Read Mousgoum Yama na wiini David 122 Bible Online

Yama na wiini David 122 - Mousgoum bible

Yama na wiini David 122

¹Yama na wiini David na burini hili n’amai warni tempel, mu firiya gara Won hlai n’e miɗiŋa li ɓa: Hulumu amai war dalam na wiini EPIƊ-ƊAI ɗa.

²Yeruzalem, tiyi mi ɗa gaini ɗiyi, mini magalaku ca!

³Yeruzalem, fuŋ n’abai n’a rga gaini futini, n’a rga gaini tiɓi pini marni teɓ, arbani gaini ɓûrwi kai,

⁴a hlai na pinzibaɗi Izrayel e hili amai woni, pinziba na wiini EPIƊ-ƊAI ɗa, aŋ wala zi zaida buriɗi Izrayel, kapai e si kol sini yikini EPIƊ-ƊAI.

⁵Buri ɓa Paramai zi sariya na jre aŋ woni, gaini Paramai zi sariya na wiini pinzibani David ɗa lai.

⁶Piyi ɵeɗ na wiiɗi Yeruzalem, a zuva ɓa nagai paŋ n’e diriku ɗa e simni jam.

⁷A zuva ɓa ɵaga na suku ɗa a sumna ɵeɗ lai, dalamaiku na pɗamai ɗa hûwyi a za warni kaalai.

⁸Buriɗi tawalakaya gaiɗi marmakaya, mu ɓaka ma na ɗa ɓa: ɵeɗ a sumna muduku.

⁹Burini dalam na wiini Epiɗ-ɗai Alaw na wiimu ɗa, mu siiwa Alaw ɓa a ku sumna warni ɵeɗ.