda aŋ ahi-fuŋ na gaini futini n’a tika war koŋni dalam.

²³Hanɗa a zasi sini EPIƊ-ƊAI par, wuzani armu a wala n’a bunda ɗif hiyak.

²⁴Mefeŋ hanɗa a zaŋ a EPIƊ-ƊAI, aga a za burimu aŋ mefeŋ zi firiyi n’abai, zi didimi.

²⁵EPIƊ-ƊAI, za barka kûrɗiyi edi kruɗ, EPIƊ-ƊAI, za barka siyi rɗi n’amai ta!

²⁶A zuva ɓa ɓiki a sumna midini ɗif paŋ n’a halasi amlai wonni na war yikini EPIƊ-ƊAI, tiyi mi ɓikiki na ɗa amlai war dalam na wiini EPIƊ-ƊAI par.

²⁷EPIƊ-ƊAI a Alaw, a hina gaglaini a ŋala mudumu; tiki na ki hili miɗi fet ɗa, rgi ɵimani luwuŋ siki, ki giri haa amlai sini koŋni gûwiŋ zi ɓaka ta ta.

²⁸Tuku k’Alaw na wiya, aga mu suku kol, Alaw wiya, aga mu kuluku amai.

²⁹Kûli EPIƊ-ƊAI, buri ni ɗa a pɗem, buri pɗemni a na ɵa haa kureɗ.